ပြင်ဦးလွင်မြေဂယက် မန္တလေးဝန်းကျင်က လယ်ယာမြေဈေးကွက်ကိုပါ ရိုက်ခတ်

မြေအရောင်းအ၀ယ်နှင့် ပတ်သက်ပြီး ငွေကြေးအရှုပ်အရှင်း ပြသနာတွေကြောင့် အရောင်းအ၀ယ် ရပ်တန့်နေတယ်လို့ နယ်မြေခံ အကျိုးဆောင်တချို့က ပြောပါတယ်။

မန္တလေးတိုင်း ပြင်ဦးလွင်မြို့နယ်ရှိ လယ်ယာမြေတွေကို အိမ်ခြံမြေ၀ယ်ရောင်း ပွဲစားတစ်ဦးက အကွက်ရိုက် ရောင်းချရာမှာ မြေကွက်တစ်ခုတည်းကို ၀ယ်လက် နှစ်ဦးသုံးဦးရောင်းချထားတဲ့ ပြသနာ
ပေါ်ပေါက်နေပါတယ်။

"အခုပဲ အဲဒီလို ကြုံတွေ့နေရတာ အကွက်ကိုထပ်ပြီးရောင်းတာ၊ အဲဒီလိုဖြစ်နေတာတွေ အများကြီးပဲ၊ ကျွန်တော်က ကျွန်တော့်တစ်ဆင့်ပဲ ရောင်းထားတာ၊ တချို့အကွက်တွေကျတော့ နှစ်ဆင့်သုံးဆင့် ရောင်းထားကြတာ"လို့ အကွက်ထပ်မြေ၀ယ် မိထားသူ မုံရွာမြို့ခံတစ်ဦးက ဆိုပါတယ်။

အကွက်တစ်ခုတည်းကို လေးငါးဦးခန့် ရောင်းချထားတာ
ကြောင့် ရောင်းသူနဲ့ ၀ယ်သူအကြား မပြေလည်မှုတွေ ရှိနေပြီး အဆိုပါမြေတွေကို မုံရွာ၊ မန္တလေး နဲ့ ရန်ကုန်ဝယ်လက်တွေက ၀ယ်ယူထားကြတာ ဖြစ်ပါတယ်။

အရှယ်ရှင်းပြသနာတွေကြောင့် တစ်ချိန်က အရောင်းအ၀ယ်သွက်ခဲ့တဲ့ ပြင်ဦးလွင်က လယ်ယာမြေ အရောင်းအဝယ် ဈေးကွက်တစ်ခုလုံးဟာ အခုဆိုရင် ၀ယ်သူမရှိပဲ ဖြစ်နေတယ်လို့ နယ်မြေခံ ပွဲစားအချို့က ပြောပါတယ်။

"၀ယ်သူက တွန့်သွားပြီ၊ ဘယ်လိုအာမခံခံ မယုံကြည်ချင်တော့ဘူး၊ နဂိုကမှ အေးနေတာ၊ အခုလို ကိစ္စတွေ ဖြစ်တော့ အရောင်းအ၀ယ်က လုံးဝရပ်သွားတာ၊ ဘာမြေမှ အရောင်းအ၀ယ်မဖြစ်ဘူး"လို့ ပြင်ဦးလွင်မြို့ အနီးစခန်း လေယာဉ်ကွင်းအနီးရှိ ဆင်ခေါင်းကြီး ကျေးရွာနေ၊ မြေအကျိုးဆောင် လုပ်ငန်းရှင်တစ်ဦးက ပြောပါတယ်။

ဝယ်လက်မရှိလို့ အရောင်းအ၀ယ်ကျဆင်းလာတာနဲ့ အမျှ ဈေးနှုန်းပါကျဆင်းလာခဲ့ပြီး အခု လဆန်းပိုင်းက ကျပ်သိန်း (၄၀) ခန့် ပေါက်ဈေးရှိခဲ့သော ပေ (၄၀) မြေကွက်ဟာ အခုကျပ် သိန်း (၃၀) ခန့်သာ ပေါက်ဈေး ရှိတော့တယ်လို့သိရပါတယ်။ ပြင်ဦးလွင် မြေအရှုပ်အရှင်း ပြသနာကြောင့် မန္တလေး ပတ်ဝန်းကျင် လယ်ယာမြေ အရောင်းအ၀ယ်ဈေးကွက်ကိုပါ ဂယက်ရိုက်စေပါတယ်။

မန္တလေးမြို့ကနေ ပြင်ဦးလွင်သွားတဲ့ ကားလမ်းနံဘေး ပတ်ဝန်းကျင်က မြေယာတွေ၊ ပုသိမ်ကြီးမြို့နယ်သွား ကားလမ်းနံဘေးပတ်ဝန်းကျင်က မြေယာတွေ၊ အတ္တရာဘက်သွားတဲ့ကားလမ်းနံဘေးပတ်ဝန်းကျင်က မြေယာတွေနဲ့စစ်ကိုင်း၊တံတားဦး၊ပတ်ဝန်းကျင်က မြေယာတွေပါ အခုအခါ အရောင်းအ၀ယ်ရပ်နေတယ်လို့ နယ်ခံအကျိုးဆောင်တချို့က ပြောပါတယ်။

Credit: The Kumudra