တရုတ်ပြည်တွင် ခင်ပွန်းဖြစ်သူက ဦးနှောက်သေရောဂါအခြေအနေခံစားနေရသော ဇနီးဖြစ်သူကို နေ့စဉ် သီချင်းဆိုပြ၊ ကပြခဲ့ရာ နောက်ဆုံးတွင် ပြန်လည်သတိလည်လာသည့်ဖြစ်ရပ် ပြည်မကြီးလူမှုကွန်ရက်တွင် နာမည်ကြီးနေ

28 May 2025 12:14 pm တွင် တင်ခဲ့သည်

2606 ကြိမ် ကြည့်ရှု့ပြီး

ပြည်ပ အိမ်ခြံမြေ သတင်း | Posted by အေးမြတ်သူ

တရုတ်ပြည်တွင် အမျိုးသားတစ်ဦးသည် လမ်းလျှောက်တတ်စ သမီးငယ်လေးကို အုပ်ထိန်းရင်း ကင်ဆာရောဂါခံစားနေရသော ဇနီးဖြစ်သူအား ယွမ် ၂ သန်း (ကန်ဒေါ်လာ ၂၈၀၀၀၀) အကုန်အကျခံ ကုသပေးနေပုံဖြစ်ရပ်မှာ ပြည်မကြီး လူမှုကွန်ရက်သုံးစွဲသူ သန်းပေါင်းများစွာ၏ နှလုံးသားကို လှုပ်ခတ်စေလျက် ရှိသည်။

(ဆက်စပ်သတင်း)

လူသားဆန်သော နှလုံးသားများ (သို့မဟုတ်) လေဖြတ်နေသော သားဖြစ်သူကို ၁၅ နှစ်တိုင်တိုင် ပြုစုစောင့်ရှောက်ခဲ့သူ ချွေးမလေးအား သနားသောကြောင့် ယောက္ခမများက သားကိုယ်စား ကွာရှင်းပြတ်စဲပေး

https://www.imyanmarhouse.com/news/read/1060117

တရုတ်ပြည်တောင်ပိုင်း ကွမ်ရှီးပြည်နယ်တွင် နေထိုင်သော အသက် ၃၀ အရွယ်ရှိ တိန့်ယိုထိုင်ဟူသော အမျိုးသားသည် ရဲ့မေဒီအမည်ရှိ မိန်းကလေးကို ၂၀၁၆ ခုနှစ်အတွင်း သူငယ်ချင်းတစ်ယောက်၏ မင်္ဂလာဆောင်တွင် တွေ့ကာ မြင်မြင်ချင်း ချစ်မိသွားခဲ့သည်။ တိန့်၏ မိဘများမှာ ၎င်းငယ်စဉ် ကလေးဘဝအရွယ်တွင် ကွာရှင်းခဲ့ကြပြီးနောက် ပြန်လည်အိမ်ထောင်ပြုခဲ့ကြသည်။

တိန့်သည် ငယ်စဉ်ကတည်းက ကျောင်းထွက်လိုက်ပြီး မြို့ကြီးပြကြီးသို့ သွားကာ အလုပ်လုပ်ခဲ့သည်။

တိန့်နှင့် ဆုံစည်းခဲ့သော မေဒီမှာ ဦးနှောက်တွင် အကျိတ်တွေ့ပြီးနောက် တက္ကသိုလ်မှ ကျောင်းထွက်ခဲ့သည်။

(▲ရဲ့မေဒီ အိပ်ယာထဲတွင် လဲနေစဉ် တိန့်နှင့် သမီးငယ် ဟန်ဟန်တို့က ကြည့်ရှု့စောင့်ရှောက်ခဲ့ကြသည်။ ဓာတ်ပုံ-Douyin)

မေဒီ ကင်ဆာရောဂါခံစားနေရမှန်း သိသော်လည်း တိန့်က ချစ်ရေးဆိုရန် ဆုံးဖြတ်ခဲ့သည်။

မေဒီက ကနဦးတွင် ငြင်းပယ်ခဲ့သည်။

သို့သော် တိန့်က မေဒီနှင့်အတူ ကင်ဆာကို ရင်ဆိုင်မည် ဖြစ်ကြောင်း ပြောခဲ့သောကြောင့် မေဒီက လက်ခံခဲ့သည်။

၂၀၁၉ ခုနှစ်တွင် လက်ထပ်ခဲ့ကြပြီး တိန့်က မေဒီအား “ကမ္ဘာပေါ်မှာ အကောင်းဆုံးနေ့ရက်တွေ ပိုင်ဆိုင်နိုင်အောင် စောင့်ရှောက်ပေးပါ့မယ်”ဟု ပြောဆိုခဲ့သည်။

🌸 ချယ်ရီဥယျာဉ်အိမ်ရာ မြေသီးသန့်အရောင်း 🌸

17,500 သိန်း (ကျပ်)

တောင်ဥက္ကလာပ | ရန်ကုန်တိုင်းဒေသကြီး

ကမ္ဘာအေးဘုရားလမ်းမကြီးအနီး ရွှေတောင်ကြား ဗဟန်းမြို့နယ်က လုံးချင်းအိမ်ကောင်းအရောင်း

60,000 သိန်း (ကျပ်)

ဗဟန်း | ရန်ကုန်တိုင်းဒေသကြီး

အိမ်ရာ Project လုပ်ငန်းများအတွက် အကြိုက်တွေ့စေမယ့် ရတနာလမ်းမပေါ်က မြေကျယ်အရောင်း

174,240 သိန်း (ကျပ်)

