ရန်ကုန်တိုင်းဒေသကြီးတွင် ၂၀၁၅ ခုနှစ်အတွင်းကားတင်သွင်းပါက ကားပါကင်ပါမစ်ပါရှိမှသာ ကား တင်သွင်းခွင့်ပါမစ် ချထားပေးသည့်အတွက် ယခုအခါ ရန်ကုန်တိုင်းဒေသကြီးရှိ မြို့နယ်များတွင် ကားပါကင် ပါမစ်လျှောက်ရန်အတွက် မြေအငှားသွက်နေပြီး ကားပါကင်ပါမစ်တစ်စောင်လျှင် ကျပ်(၈)သိန်းခွဲနှင့် (၉)သိန်း ဝန်းကျင်ရှိနေကြောင်း ပြည်တွင်းအိမ်ခြံမြေအကျိုးဆောင်အသိုင်းအဝိုင်းမှ စုံစမ်းသိရှိရသည်။
ရန်ကုန်မြို့ တွင်ဖြစ်ပေါ်နေသော ယာဉ်ကြောပိတ်ဆို့မှုများကို လျှော့ချနိုင်ရေးအတွက် ရန်ကုန်တိုင်း အတွင်း မော်တော်ယာဉ်တင်သွင်းမှုကို ထိန်းချုပ်သည့်အနေဖြင့် ရန်ကုန်တွင်မော်တော်ယာဉ်တင်သွင်းခွင့် ပါမစ် လျှောက်ထားရာတွင် အိုဟောင်းပါမစ်ကားများမှအပ ကျန်ကားများကို ကားပါကင်ပါရှိမှ ကားတင်သွင်းခွင့်ပါမစ် ပေးသည့်အတွက် ယခုအခါ ရန်ကုန်တွင် ကားပါကင်ပါမစ်အတွက် အမည်ပေါက်မြေအငှားဈေးကွက် ပိုမိုသွက် လာကြောင်းသိရသည်။ ကားပါကင်လျှောက်ထားရန် ရန်ကုန်မြို့စွန်ရှိ မြို့ နယ်များတွင် မြေနေရာနှင့် သန်း ခေါင်းစာရင်းကို ကားတင်သွင်းသူများမှ အဓိကငှားရမ်းမှုများပြုလုပ်နေကြကြောင်းသိရသည်။ “ ကိုယ်က မြေမှ တကယ်မငှားရတာ။ သန်းခေါင်စာရင်းနဲ့ လာစစ်ရင် နည်းနည်းပါးပါး ပြောရတာပဲရှိတာပါ။ အဲ့လိုလုပ်ပေးရင် ၄ သိန်းရတယ်။ မိသားစုစားဝတ်နေရေးအတွက်လည်း အဆင်ပြေပါတယ်” ဟု ရွှေပြည်သာနေ ပြည်သူတစ်ဦးက ကားပါကင် အတွက်မြေနေရာငှားသည်ကို ပြောကြားခဲ့သည်။
ကားတင်သွင်းရန် ကားပါကင်အတွက် မြို့စွန်များတွင် မြေနေရာ ငှားရမ်းမှုများ အများဆုံးပြုလုပ်လျက်ရှိ ရာ မြောက်ဥက္ကလာ၊ လှည်းကူ၊ ဒလ၊ သန်လျင်၊ ရွှေပြည်သာ၊ ဒဂုံ စသည့်မြို့ နယ်များတွင် ပေ၄၀x ပေ၆၀ မြေကွက်များ အငှားသွက်နေကြောင်းသိရသည်။ “ အခုတစ်လော အိမ်ငှားထက် မြေငှားတွေက ပိုလာအပ်နေကြတယ်။ အများ စုကလည်း ကားပါကင်လုပ်ဖို့လာတာပါ။ လူတစ်ယောက်ကို အနည်းဆုံး သုံး၊လေး၊ငါးကွက်ပဲ ငှားတာ။ မြေအလွတ် ၄၀x ၆၀ တွေကိုပဲအများဆုံးငှားကြတာ” ဟု မြောက်ဥက္ကလာမှ အိမ်ခြံမြေအကျိုးဆောင်တစ်ဦးက iMynamarHouse သို့ပြောကြားခဲ့သည်။
ကားတင်သွင်းခြင်းကို ကားပါကင်ဖြင့် လျော့ချနိုင်ရန်အတွက်ပြုလုပ်ခဲ့သော်လည်း မသမာသောနည်း ဖြင့်လုပ်ကိုင်လာကြသည့်အတွက် ယခုအခါ စီးပွားကူးသန်းမှ မြေအငှားကားပါကင်လျှောက်ခြင်းကို ချထားပေး ခြင်းမပြုတော့ရန်စီစဉ်နေကြောင်းလည်းသိရှိရသည်။
လမင်းအောင် မှ iMyanmarHouse.com အတွက် အထူးရေးသားဖော်ပြသည်။
Credit: iMyanmarHouse.com
