အိန္ဒိယနိုင်ငံ၏ အချမ်းသာဆုံးပုဂ္ဂိုလ် မူကက်ရှ်အမ်ဘာနီ၏ သားငယ် အာနန့် အမ်ဘာနီနှင့် ရာဒီကာမားချန့်တို့ ၂၀၂၄ ခုနှစ်၊ ဇူလိုင်လ ၁၂ ရက်တွင် ကြီးကျယ်ခမ်းနားစွာ ထိမ်းမြားမင်္ဂလာပွဲ ဆင်နွှဲခဲ့ကြပြီးနောက် အမ်ဘာနီ၏ ကြွယ်ဝမှုမှာ အံ့မခန်း တိုးပွားလာခဲ့သည်။
အဆိုပါ မင်္ဂလာပွဲမှာ တကမ္ဘာလုံး၏ အာရုံစိုက်ခံခဲ့ရပြီး မူကက်ရှ် အမ်ဘာနီအတွက် ငွေကြေးအကျိုးအမြတ် များစွာရလာခဲ့သည်။
သားငယ်၏ မင်္ဂလာပွဲအတွက် မူကက်ရှ် အမ်ဘာနီက ငွေပုံအောသုံးစွဲခဲ့သော်လည်း သူ၏ ချမ်းသာကြွယ်ဝမှု လျော့မသွားချေ။
Aaj Tak ၏ ဖော်ပြချက်အရ မင်္ဂလာပွဲအပြီး ၁၀ ရက်မျှသာ ရှိသေးချိန်တွင် မူကက်ရှ် အမ်ဘာနီ၏ ကြွယ်ဝမှုမှာ ရူပီး ကုဋေ ၂၅,၀၀၀ (ကန်ဒေါ်လာ ၃ ဘီလီယံခန့်) တိုးပွားလာခဲ့သည်ဟု ဆိုသည်။
Bloomberg ဘီလျံနာညွှန်းကိန်းတွင် ဇူလိုင် ၅ ရက်၌ ဖော်ပြခဲ့မှုအရ မူကက်ရှ် အမ်ဘာနီ၏ ကြွယ်ဝမှု ကန်ဒေါ်လာ ၁၁၈ ဘီလီယံဟု ဖော်ပြခဲ့သည်။
ဇူလိုင်လ ၁၂ ရက်တွင်မူ သူ၏ ကြွယ်ဝမှုမှာ ကန်ဒေါ်လာ ၁၂၁ ဘီလီယံသို့ မြင့်တက်လာခဲ့သည်။
ထိုသို့ ကြွယ်ဝမှု တိုးပွားလာသောကြောင့် ကမ္ဘာ့အချမ်းသာဆုံးပုဂ္ဂိုလ်များစာရင်းတွင် ယခင်က နံပါတ် ၁၂ နေရာတွင် ရှိခဲ့ရာမှ နံပါတ် ၁၁ နေရာသို့ မြင့်တက်လာခဲ့သည်။
မူကက်ရှ် အမ်ဘာနီသည် အာရှတိုက်တွင် အချမ်းသာဆုံးပုဂ္ဂိုလ်အဖြစ် ဆက်လက်ရပ်တည်နေဆဲ ဖြစ်သည်။
မူကက်ရှ် အမ်ဘာနီ၏ ဓနတိုးပွားမှုမှာ Reliance Industries အတွက်လည်း ရှယ်ယာစျေးများ တက်စေခဲ့သည်။
မင်္ဂလာပွဲနေ့တွင် Reliance Industries ၏ ရှယ်ယာစျေးများ ၁ ရာခိုင်နှုန်း မြင့်တက်ခဲ့သည်။
ပြီးခဲ့သောလအတွင်း ရှယ်ယာစျေးများ ၆ ဒသမ ၆၅ ရာခိုင်နှုန်းမြင့်တက်ခဲ့ပြီး လွန်ခဲ့သော ၆ လတာအတွင်းတွင် ၁၄ ဒသမ ၉၀ ရာခိုင်နှုန်း အမြတ်အစွန်းရှိခဲ့သည်။
ဇူလိုင်လ ၁၀ ရက်အချက်အလက်များအရ မူကက်ရှ် အမ်ဘာနီ၏ ကြွယ်ဝမှုမှာ ရူပီး ၁၀,၂၁၁,၃၇၇,၃၀၀,၀၀၀ (ရူပီး ကုဋေပေါင်း ၁၀ ဒသမ ၂၁ သိန်း) ဖြစ်သည်။
အကယ်၍ မူကက်ရှ် အမ်ဘာနီအနေဖြင့် တစ်ရက်လျှင် ရူပီး ၃ ကုဋေ သုံးစွဲမည်ဆိုပါက သူ၏ ဓနအင်အားဖြင့် နှစ်ပေါင်းမည်မျှ သုံးစွဲနိုင်မည်နည်း။
