ကွန်ဒိုဈေးကွက် မကြာမီ ပြန်လည်ကောင်းလာနိုင်မည်ဟု အိမ်ခြံမြေကျွမ်းကျင်သူများခန့်မှန်း

မြေနေရာလိုအပ်ချက်များ လျော့နည်းလာစေရန် မြို့သစ်စီမံကိန်းများ ပြုလုပ်နေသော်လည်း အထင်ကရမြို့နယ်များတွင်ပင်အခြေခံအဆောက်အအုံများ လမ်းတံတားလိုအပ်ချက်များ ရှိနေသေးသောကြောင့် ထိုမြို့သစ်များမှာ ဖွံ့ဖြိုးတိုးတက်၍စည်ကားသောမြို့အဖြစ်ရောက်ရှိစေရန် အချိန်ယူရဦးမည်ဖြစ်ကြောင်း အိမ်ခြံမြေကျွမ်းကျင်သူများက ပြောသည်။

စီးပွားရေးပြုလုပ်ရန် တည်နေရာအနေအထားသည် အလွန်အရေးကြီးသည့်အတွက် စီးပွားရေးအတွက် မြို့သစ်များကိုရွေးချယ်ခြင်းထက်ရန်ကုန်မြို့၏ စည်ကားပြီးသားနေရာများကိုသာ စီးပွားရေးလုပ်ငန်းရှင်များက ပြောင်းရွှေ့ကြရန် ပိုမိုစိတ်ဝင်စားကြကြောင်း
၎င်းတို့က ပြောသည်။ “မြို့တည်တာ ကြာပြီဖြစ်တဲ့ ရွှေပြည်သာတို့ သန်လျင်တို့ စတဲ့မြို့တွေမှာတောင် လိုအပ်ချက်တွေရှိနေသေးတော့ မြို့သစ်စီမံကိန်း ဆိုတာ ဝေးပါသေးတယ်။ မြို့သစ်တွေမှာ လျှပ်စစ်မီးတို့ လမ်းပန်းဆက်သွယ်ရေးတို့အားလုံးပြည့်စုံဖို့က အချိန်ယူရဦးမှာ။ အထူးစီးပွားရေးစီမံကိန်းမဟုတ်ဘဲ ရိုးရိုးစီးပွားရေးလုပ်မယ့်သူတွေက မဖွံ့ဖြိုးသေးတဲ့မြို့သစ်တွေမှာ
ဝယ်ယူနေဖို့ထက် စည်ကားတဲ့နေရာကောင်းတွေမှာပဲ နေဖို့ပိုစိတ်ဝင်စားကြတယ်” ဟု အာရှဆောက်လုပ်ရေးလုပ်ငန်းအထွေထွေ မန်နေဂျာ ဦးရန်အောင်က ပြောသည်။

လက်ရှိ အနေအထားတွင် မြေဈေးကွက်နှင့်တိုက်ခန်းဈေးကွက်များမှာ
အရောင်းအ၀ယ်မရှိသလောက် ငြိမ်သက်နေပြီး စောင့်ကြည့်ရမည့် အနေအထားတွင် ရှိနေသော်လည်း ကွန်ဒိုဥပဒေထွက်ပေါ်လာပါက အချက်အချာကျသော နေရာများမှ ကွန်ဒိုတိုက်ခန်းများဈေးကောင်းလာနိုင်ကြောင်း ၎င်းကပြောသည်။
၂၀၁၂ ခုနှစ်ကတည်းက စတင်ရေးဆွဲခဲ့သော ကွန်ဒိုမီနီယမ်ဥပဒေကို ယခုနှစ်အတွင်း ပြဋ္ဌာန်းပေးမည်ဖြစ်ကြောင်းဧပြီလ ကပြုလုပ်ခဲ့သော အိမ်ခြံမြေ၀န်ဆောင်မှုအသင်းနှစ်ပတ်လည်အသင်းသား စုံညီအစည်းအဝေးတွင် တာန်ရှိသူများကပြောကြားခဲ့ပြီး ဖြစ်သည်။ ထိုဥပဒေတွင်အချက်ပေါင်း ၆၀ ကျော် ပါဝင်ပြီး ဥပဒေပြဋ္ဌာန်းပြီးလျှင် ကွန်ဒိုတိုက်ခန်းများ၏၄၀ ရာခိုင်နှုန်းခန့်ကို နိုင်ငံခြားသား များက ၀ယ်ယူနိုင်ခွင့်ရှိမည်ဖြစ်သည်။ “နိုင်ငံခြားသားအနည်းစုက သူတို့တွဲဖက်လုပ်ကိုင်နေတဲ့ ကုမ္ပဏီနာမည်နဲ့ ဖြစ်ဖြစ် နိုင်ငံသား အိမ်ထောင်ဖက်နာမည်နဲ့ဖြစ်ဖြစ် တိုက်ခန်းဝယ်ထားတာတွေရှိပေမယ့် တရားဝင်အမည်ပေါက်နဲ့ဝယ်ခွင့်ရမယ်ဆိုရင် ၀ယ်ချင်တဲ့သူတွေ များတယ်။

အခုချိန်မှာ အဆင့်မြင့်အိမ်ရာတွေနဲ့ ကွန်ဒိုတွေက များလာပြီးဝယ်ချင်တဲ
့နိုင်ငံခြားသားတွေက ဥပဒေသစ်ကို စောင့်နေတဲ့အနေအထားမှာ ရှိတယ်” ဟု မြတ်မင်းဆောက်လုပ်ရေးမှ ဒါရိုက်တာဦးအောင်မင်းက ပြောသည်။ ယခုချိန်တွင် မြေဈေးကွက်သည် ဆက်လက်အေးစက်နေနိုင်ပြီး တိုက်ခန်းအရောင်း ဈေးကွက်မှာ
ခန့်မှန်းရခက်သော အနေ အထားတွင်ရှိကြောင်းနှင့် မကြာမီ ကွန်ဒိုဥပဒေပြဋ္ဌာန်းပြီးပါက အချက်အချာကျသော နေရာများမှကွန်ဒိုတိုက်ခန်းများကို ၀ယ်လိုသူ များရှိလာနိုင်ပြီး ဈေးအနည်းငယ်မြင့်တက်လာနိုင်ကြောင်း အိမ်ခြံမြေဈေးကွက်
ကျွမ်းကျင်သူများက ခန့်မှန်းသည်။ “ကွန်ဒိုတိုက်ခန်း ၀ယ်မယ့်သူတွေက ဆောက်မယ့်ကွန်ဒိုတွေ စည်ပင်ဥပဒေကိုတကယ်ရောလိုက်နာကြရဲ့လား၊ ဆောက်လုပ်ရေးလုပ်ငန်းရှင်တွေကရော တကယ်ခိုင်မာမှုရှိရဲ့လား ဆိုတာတွေကိုအရင်ဆုံးစုံစမ်းထားကြည့်သင့်တယ်။ ဈေးနှုန်းတစ်ခုတည်းကိုပဲကြည့်ပြီး ၀ယ်လို့ကတော့ ဘယ်လိုမှစိတ်ချလို့မရနိုင်တဲ့ အနေအထားပါ” ဟု ဦးရန်အောင်က ပြောသည်။

Credit: The Myanmar Times