ပုဂ္ဂလိကသို့ လွှဲပြောင်းကာ ဟိုတယ်အဖြစ် လုပ်ကိုင်ရန် တင်ဒါရွေးချယ်ပြီးဖြစ်သော ဝန်ကြီးဌာနပိုင် ရှေးဟောင်းစာရင်းဝင် အဆောက်အအုံ လေးခုအနက် မူလပိုင်ဆိုင်မှု အထောက်အထား ရှာဖွေနေရသဖြင့် ရုံးဟောင်းနှစ်ခုကိုသာ လုပ်ကိုင်ခွင့် ချထားပေးနိုင်မည် ဖြစ်သည်ဟု ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှု ဦးစီးဌာန ညွှန်ကြားရေးမှူးချုပ် ဦးအောင်နိုင်ဦးက ပြောသည်။
ဝန်ကြီးဌာနပိုင် ရှေးဟောင်း အဆောက်အအုံများကို ဟိုတယ်များ ဖွင့်လှစ်ရန်ဆက်လက်ခွင့်ပြုသွားမည် ဖြစ်သည်။
နှစ် ၁၀၀ သက်တမ်းဝန်းကျင်ရှိ ဝန်ကြီးဌာနရုံး ရှေးဟောင်း အဆောက်အအုံများဖြစ်သော သွင်းကုန်ထုတ် ကုန်လုပ်ငန်းရုံးဟောင်း၊ မြန်မာ့ရေနံနှင့် သဘာဝဓာတ်ငွေ့ လုပ်ငန်းရုံးဟောင်း၊ ဟိုတယ်နှင့် ခရီးသွားရေး လုပ်ငန်းဝန်ကြီးဌာန ရုံးဟောင်းနှင့် ကုန်သွယ်ရေးကော်ပိုရေးရှင်း (အမှတ်-၅) ရုံးဟောင်းများကို နောက်ဆုံး အဆင့် အထိ တင်ဒါအဆုံးသတ်ဆောင်ရွက်ပြီးဖြစ် သော်လည်း မူလပိုင်ဆိုင်ခွင့်အထောက်အထားများရှာ ဖွေနေရသဖြင့် လုပ်ကိုင်ခွင့်ချပေးရန် နှောင့်နှေးမှုများရှိနေခြင်းဖြစ်သည်ဟု ၎င်းက အောက်တိုဘာ ၁၉ ရက်တွင် မဇ္ဈိမကို ပြောသည်။
ဦးအောင်နိုင်ဦးက “နှစ်တွေကအရမ်း ကြာခဲ့ပြီဆိုတော့ မူလပိုင်ဆိုင်မှုအထောက်အထားရှာရတာ ခက်ခဲပြီး ကြန့်ကြာနေတာပါ။ ရှာဖွေမှု ရာနှုန်းပြည့် ပြီးစီးပြီးဖြစ်တဲ့ ရုံးဟောင်းနှစ်ခုကိုတော့ မကြာခင်မှာပဲ လုပ်ကိုင်ခွင့် ချပေးတော့မှာပါ။ ကျန်တဲ့ အဆောက်အအုံနှစ်ခုကို ဆက်ပြီးအထောက် အထားရှာရဦးမှာပါ” ဟု ပြော သည်။
၎င်းရုံးဟောင်းများကို တင်ဒါရွေးချယ်ရာတွင် လုပ်ကိုင်ခွင့်ရရှိထားသော ကုမ္ပဏီအမည်များကိုလည်း မူလ ပိုင်ဆိုင်မှု အထောက်အထားများ ရာနှုန်းပြည့်ခိုင်လုံ စွာ ရှာဖွေနိုင်ပြီးနောက်မှသာ ထုတ်ပြန်သွားမည် ဖြစ်သည်ဟု ရင်းနှီးမြှုပ်နှံမှုကော် မရှင်က ၂၀၁၃ ခုနှစ်ကုန်ပိုင်းက မီဒီယာ များကို ပြောထားသည်။
လက်ရှိတွင် အမှတ် (၅၆၉/၅၇၇)၊ ကုန်သည်လမ်းနှင့် မဟာဗန္ဓုလလမ်းထောင့်၊ ကျောက်တံတားမြို့နယ်၊ ရန်ကုန်မြို့ရှိ ယခင်သွင်းကုန်ထုန်ကုန် လုပ်ငန်းရုံးဟောင်း လေးထပ်အဆောက်အအုံနှင့် အမှတ် (၁၉/ ၄၃)၊ ဗိုလ်ဆွန်ပက်လမ်း၊ ပန်းဘဲတန်းမြို့နယ်၊ ရန်ကုန်မြို့ရှိ ယခင် ကုန်သွယ်ရေးကော်ပိုရေးရှင်း အမှတ်(၅) ရုံးဟောင်း နှစ်ခုကိုမူ မူလပိုင်ဆိုင်မှု အထောက်အထားများ ရှာဖွေမှု ရာနှုန်းပြည့် ပြီးစီးပြီးဖြစ်၍ လုပ်ကိုင် ခွင့်ရရှိခဲ့သူ အမည် စာရင်းနှင့် လုပ်ကိုင်ခွင့်ချပေးခြင်းကို မကြာမီ ဆောင်ရွက်သွားမည်ဟု ဆိုသည်။
သွင်းကုန်ထုတ်ကုန် လုပ်ငန်းရုံးဟောင်းကိုမူ Inle Lake View Resort၊Green Vision Construction Co., Ltd၊ Apple Tree Co., Ltd ESifh (UREC) Union Resources & Engineering Co., Ltd ကုမ္ပဏီတို့က နောက်ဆုံးအဆင့်အထိ တင်ဒါရွေးချယ်ခံထားရသည်။ ထို့အတူ ကုန်သွယ်ရေး ကော်ပိုရေးရှင်း အမှတ်(၅) ကိုမူ Apple Tree Co., Ltd၊ S.V Resort နှင့် Pacific Prince International Pte Ltd တို့က ရွေးချယ်ခံထားရသည်။
မူလပိုင်ဆိုင်မှုဆက်လက်ရှာဖွေနေဆဲဖြစ်သော မြန်မာ့ရေနံနှင့် သဘာဝဓာတ်ငွေ့ လုပ်ငန်းရုံးဟောင်းကို Inle Lake View Resort၊ Hello Yangon Co., Ltd ESifh MAPCO ကုမ္ပဏီတို့က လည်းကောင်း၊ ဟိုတယ်နှင့် ခရီးသွားလာရေးလုပ်ငန်း ဝန်ကြီးဌာနရုံးဟောင်းကို (UREC) Union Resources & Engineering Co., Ltd.၊ Fortune International Co., Ltd. နှင့် Japan Myanmar Business Co., Ltd တို့က လည်းကောင်း၊ ကနဦး ဆန်ခါတင် ရွေးချယ်ခံထားရခြင်း ဖြစ်သည်။
Credit: Mizzima
