သာသနာ့ဂရန်မြေ လျှောက်ထားရယူခြင်းအကြောင်း ဥပဒေဗဟုသုတအနေဖြင့် ရေးသားဖော်ပြပေးလိုက်ပါသည်။

အောက်မြန်မာနိုင်ငံမြို့နှင့် ကျေးရွာမြေများ အက်ဥပဒေ၊ နည်းဥပဒေများ နောက်ဆက်တွဲ - ၁၊ အခန်း-(၂) အရ မြို့မြေစာရင်းထဲရှိ မြေကွက်အား သာသနာ့ဂရန်မြေအဖြစ် ပြောင်းလဲလျှောက်ထားလိုသည့်အခါ မြေအရောင်းအဝယ် စာချုပ်၊ ပေးကမ်းခြင်းစာချုပ်၊ လှူဒါန်းခြင်းစာချုပ်၊ တရားရုံးအမိန့်ရှိလျှင် အမိန့်၊ ဂရန်မြေ မဟုတ်ပါက မြေချပါမစ်၊ မြေ ချစလစ်၊ အဆောက်အအုံပါရှိလျှင် (၄)ဘက်မြင် ဓာတ်ပုံမှတ်တမ်းများတို့ လျှောက်ထားသူမှ တင်ပြနိုင်ရပါမည်။

မြေကွက် နှင့် သက်ဆိုင်သည် တစ်နှစ်အတွင်း မြေယာစီမံခန့်ခွဲရေးကော်မတီထံတွင် ထုတ်ယူထားသောလားရာများ ပါရှိသည့် မြေစာရင်း - ၁၀၅ / ၁၀၆ အား ပူးတွဲတင်ပြပေးရမည်။ လှူဒါန်းသူ၏ မြေပိုင်ဆိုင်မှု အထောက်အထားများနှင့် ၎င်း၏မှတ်ပုံတင်မူရင်း၊ မိတ္တူ၊ မြေခွန်ပြေစာ(သို့)ကြွေးကျန်ကင်းရှင်းကြောင်း ထောက်ခံချက်၊ မြေပုံတို့ဖြင့် လှူဒါန်း ခြင်း မှတ်ပုံတင်စာချုပ်စာတမ်း/ ကြေငြာစာတမ်း ချုပ်ဆိုနိုင်ရပါမည်။

သာသာနာအကျိုးအတွက် သုံးစွဲနိုင်သောမြေ၊ မြေယာအပိုင်ပတ္တာ စာချုပ်ဖြင့် ထုတ်ပေးသည့်လက်မှတ်၊လူပုဂ္ဂိုလ်ကသာ လျှောက်ထားခွင့်ရှိသောမြေ၊ ဝိသုံဂါမသိမ် အသုံးပြုရန်အတွက် မြေပေးအမိန့်ထုတ်ပေးသော လက်မှတ်ဟူ၍ သာသနာ့ဂရန်မြေ(၄)မျိုး ရှိပါသည်။ သာသနာ့ဂရန်မြေအဖြစ် လျှောက်ထားခွင့်ရှိသူများမှာ သာသနာဆိုင်ရာပုဂ္ဂိုလ်၊ ဂေါပကအဖွဲ့၊ သာသနာရေးအဖွဲ့အစည်းတို့ ဖြစ်ပါသည်။

လျှောက်ထားသည့်မြေကွက်အတွက် သာသနာရေး သံဃာ့နာယက မြို့နယ်/ ခရိုင်/ တိုင်းဒေကြီး၊ သာသနာရေးဦးစီးဌာန အဆင့်ဆင့်၏ ထောက်ခံချက်နှင့် ကျေးရွာ/ရပ်ကွက် အုပ်ချုပ်ရေး ထောက်ခံချက်တို့လဲ ပါရှိရပါမည်။ ထို့ပြင် ခရိုင်အုပ်ချုပ်ရေးဦးစီးဌာနသည် သာသနာ့ဂရန်မြေအဖြစ် ချထားပေးရန်အတွက် တိုင်းဒေသကြီး/ပြည်နယ် အုပ်ချုပ်ရေးမှူးမှ တစ်ဆင့်ဘဏ္ဏာတော်မင်းကြီး အခွင့်အာဏာရ ညွှန်ကြားရေးမှူးချုပ်၏ ဆုံးဖြတ်ချက်အား ရယူမည်ဖြစ်ပါသည်။ အစိုးရမှသာ မြေပိုင်ရှင်ဖြစ်သဖြင့် အခွန်လွတ်သာသနာ့မြေအဖြစ် လှူဒါန်းလျှောက်ထားလိုပါက ပြည်ထဲရေး ဝန်ကြီးဌာနမှ ခွင့်ပြုအမိန့် ကြေငြာစာလဲ လိုအပ်ပါသည်။

စာရွက်စာတမ်းများ စုံလင်သည့်အခါ ဌာနမှ မြေပြင်နှင့် ကိုက်ညီမှု ရှိမရှိ၊ မြို့တော်နယ်နိမိတ်အတွင်းကျရောက်ခြင်း ရှိမရှိ၊ ကွင်းဆင်းစစ်ဆေးကာ သာသနာ့ဂရန်မြေအဖြစ် မြေပုံခွဲထွက်မှတ်သားပြီး သာသနာ့ဂရန်ရရှိမည်ဖြစ်ကြောင်း ဥပဒေဗဟုသုတအနေဖြင့် ရေးသားဖော်ပြပေးလိုက်ပါသည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767  သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

iMyanmarHouse.com ၏ ဥပ​ဒေအကြံ​ပေး ပညာရှင်​အဖွဲ့ မှ အထူးရေးသားဖော်ပြသည်။

Credit: iMyanmarHouse.com