အမေရိကန်နှင့် ဥရောပ၏ ခေတ်သစ်ဗိသုကာရေစီးကြောင်းများ

မြေထဲပင်လယ်ဒေသနိုင်ငံများတွင် ဗိသုကာဒီဇိုင်းများမှာ တစ်နိုင်ငံနှင့် တစ် နိုင်ငံအကြား cross-pollination အသွင် ဒီဇိုင်းယဉ်ကျေးမှုကူးသန်းဖွံ့ဖြိုးခဲ့ကြသည်။
မြေထဲပင်လယ်နှင့် ထိစပ်လျက်ရှိသော နိုင်ငံများမှာ အယ်လ်ဘေးနီးယား၊ အယ်လ် ဂျီးရီးယား၊ ဘော့စ်နီးယားဟာဇီဂိုးဗီးနား၊ ခရိုအေးရှား၊ ဆိုက်ပရပ်စ်၊ အီဂျစ်၊ ပြင် သစ်၊ ဂရိ၊ အစ္စရေး၊ အီတလီ၊ လက်ဘနွန်၊ လစ်ဗျား၊ မာလ်တာ၊ မော်ရိုကို၊ မွန်တီမွန် ဂရိုး၊ ပါလက်စတိုင်း၊ စလိုဗေးနီးယား၊ စပိန်၊ ဆီးရီးယား၊ တူရကီနှင့် တူနီးရှား တို့ ဖြစ်ကြသည်။

မြေထဲပင်လယ်ဒေသတွင် အသုံးပြု သော အမိုးဟန် ဗိသုကာမှာဂရိနှင့် ရောမ ခေတ် (သို့မဟုတ်) ထို့ထက်ပင် ရှေးကျ နိုင်သည်။
ဥရောပနိုင်ငံများတွင် ယနေ့ကျော် ကြားလျက်ရှိသော ဗိသုကာဟန်များတွင် မြေထဲပင်လယ် ဗိသုကာ (သို့မဟုတ်) မြေထဲပင်လယ်ရီဗိုက်ဗယ်လ် ဗိသုကာ၊ စပိန် ရီဗိုက်ဗယ်လ် ဗိသုကာ၊ အီတာလျံရီ နေးဆင်း၊ မော်ဒန်မြေထဲပင်လယ်ဟူ၍ အဓိကအားဖြင့် ရှိကြရာမြေထဲပင်လယ် ရီဗိုက်ဗယ်လ်ဗိသုကာကို ယခုလတွင် တင်ပြလိုပါသည်။
မြေထဲပင်လယ် ရီဗိုက်ဘယ်လ် ဗိသု ကာသည် ရှေးရိုးစပိန်နှင့် အီတလီ ဗိသု ကာကို ပြင်သစ်၊ မော်ရိုကိုနှင့် အမေရိက ဗိသုကာတို့ဖြင့်ရောစပ်ထားခြင်းဖြစ်သည်။
အမေရိကန်ပြည်ထောင်စုတွင် မြေထဲ ပင်လယ်ရီဗိုက်ဗယ်လ်ဗိသုကာဟန် စတင် အသုံးပြုသည်မှာ ၁၉ ရာစု နှောင်းပိုင်းတွင် ဖြစ်သည်။
အမေရိကတွင် ပေါ်ထွန်းသောမြေထဲ ပင်လယ်ရီဗိုက်ဗယ်လ်ဗိသုကာသည် စပိန် ရီနေးဆင်း၊ စပိန်ကိုလိုနီဟန်၊Beaux-Artsi အီတာလျံရီနေးဆင်း၊ ဗီနီရှင်းဝေါ့သစ် ဗိသုကာတို့ ပေါင်းစည်းထားခြင်းဖြစ်သည်။

၁၉၂၀ ပြည့်လွန်ကာလများနှင့် ၁၉၃၀ ပြည့်လွန်ကာလ များတွင် အမေရိက ၌ မြေထဲပင်လယ်ရီဗိုက်ဗယ်လ်၏ ကျော် ကြားမှုမှာ အထွတ်အထိပ်သို့ ရောက်ရှိခဲ့ သည်။
ကယ်လီဖိုးနီးယားနှင့် ဖလော်ရီဒါ ကမ်းခြေများရှိ အပန်းဖြေအဆောက်အအုံ များ ဆောက်လုပ်ရာ တွင် မြေထဲပင်လယ် ရီဗိုက်ဗယ်ဟန်ကို အသုံးပြုဆောက် လုပ်မှု များ လျင်မြန်စွာ ပျံ့နှံ့လာခဲ့သည်။