မူကက်ရှ် အမ်ဘာနီသည် တစ်ရက်လျှင် ရူပီး ၃ ကုဋေ သုံးစွဲခြင်း (သို့မဟုတ်) လှူဒါန်းခြင်း ပြုလုပ်မည်ဆိုပါက သူ၏ လက်ရှိဓနအင်အားဖြင့်ဆိုလျှင် ရက်ပေါင်း ၃၄၀၃၇၉ သုံးစွဲနိုင်မည် ဖြစ်သည်။
တစ်နှစ်လျှင် ၃၆၅ ရက်ရှိရာ နှစ်အနေဖြင့် တွက်ချက်ကြည့်မည်ဆိုပါက ၉၃၂ နှစ်၊ ၆ လကြာသည်အထိ သုံးစွဲနိုင်မည် ဖြစ်သည်။
အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။
ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
(iMyanmarHouse.com Team မှ ရေးသား ဖော်ပြသည်။)
Credit: iMyanmarHouse.com
Ref: New Daughter-in-Law brings luck: Mukesh Ambani earns 25000 Crores in 10 Days (dnaindia)
![[အချစ်ဆိုသည်မှာ…] အမေရိကန်တွင် ခင်ပွန်းဖြစ်သူ ကွယ်လွန်သွားသော်လည်း ချစ်သူများနေ့ရောက်တိုင်း ခင်ပွန်းပို့လိုက်သော ပန်းစည်းလက်ခံရရှိနေသောဖြစ်ပုံ...](https://imh-images-prod.s3.ap-southeast-1.amazonaws.com/pictures/news/dr5b5kh/1145962-0396218001746510095-02.jpg "[အချစ်ဆိုသည်မှာ…] အမေရိကန်တွင် ခင်ပွန်းဖြစ်သူ ကွယ်လွန်သွားသော်လည်း ချစ်သူများနေ့ရောက်တိုင်း ခင်ပွန်းပို့လိုက်သော ပန်းစည်းလက်ခံရရှိနေသောဖြစ်ပုံ...")
![[ထူးဆန်းသော တင်တောင်းငွေနှင့် ဥပဒေလက်တစ်လုံးခြား] အိန္ဒိယတွင် ခင်ပွန်းဖြစ်သူနှင့် အတူအိပ်ရန် ငြင်းဆန်နေသည့် အမျိုးသမီးမှာ အခြားတစ်ဦးနှင့် ကိုယ်ဝန်ရလာ၊ ရင်သွေးကို လက်မခံပါက အမှုဆင်တရားစွဲမည်ဟု ခင်ပွန်းကို ခြိမ်းခြောက်သည့်ဖြစ်ရပ် လူပ...](https://imh-images-prod.s3.ap-southeast-1.amazonaws.com/pictures/news/dr5b5kh/1145912-0436202001746509718-02.jpg "[ထူးဆန်းသော တင်တောင်းငွေနှင့် ဥပဒေလက်တစ်လုံးခြား] အိန္ဒိယတွင် ခင်ပွန်းဖြစ်သူနှင့် အတူအိပ်ရန် ငြင်းဆန်နေသည့် အမျိုးသမီးမှာ အခြားတစ်ဦးနှင့် ကိုယ်ဝန်ရလာ၊ ရင်သွေးကို လက်မခံပါက အမှုဆင်တရားစွဲမည်ဟု ခင်ပွန်းကို ခြိမ်းခြောက်သည့်ဖြစ်ရပ် လူပ...")
