အိမ်ခြံမြေဟောပြောပွဲမှာအမေးများကြတဲ့ မောင်နှမ အမွေဝေစုကိစ္စတစ်ခု

ရန်ကုန်မြို့၊ ဦးဝိစာရလမ်း၊ တပ်မတော်ခန်းမမှာ iMyanmarHouse.com က ကျင်းပပြုလုပ်တဲ့မြန်မာနိုင်ငံ၏ အကြီးဆုံးအိမ်ခြံမြေအရောင်းပြပွဲကြီးကို (၁ .၅ .၂၀၁၅) မှ (၃ .၅ .၂၀၁၅) နေ့ထိသုံးရက်တိုင်တိုင်ကျင်းပပြုလုပ်ပေးခဲ့တာ၊ အိမ်ခြံမြေပြပွဲကြီးကိုလာရောက်အားပေးသူတိုင်းအမှတ်တရရှိနေကြဆဲဖြစ်မယ်လို့စာရေးသူယုံကြည်နေပါတယ်။ (၃)ရက်တိုင်တိုင်ကျင်းပပြုလုပ်တဲ့ အိမ်ခြံမြေအရောင်းပြပွဲကြီးမှာ လာရောက်ကြည့်ရှုအားပေးကြတဲ့ ဧည့်သည်တော်များကိုမဲဖောက်ပြီး အမှတ်တရလက်ဆောင်များပေးတဲ့အတွက်လည်း သတိတရရှိနေကြဦးမှာပါ။


သိလိုသူတွေမေးသမျှမောင်ကောင်းဖေကရေးပြ

မြန်မာနိုင်ငံမှာအကြီးကျယ်ဆုံး အိမ်ခြံမြေပြပွဲကြီးကျင်းပပြုလုပ်တဲ့ရန်ကုန်မြို့တပ်မတော်ခန်းမမှာ ၃.၅.၂၀၁၅ (တနင်္ဂနွေနေ့) စာရေးသူလည်းပါဝင်ဟောပြောခွင့်ရခဲ့လို့ ယနေ့အထိ ၀မ်းသာ ဂုဏ်ယူနေတုန်းပါပဲ။ ဟောပြောပွဲကြီးမှာစာရေးသူထံမှာ သိ လိုသည်များကိုမေးမြန်းနိုင်ကြောင်း အခမ်းအနားမှူးကကြေညာပေးလိုက်တဲ့အခါမှာ ဧည့်ပရိသတ်အတွင်းမှမေးမြန်းလိုသူတွေတစ်ဦးပြီးတစ်ဦး ရှေ့ဆင့်နောက်ဆင့်ရောက်လာကြတယ်။ မိမိတို့ရင်ဆိုင်ကြုံတွေ့နေရတဲ့ အိမ်ခြံမြေအရောင်းအ၀ယ်ကိစ်္စတွေ ကိုလာရောက်ဆွေးနွေးကြပါတယ်။
တချို့ကလည်း သိလိုတာတွေအေးအေးဆေးဆေးလာရောက်ဆွေးနွေးလိုကြောင်းပြောပြီး စာရေးသူထံမှလိပ်စာကတ်ပြား တောင်းကာနှုတ်ဆက်ပြီးအသီးသီးပြန်သွားကြပါတယ်။ အဲဒီပရိသတ်ထဲမှ “ဒေါ်နွဲ့” တစ်ယောက်ကတော့မနက်ဖြန်ထိမစောင့်နိုင်လို့အခုပဲသိလိုကြောင်း မေးပါရစေဆိုပြီး မေးတော့တာပါပဲ။ဘိုးဘွားပိုင်မြေဆိုတာ ဂရန်စာအုပ်လုပ်စရာမလိုပါ

“ဆရာရယ် ကျွန်မကဆရာ့ရဲ့စာဖတ်ပရိသတ်ပါ။ ဖုန်းဆက်ပြီး လည်းမေးဖူးပါတယ်။ အခုဆရာနဲ့တိုက်တိုက်ဆိုင်ဆိုင် ဒီအိမ်ခြံမြေအရောင်းပြပွဲကြီးမှာလာတွေ့ရလို့ အရမ်းလည်းဝမ်းသာသွားပါတယ်။ ကျွန်မတို့ကမရမ်းကုန်းမြို့နယ်မှာနေပါတယ်။ မြေကွက်အကျယ် ပေ၈၀၊ ၁၂၀ပေ ခြံကွက်ထဲမှာမိဘတွေလက်ထက်ကတည်းကနေလာတဲ့ဘိုးဘွားပိုင်မြေလေ။ ဘိုးဘွားပိုင်မြေဆိုတော့ ဂရန်မရှိဘူးပေါ့ဆရာ”
“ဒီလိုဆိုရင် ဒီနေ့အထိမိဘတွေရဲ့အမည်ပေါက်စာချုပ်နဲ့ပဲနေလာတာပေါ့နော်” ..““ဟုတ်ပါတယ်၊ မိခင်အမည်ပေါက်ပါရှင်””