အရှေ့ဒဂုံ | ရန်ကုန်တိုင်းဒေသကြီး

၂၀၂၁ ခုနှစ်တွင် ဟန်ဟန်အမည်ရှိ သမီးလေး ထွန်းကားလာသည်။

ယင်းနောက် တစ်နှစ်အကြာတွင် မေဒီ၏ ဦးနှောက်အကျိတ် အခြေအနေမှာ ဆိုးရွားလာခဲ့သည်။

မေဒီက သတိမေ့မြော မသွားမီတွင် တိန့်ကို ပြောခဲ့သည်မှာ ကုသမှုစရိတ် တတ်နိုင်မည် မဟုတ်သောကြောင့် မိမိအား ဆေးမကုဘဲ ပြစ်ထားလိုက်ရန် ပြောဆိုခဲ့သည်။

(▲မေဒီမှာ သေမင်း၏ လက်အတွင်းသို့ သက်ဆင်းလု အခြေစိုက်ခဲ့သော်လည်း တိန့်က အသက် ပြန်လုပေးခဲ့ကာ နောက်ဆုံးတွင် မေဒီမှာ လမ်းပြန်လျှောက်နိုင်ခဲ့သည်။ ဓာတ်ပုံ-Douyin)

မေဒီမှာ ဦးနှောက်အကျိတ် ၂ ကြိမ်ခွဲစိတ်မှု ပြီးသည့်တိုင် vegetative state (နိုးထနေသော်လည်း သတိမရှိသည့် အခြေအနေ ) ရှိနေပြီး ဆရာဝန်တို့က မိမိတို့ လက်လျှော့ပြီဖြစ်ကြောင်း ပြောခဲ့သည်။

တိန့်လည်း လက်လျှော့ရလု နီးပါး ခံစားခဲ့ရသည်။

မေဒီကို အိမ်ပြန်ခေါ်လာခဲ့သည်။

ဆရာဝန် လက်လျှော့လိုက်ပြီးဖြစ်သောကြောင့် ဆွေမျိုးများက နောက်ဆုံးအနေဖြင့် နှုတ်ဆက်ရန် ရောက်လာကြသည်။

သမီးလေး ဟန်ဟန်က မိခင်ဖြစ်သူကြီးအား ပါးကို နမ်းကာ နှုတ်ဆက်သည်။

တိန့်က ထိုမြင်ကွင်းကို ဗွီဒီယို ရိုက်ကူးထားခဲ့ပြီး လူမှုကွန်ရက်တွင် တင်ခဲ့ရာ ဂယက်ရိုက် ပြန့်နှံ့သွားခဲ့ကာ များစွာသော သူတို့က အားပေး ဆုတောင်းစကားပြောခြင်း၊ ငွေလှူဒါန်းခြင်းများ ပြုလုပ်ခဲ့ကြသည်။

သို့သော် တိန့်က လက်မလျှော့သေး။

မေဒီကို ဆေးရုံသို့ ပြန်ခေါ်သွားခဲ့သည်။

ယင်းနောက် ၃ လအကြာတွင် မေဒီမှာ အံ့အားသင့်ဖွယ် သတိပြန်လည်လာသည်။

ယင်းနောက် ၂ လ အကြာတွင် စကားပြန်ပြောလာသည်။

မေဒီ စကားပြောနိုင်ချိန်တွင် တိန့်ကို ပထမဆုံး ပြောသည်မှာ ရှဲရှဲ (ကျေးဇူးတင်ပါတယ်) ဟု ဖြစ်သည်။

တိန့်သည် မေဒီကို စောင့်ရှောက်ရန်အတွက် အလုပ်မှ နှုတ်ထွက်ခဲ့သည်။

မေဒီနှင့် နေ့တိုင်း လမ်းကူလျှောက်ပေးသည်။

ထို့အပြင် မကြာခဏ သီချင်းဆိုပြ၊ ကပြသည်။

(▲အိမ်အလုပ်များ ကူလုပ်နေသော သမီးငယ်လေးကို မေဒီက စောင့်ကြည့်နေပုံ။ ဓာတ်ပုံ-Douyin)

ယခုအခါ မေဒီမှာ မိမိဘာသာ လမ်းလျှောက်နိုင်နေပြီ ဖြစ်ပြီး လမ်းဘေးဈေးဆိုင်တစ်ခုပေါ်တွင် စီမံကွပ်ကဲပေးနေသည်။

တိန့်တို့ ဇနီးမောင်နှံ၏ လူမှုကွန်ရက်အကောင့်များမှာ Follower ၂ သန်းနီးပါး ရှိသည်။ ၎င်းတို့သည် Live လွှင့် ဈေးရောင်းခြင်းဖြင့် ရပ်တည်ကြသည်။

လူမှုကွန်ရက် သုံးစွဲသူတစ်ဦးက မှတ်ချက်ပြုသည်မှာ “ကျန်းမာပေမဲ့ မပျော်ရွှင်တဲ့ စုံတွဲတွေ အများကြီး ရှိပါတယ်။ ဒီနှစ်ယောက်ကတော့ ဒုက္ခတွေ အများကြီး ရင်ဆိုင်ရပေမယ့် ချစ်ခြင်းတွေ မျှော်လင့်ချက်တွေ အပြည့်နဲ့ ရှင်သန် နေထိုင်ကြတယ်”ဟု ဆိုသည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Chinese husband sings, dances for vegetative wife every day, finally awakening her Photo Credit-Douyin

ဗဟုသုတ သိမွတ္ဖြယ္ရာ

Share on Facebook

Share on Twitter