Local Property News | Posted by Aye Myat Thu
နိုင်ငံခြားငွေကြေး အမေရိကန်ဒေါ်လာရရှိရန်အတွက် ကွန်ဒို တိုက်ခန်းများ ရောင်းချ၍ရှာဖွေသင့်ကြောင်းရန်ကုန်တိုင်း ဒေသကြီးလျှပ်စစ်၊ စက်မှုလက်မှုနှင့် လမ်းပန်းဆက်သွယ်ရေးဝန်ကြီး ဒေါ်နီလာကျော်ကပြောသည်။
“တိုင်းပြည်သံယံဇာတတွေကို ထုတ်ရောင်းတာ မိမိတို့ရဲ့သံယံဇာတများ ပြည်ပကိုထွက်သွားတာဖြစ်ပြီး ဒီကွန်ဒိုမီနီယံ တိုက်ခန်းတွေရောင်းချခြင်းဟာ မိမိတို့ရဲ့နိုင်ငံအတွင်းမှာဘဲရှိတဲ့ပစ္စည်းအတွက် ကျွန်မတို့ နိုင်ငံခြားသုံးငွေတွေ အမြောက်အများရရှိမှာဖြစ်တယ်”ဟု ပြောသည်။
နိုင်ငံခြားငွေ ဒေါ်လာဝင်ရောက်လာစေရန် ပြည်ထောင်စုအဆင့် စီမံကိန်းချမှတ်၍ နိုင်ငံခြားသားများကို တိုင်ခန်းများ ရောင်းချနိုင်ရန် စီစဉ်ပေးဆောက်ရွက်ပေးသင့်ပြီး အဆိုပါရောင်းရငွေများမှ နိုင်ငံခြားငွေဘီလျံချီပြန်လည်ဝင်ရောက်နိုင်ကြောင်း မြန်မာနိုင်ငံလိုင်စင်ရ ကန်ထရိုက်တာများ အသင်းချုပ် (MLCA) ဥက္ကဋ္ဌ ဦးကျော်ဝင်းက ဆိုသည်။
ပြည်သူ့လွှတ်တော်တွင် သြဂုတ်လ ၂၄ ရက်နေ့က ပြဌာန်းခဲ့သည့် စုပေါင်းအဆောက်အအုံဆိုင် ရာနည်းဥပဒေတွင် နိုင်ငံခြားသားကို ကွန်ဒိုအဆောက်အအုံတွင်ရှိသော အခန်းအအေတွက်၏ လေးဆယ်ရာခိုင်နှုန်းအထိဝယ်ယူနိုင်ကြောင်း ပြဌာန်းထားသည်။
မင်းချို ( iMyanmarHouse.com အိုင်မြန်မာဟောက်စ်ဒေါ့ကွန်း) မှ အထူးရေးသားဖော်ပြသည်။ Credit: iMyanmarHouse.com