မြေထဲပင်လယ်ရီဗိုက်ဗယ်လ ဗိသုကာ ၏ အခြေခံလက္ခဏာ များကား ထောင့်မှန် စတုဂံပုံကြမ်းခင်းချထားမှု၊ တံခါးနှင့် ပြတင်းတို့ကို အခုံးပုံဖော်မှု၊ မျက်နှာစာ များတွင် အပြိုင်သဘောများ ထည့်သွင်း မှု၊ အနီရောင်အမိုးများ၊ အင်္ဂတေပလပ် စတာဖြင့် ပုံဖော်သည့်ှStuccoed walls များ ဖြစ်ကြသည်။ အမေရိကတွင် မြေထဲပင်လယ်ရီ ဗိုက်ဗယ်လ်ဗိသုကာကို ဟိုတယ်များ၊ လူနေတိုက်ခန်းအဆောက်အအုံများ၊ လူနေအိမ်များ၊ စီးပွားရေးရုံး အဆောက် အအုံများ ဆောက်လုပ်ရာတွင် အများဆုံး အသုံးပြုကြသည်။

ဖလော်ရီဒါတွင် မြေထဲပင်လယ်ရီဗိုက် ဗယ်လ်ကို အစောဆုံးအသုံးပြုသည့် ဗိသုကာများမှာ သြဂတ်စ်ဂီဂျာနှင့် အက်ဒစ် ဆင်မစ်ဇ်နာတို့ ဖြစ်ကြပြီး ကယ်လီဖိုးနီးယား ပြည်နယ်တွင် ဘာထရန်ဂွတ်ထ်ဟု၊ ဆမ်နာစပေါလ်ဒင်းနှင့် ပေါလ်ဝီလျံတို့ ဖြစ်ကြသည်။

အမေရိကန်ပြည်ထောင်စုတွင် မြေထဲ ပင်လယ်ရီဗိုက်ဗယ်လ်ဗိသုကာဟန်ဖြင့် ဆောက်လုပ်ထား
သည့် ထင်ရှားသော အဆောက်အအုံများစွာရှိသည့်အနက် အဆောက်အအုံ ၁၀ ခုကို ထုတ်နှုတ်တင် ပြရလျှင် ...
(၁) ကယ်လီဖိုးနီးယားပြည်နယ်၊ လော့စ် အိမ်ဂျလိရှိ သံတမန်ဟိုတယ်
(၂) ဖလော်ရီဒါပြည်နယ်၊ မီယာမီရှိ ဖရီးဒမ်းတာဝါ
(၃) ဖလော်ရီဒါပြည်နယ်၊ စိန့်ပီတာ စဘတ်ရှိ ဗင်နွိုင်းပါ့ခ်ဟိုတယ်
(၄) ဖလော်ရီဒါပြည်နယ်ရှိ မီယာမီဘာလ် တီမိုးဟိုတယ်
(၅) ဖလော်ရီဒါပြည်နယ်ရှိ ဖော့ထ်ဟယ် ရစ်ဆင်ဟိုတယ်
(၆) ဘီဗာလီရှိုးဘူတာရုံ
(၇) ၀စ်္စကွန်ဆင်ပြည်နယ်ရှိ ပို့ထ် ၀ါရှင်တန် မီးသတ်ဌာန အဆောက်အဦ
(၈) မီချီဂန်ပြည်နယ်၊ ဒက်ထရွိုက် မြို့ရှိ ကူလေးအထက်တန်းကျောင်း
(၉) ဖလော်ရီဒါပြည်နယ်ရှိ ဆန်းရိုက်စ် ကဇာတ်ရုံ
(၁၀) ဖလော်ရီဒါပြည်နယ်၊ ဒယ်လ်ရေး ကမ်းခြေရှိသည် ကိုလိုနီဟိုတယ်တို့ ဖြစ်ကြသည်။ ။

အိအိအေးအောင် မှ iMyanmarHouse.com အတွက် အထူးရေးသားဖော်ပြသည်။
Credit: iMyanmarHouse.com