မြေယာလျော်ကြေးငွေ ကိစ္စမပြေမလည်ဖြစ်ရာမှ ဒေသခံ တောင်သူများက မြို့သာစီမံကိန်း လုပ်ငန်းများအပေါ် ကန့်ကွက်မှု များရှိလာချိန် မြေယာလျော်ကြေး ယူသူများကို အောက်တိုဘာ လမကုန်မီ မြေကွက်များပေးရန် မန္တလေးတိုင်းဒေသကြီး အစိုးရ အဖွဲ့က ကမ်းလှမ်းထားကြောင်း သတင်းရရှိသည်။
မန္တလေးတိုင်းအစိုးရအဖွဲ့ လုံခြုံရေးနှင့် နယ်စပ်ရေးရာဝန် ကြီး ဗိုလ်မှူးကြီး အောင်ကျော်မိုး နှင့် စီမံကိန်းအတွက် အဓိကတာ ၀န်ယူထားသည့် လျှပ်စစ်နှင့် စက် မှုဝန်ကြီး ဦးကျော်မြင့်တို့သည် အောက်တိုဘာ ၁၂ ရက်က မြို့ သာစီမံကိန်းသို့ သွားရောက်၍ ဒေသခံများနှင့် တွေ့ဆုံခဲ့သည်။ လျော်ကြေးငွေထုတ်ယူထားသူ တောင်သူများအား ယခုလမကုန်မီပေ (၈၀×၆၀) မြေကွက်များ ပေးအပ်မည့်အကြောင်း အသိပေးပြောကြားခဲ့သည်ဟု သိရှိရသည်။
‘‘တောင်သူတွေ မနစ်နာဖို့ မိသားစုတစ်စုကို မြေကွက်တစ် ကွက်စီပေးမှာပါ။ ပိုင်ဆိုင်မှု အထောက်အထားစာအုပ်တွေနဲ့ တကွပေးမှာပါ။ အခုနေရာငါး နေရာခွဲပြီး မြေကွက်တွေ ရိုက်နေ ပါပြီ။ ဒီလ ၂၅ ရက်နောက်ဆုံး ထားပြီး မြေကွက်တွေ ချထားပေး မှာပါ’’ဟု တိုင်းအစိုးရအဖွဲ့ လျှပ် စစ်နှင့် စက်မှုဝန်ကြီးဦးကျော်မြင့် ကပြောသည်။
မန္တလေး မြို့သာစီမံကိန်း တွင် ငါန်းဇွန်မြို့နယ်အတွင်းမှ ကျေးရွာအုပ်စု ငါးအုပ်စု၊ ကျေး ရွာပေါင်း ၁၈ ရွာပါဝင်နေပြီး ကျေးရွာအုပ်စု တစ်စုချင်းစီအ လိုက် မြေကွက်များချထားပေး မည်ဖြစ်ကြောင်း၊ စုစုပေါင်းမြေ ကွက် ၁,၇၅၈ ကွက်ပေးအပ်မည် ဖြစ်ကာ ယင်းမြေကွက်များပေါ် တွင် တောင်သူများ ၀င်ရောက်နေထိုင် ပြီဆိုပါက ပြည်ထဲရေးအမည် ပေါက် ကျေးရွာအုပ်စုများဖြစ် လာသည်အထိ တိုင်းဒေသကြီး အစိုးရအဖွဲ့က စီစဉ်ဆောင်ရွက် ပေးမည်ဖြစ်ကြောင်း ဦးကျော်မြင့် ကပြောသည်။
သို့သော်တစ်ချိန်တည်းမှာ ပင် မြေယာလျော်ကြေးငွေကိစ္စ မကျေနပ်၍ လျော်ကြေးငွေထုတ် ယူခြင်းမရှိသေးဘဲ ၎င်းတို့၏ သီး နှံစိုက်ခင်းများအပေါ် စီမံကိန်း လုပ်ငန်းများမလုပ်ရန် တားမြစ် သည့် တောင်သူများကို စီမံကိန်း လုပ်ငန်းတားဆီးနှောင့်ယှက် သည်ဟုဆိုကာ တရားစွဲဆိုအရေး ယူမှုများ ဆက်တိုက်ပြုလုပ်လျက် ရှိသည်ဟု ဒေသခံတောင်သူများ ကပြောသည်။
စက်တင်ဘာလကုန်မှ စတင်ကာ လက်ရှိအချိန်ထိ မြို့သာ စီမံကိန်းအတွင်း ပါဝင်သော ကျေးရွာများမှ တောင်သူ ၂၀ ကျော်မှာ ပုဒ်မ ၄၄၇၊ ၁၄၃၊ ၁၄၇၊၅၀၅ (ခ)စသည့် အာမခံမရသည့် ပြစ်မှုပုဒ်မများဖြင့် အမှုဖွင့်ခံထားရသည်ဟု တောင်သူများက ပြောသည်။
ဒေသခံတောင်သူများက စီမံကိန်းကို ကန့်ကွက်ခြင်းမဟုတ် ဘဲ လျော်ကြေးငွေမပြေလည် သေးချိန် ၎င်းတို့၏ စိုက်ပျိုးမြေ များပေါ်တွင် စီမံကိန်းလုပ်ငန်း များလုပ်ကိုင်ခြင်းမပြုသေးဘဲ ရပ်တန့်ပေးထားရန်၊ မြေယာစွန့် လွှတ်လိုက်ရမည့် ၎င်းတို့ဘ၀ အနာဂတ်အတွက် တိကျသေချာ သည့် အာမခံချက်ပေးရန်နှင့် လျော်ကြေးငွေတိုးမြှင့်ပေးရန် တောင်းဆိုနေခြင်းသာဖြစ်သည် ဟု တရားစွဲခံတောင်သူများက ပြောသည်။
မန္တလေးတိုင်းဒေသကြီး၊ ငါန်းဇွန်မြို့နယ်၊ မြို့သာမြို့အနီး ရှိ မြေဧက တစ်သောင်းကျော်ပေါ် တွင် မန္တလေးမြို့သာစက်မှု ဥယျာဉ်စီမံကိန်းကို မန္တလေးတိုင်း ဒေသကြီးအစိုးရအဖွဲ့မှ အကောင်အထည်ဖော်တည်ဆောက်နေ ခြင်းဖြစ်သည်။ စီမံကိန်းအတွင်း ပါဝင်သော မြေယာများအတွက် မြေတစ်ဧကလျှင် ကျပ်သိန်း ၂၀ နှင့် ကျပ်ငါးသိန်းနှုန်းများဖြင့်လျော်ကြေးပေးခြင်းဖြစ်သည်။
Credit: 7 Day Daily
