အိမ်ခြံမြေ ပူဖောင်းပေါက်နိုင်ခြေမရှိကြောင်း ပညာရှင်အချို့သုံးသပ်

မြန်မာနိုင်ငံတွင်အိမ်ခြံမြေဈေးကွက် နှစ်စဉ်ကြီးထွားလာသော်လည်းအချို့နိုင်ငံများကဲ့သို့အိမ်ခြံမြေပူဖောင်းပေါက်နိုင် ခြေမရှိဟု စီးပွားရေး ပညာရှင်အချို့က ခန့်မှန်းပြောဆိုသည်။

‘‘နိုင်ငံတကာမှာအိမ်ခြံမြေပူဖောင်းပေါက်တယ်ဆိုတာအစိုးရကတည်ဆောက်သူတွေ၊အိမ်ဝယ်မယ့်သူတွေကို ငွေချေးတယ်။အချိန်တန်တော့ ငွေပြန်မဆပ်နိုင် တော့ရတဲ့ဈေးနဲ့ထုတ်ရောင်းကြတယ်။ဒါ့ကြောင့်အိမ်ခြံမြေပူ ဖောင်းပေါက်တယ်လို့ ပြောကြတယ်’’ဟုစီးပွားရေးပညာရှင်ဦးခင်မောင်ညို(ဘောဂဗေဒ)က ဆို သည်။

သို့သော်လက်ရှိ မြန်မာနိုင်ငံတွင်အိမ်ခြံမြေအရောင်းအ၀ယ် ပြုလုပ်သူ ဆောက်လုပ်ရေးလုပ်ငန်းရှင်များမှာအစိုးရထံမှ ချေး ငွေယူတည်ဆောက်ခြင်းမဟုတ်ဘဲမိမိကိုယ်ပိုင်ငွေဖြင့်တည် ဆောက်ခြင်းကြောင့် ချေးငွေပြန်ယင်းကဲ့သို့အခြေအနေမျိုးမဖြစ် နိုင်ကြောင်း အထက်ပါပညာရှင် က ဆိုသည်။

အိမ်ခြံမြေပူဖောင်းပေါက်ရန် နိုင်ငံတစ်နိုင်ငံနှင့်တစ်နိုင်ငံအခြေအနေ ဈေးကွက်ပုံစံချင်းမတူညီသဖြင့် ဈေးတက်နေတိုင်းရေရှည်တွင်ပူဖောင်းပေါက်နိုင်မည်ဟု ပြောခြင်းမှာမှားယွင်း ကြောင်း ထောက်ပြသည်။

လက်ရှိမြန်မာနိုင်ငံ၏ အိမ်ခြံမြေဈေးနှုန်းများကြီးမြင့်နေရခြင်း မှာတစ်နိုင်ငံလုံး၏စီးပွားရေးတွင်အိမ်ခြံမြေလုပ်ငန်းကအမြတ်ရရန်အကောင်းဆုံးဖြစ်ပြီးခိုင်မာသည့်စီးပွားရေးလုပ်ငန်းတစ်ခု ဖြစ်သောကြောင့်အများစုကအိမ်ခြံမြေအပေါ်စုပြုံဝင်ရောက်ရင်း နှီးမြှုပ်နှံရခြင်း ဖြစ်ကြောင်း ရွှေအိမ်ကမ္ဘာအိမ်ခြံမြေအကျိုးဆောင် လုပ်ငန်းရှင် ဦးထွန်းလှညိုက အောက်တိုဘာ ၂၉ ရက်တွင် ပြုလုပ်သော မြန်မာနိုင်ငံ၏အိမ်ခြံမြေဘာလဲဘယ်လဲ ဆွေးနွေးပွဲ၌ပြောကြားသည်။

လက်ရှိအိမ်ခြံမြေဈေးကွက်တွင်တရားမ၀င်လာဘ်ပေးလာဘ်ယူမှုများမှရရှိသော ငွေများတရားမ၀င်ငွေကြေးများဖြင့်အဓိကအရောင်းအ၀ယ် ပြုလုပ်နေကြ ခြင်းဖြစ်ပြီးအများစုက နေထိုင်ရန်ထက်ရင်းနှီးမြှုပ်နှံရန်ကိုသာဦးစားပေးလုပ်ကိုင်နေခြင်း ဖြစ် ကြောင်း ၎င်းက ဆိုသည်။

အိမ်ခြံမြေအကျိုးဆောင် အ ချို့နှင့် စီးပွားရေး လုပ်ငန်းရှင်အ ချို့ကမူ မြန်မာနိုင်ငံ၏လက်ရှိ မြင့်တက်နေသောအိမ်ခြံမြေဈေး နှုန်းကိုထိန်းချုပ်ရန်ခက်ခဲနေဦးမည်ဟုယုံကြည်နေကြသည်။‘‘အစိုးရက ဈေးကျအောင် လုပ်ရင် ရပါတယ်။ သူတို့ မလုပ်ရဲမကိုင်ရဲဖြစ်နေတာ’’ဟုMovingForwardမှစီးပွားရေးပညာရှင် ဦးလှမောင်က ဝေဖန်သည်။

နိုင်ငံတစ်နိုင်ငံတွင်အိမ်ခြံ မြေကဲ့သို့စီးပွားရေးတစ်ခုထဲသာလွန်ကောင်းမွန်နေပြီးရင်းနှီးမြှုပ် နှံသူများပြားနေပါက ရေရှည်တွင်အဆိုပါ နိုင်ငံများ၏စီးပွားရေးကပ်ဆိုက်လေ့ရှိသည်ဟုကမ္ဘာ့ နိုင်ငံအချို့နှင့် ယှဉ်ပြီး FinicialTimesသတင်းစာမှစီးပွားရေး သတင်းများရေးသားနေသူအယ်ဒီိတာတစ်ဦးဖြစ်သည့်ဂရေဟမ် ပူးလ်က သုံးသပ်သည်။ထို့အပြင် ဖြစ်ပေါ်နေသော စီးပွားရေးအတက်အကျကိုတစ်သမတ်တည်းဖြစ်စေရန်အစိုးရကတိုက်ရိုက်စီမံခန့်ခွဲ၍မရကြောင်းဂရေဟမ်ပူးလ်ကဆိုသည်။

ဈေးကွက်စီးပွားရေးသဘောအရ ဈေးကွက်နှင့်ပတ်သက်သည့်သတင်းအချက်အလက်များမှာ တစ်ပြေးညီဖြစ်ရန်လိုပြီး လက်ရှိမြေဈေးကစားကြသူများတွင် သတင်း ကိုကြိုသိသူ၊ မသိသူများဖြင့်ရှုပ်ထွေးနေသည့် ဈေးကွက်ဟုစီးပွားရေးပညာရှင် ဒေါက်တာအောင်ကိုကိုကသုံးသပ်သည်။ယခု မြန်မာနိုင်ငံတွင်အိမ်ခြံမြေဈေးနှုန်းကျဆင်းမှုမရှိသဖြင့် နိုင်ငံတကာရင်းနှီးမြှုပ်နှံသူများ၏ယုံကြည်မှုလျော့ကျစေလာနိုင်ပြီးလာရောက်လုပ်ကိုင်ရန် မြေဈေးကြီးခြင်းကအခက်အခဲဖြစ်နေသည်ဟု စီးပွားရေးလုပ်ငန်းရှင်က ပြောဆိုကြသည်။

Credit : 7Day Daily