မိဘအမွေသားသမီးဆက်ခံ

““အဘိုးအဘွားတွေကွယ်လွန်သွားတဲ့အခါမှာတစ်ဦးတည်း သောသမီးဖြစ်တဲ့ကျွန်မတို့အမေ ဒေါ်တင်တင်ကအမွေဆက်ခံခဲ့တာပေါ့ရန်ကုန်မြို့စာချုပ်စာတမ်း မှတ်ပုံတင်ရုံးမှာ အမွေဆက်ခံဖို့ပိုင်ဆိုင်ကြောင်းစာချုပ်ချုပ်ဆိုပြီးနောက်ရန်ကုန်မြို့တော်စည်ပင်သာယာရေးကော်မတီမြို့ပြစီမံကိန်းနှင့်မြေစီမံခန့်ခွဲမှုဌာနမှာအမည်ပြောင်းပြီးနေလာခဲ့တာပါ။ ၂၀၁၀ ခုနှစ်မှာဖေဖေနဲ့မေမေတို့ကရှေ့ဆင့်နောက်ဆင့်ကွယ်လွန်သွားကြတယ်လေ””

အမွေဆိုင်မြေအညီအမျှခွဲဝေနေ

““မိဘတွေကွယ်လွန်သွားတဲ့အခါသားသမီး ၃ ယောက်ကျန်ခဲ့တယ်။ မနွဲ့ရယ်၊ အစ်မအလတ်မခင်ခင်နဲ့အစ်ကိုကြီး ကိုဖြိုး ပိုင်တို့ပေါ့ကျွန်မနဲ့မခင်ခင်က ၄၀ပေ၊ ၁၂၀ ပေကို ၂၀ပေ၊ ၁၂၀ စီ တစ်ယောက်တစ်ဝက် ခွဲဝေယူကြတယ်။ ကိုယ်ပိုင်တဲ့မြေပေါ်မှာတိုက်ဆောက်ပြီးနေထိုင်ကြတယ်။ အစ်ကိုကြီး ကိုဖြိုးပိုင်ကတော့ ၄၀ပေ၊ ၁၂၀ပေ ခွဲဝေယူပြီး သီးခြားအိမ်ဆောက်နေထိုင်တယ်။ အမှန်ကတော့ ၃ ယောက်လုံး ၂၀ပေ၊ ၁၂၀ပေ စီ ခွဲဝေယူကြတာပါပဲ။ ပိုနေတဲ့ ၂၀ပေ၊ ၁၂၀ ကိုပြန်ရောင်းတဲ့အခါအစ်ကိုကြီးက ပြန်ဝယ်လိုက်တာပေါ့ အစ်ကိုကြီးပေးတဲ့ငွေတွေကိုလည်းသုံးဦးလုံး အညီအမျှခွဲဝေယူပြီးသွားပါပြီ””

မောင်နှမအရင်းဖြစ်သော်လည်း မြေနဲ့ပတ်သက်လာရင်ယုံရခက်ကြီးပါ

စာရေးသူကရှင်းရှင်းလင်းလင်းသိလို၍ “မောင်နှမအရင်းချင်း တွေဆိုတော့ ဒီလိုဘဲ (၃) ဦးသဘောတူယူကြတော့တာပေါ့ ဟုတ်လား” “မှန်ပါတယ်ဆရာ” “မှတ်ပုံတင်စာချုပ်ပြီး တရားဝင်ခွဲစိတ် ရခြင်းတော့မရှိသေးဘူးပေါ့ကျွန်မကခြေရင်းခြမ်းယူတယ်။ အစ်မအလတ်ကခြံရဲ့အလယ်ကွက်မှာနေတယ်။ အစ်ကိုကြီးကတော့ခေါင်း ရင်းခြမ်းမှာနေကြတယ် ပိုင်းခြားခွဲဝေထားတဲ့ အရပ်ကတိစာချုပ်နဲ့ပဲနေလာခဲ့ကြတာ ဒီနေ့အထိပဲဆရာ။ မောင်နှမအရင်းချင်း တွေဆိုတော့ဘာမှပြဿနာမရှိလောက်ပါဘူးနော်။ ဒီတိုင်းနေသွား လို့ရတယ်မဟုတ်လားဆရာ” စာရေးသူကိုထပ်ခါတလဲလဲမေး တော့စာရေးသူက ဒေါ်နွဲ့မေးတဲ့မေးခွန်းကိုသဘောကျလွန်းလို့ပြုံးလိုက်မိတယ်။

ရှင်းရာမှ ရှုပ်အောင်မွှေတတ်တဲ့ “မြေ”

ဒီတော့ ဒေါ်နွဲ့က “ဆရာပြုံးတာအဓိပ်္ပာယ်ရှိတယ်။ အဲဒါရှင်း ပြပေးပါဦးဆရာ” “ အမွေဆိုတာမွှေတတ်တဲ့သဘောရှိတယ်ဒေါ်နွဲ့ရယ်မြေနဲ့ပတ်သက်တဲ့အမွေဆိုရင်တော့အဆိုတော်သားစိုးရဲ့ ရောသမမွှေသီချင်းလိုပါပဲမွှေပြီးရင်းမွှေတတ်ကြလို့ ဒေါ်နွဲ့တို့မောင်နှမသုံးယောက်စိတ်တူသဘောတူချစ်ကြခင်ကြကြင်နာကြတဲ့အချိန်အခုလိုအသက်ထင်ရှားရှိတုန်း၊ စာချုပ်မှတ်ပုံ တင်လို့တရားဝင်ခွဲစိတ်ပြီး အမည်ပေါက်လုပ်ထားကြမှနောင်ရေး စိတ်အေးရလိမ့်မယ်နော်””

ဆက်လက်ဖော်ပြပါမည်။

လွှတ်တော်ရှေ့နေမောင်ကောင်းဖေ မှ MyanmarHouse.com အိမ်ခြံမြေ မဂ္ဂင်ဇင်း အတွက် အထူးရေးသားဖော်ပြသည်။
Credit: iMyanmarHouse.com