တိုက်ခန်း ၀ယ်ယူခွင့် ရရှိသူများ အနက် ငွေသွင်းနိုင်သူ နည်းပါး၍ ရွှေလင်ပန်း တန်ဖိုးနည်း တိုက်ခန်း အပ်နှံရေး သတ်မှတ်ရက်ထက် ရက်တိုး သတ်မှတ် သွားမည် ဖြစ်ကြောင်း မြို့ရွာနှင့် အိုးအိမ် ဖွံ့ဖြိုးရေး ဦးစီးဌာနမှ သတင်း ရရှိသည်။ ယခင်က မတ်လ (၅) ရက်နေ့ဟု သတ်မှတ်ထားခဲ့ရာမှ ဧပြီလ ပထမ သီတင်းပတ် အထိ ရက်တိုး သတ်မှတ်ရန် ဌာန အနေဖြင့် ဆောင်ရွက် ထားပြီး ရန်ကုန် တိုင်းဒေသကြီး ၀န်ကြီးချုပ်ထံ တင်ပြ ထားကြောင်း သိရသည်။
ဝယ်ယူခွင့် ရသူတွေ ထဲမှာ တိုက်ခန်းငွေ အကြေပေးသွင်း နိုင်တဲ့ သူကတော့ ရာခိုင်နှုန်းနည်း တာပေါ့။ ဒါပေမဲ့ ကျန်တဲ့ သူတွေ အနေ နဲ့လည်း ငွေ စုဆောင်းမှု ပြုလုပ်နိုင်ဖို့ အတွက် တိုးမြှင့် သတ်မှတ်ပေးမှာ ဖြစ်ပါတယ် ဟု တိုင်းဒေသကြီး အိမ်ရာ စီမံကိန်း တာဝန်ခံ ဦးယုခိုင်က ပြောသည်။ မူလ သတ်မှတ် ထားသည့် မတ်လ (၅) ရက်နေ့ အထိ ငွေသွင်းပြီး၍ တိုက်ခန်းသော့များ အပ်နှံနိုင်သူ (၁၂၀) ကျော် ရှိသွားပြီ ဖြစ် ကာ (၅၀) ကျော် ကျန်ရှိနေ သေးကြောင်း ၎င်းက ဆက်လက် ပြောသည်။
ကျွန်မတို့နဲ့ ချိတ်ဆက်ပြီး ငွေပေးချေတဲ့ သူက (၂၁) ဦးရှိ သွားပြီ။ ဒါက ပထမ အသုတ် အနေနဲ့ပေါ့။ နောက်ထပ်လည်း ချေးငွေထုတ် ပေးဖို့ စိစစ်နေ ပါတယ် ဟု ဆောက်လုပ်ရေး နှင့် အိမ်ရာ ဖွံ့ဖြိုးရေးဘဏ်မှ ဦးဆောင် ညွှန်ကြားရေးမှူး ဒေါ်မြင့်မြင့်မူက ပြောသည်။ ရန်ကုန်တိုင်းဒေသကြီး၊ လှိုင်သာယာ မြို့နယ် အတွင်းရှိ ရွှေလင်ပန်း တန်ဖိုးနည်း အိမ်ရာတွင် တိုက်ခန်းပေါင်း (၅၇၆) ခန်း ပါဝင်ပြီး၊ တိုက်ခန်း အကျယ်အ၀န်းပေါ် မူတည်၍ တစ်ခန်းလျှင် ကျပ်သိန်း (၁၁၀) မှ (၁၂၀) အထိ သတ်မှတ် ထားသည်။ အဆိုပါ တိုက်ခန်းများ ၀ယ်ယူနိုင်ရေး အတွက် ၀ယ်ယူခွင့် ရရှိသူ များကို မြို့ရွာနှင့် အိုးအိမ် ဖွံ့ဖြိုးရေး ဦးစီးဌာနနှင့် ဆောက်လုပ်ရေးနှင့် အိမ်ရာ ဖွံ့ဖြိုးရေးဘဏ်တို့မှ ချိတ်ဆက်၍ ချေးငွေ ထုတ်ပေးမည် ဖြစ်ကြောင်းလည်း ဌာန တာဝန်ရှိသူများက တရားဝင် သတင်းထုတ်ပြန် ထားသည်။
Credit: messenger
