မြန်မာနိုင်ငံ၏ အိမ်ခြံမြေကဏ္ဍ၌ သုံးလအတွင်း နိုင်ငံသားရင်းနှီးမြှုပ်နှံမှု ကျပ် ၄၁၆၂ ဘီလျံကျော် ရှိနေပြီး နိုင်ငံသားရင်းနှီးမြှုပ်နှံမှု စုစုပေါင်း၏ ၂၃ ရာခိုင်နှုန်းကျော်ဖြင့် အများဆုံး မြှုပ်နှံထားသည့် ကဏ္ဍဖြစ်
မြန်မာနိုင်ငံ၏ အိမ်ခြံမြေကဏ္ဍ၌ သုံးလအတွင်း နိုင်ငံသားများ၏ ရင်းနှီးမြှုပ်နှံမှု ပမာဏ ဒေါ်လာ ၁၂၄၄ ဒသမ ၈၁၉ သန်း အပါအ၀င် ကျပ် ၄၁၆၂ ဘီလျံကျော်အထိ ရှိနေပြီး နိုင်ငံသား ရင်းနှီးမြှုပ်နှံမှု စုစုပေါင်း၏ ၂၃ ရာခိုင်နှုန်းကျော်ဖြင့် အများဆုံး ၀င်ရောက်မြှုပ်နှံထားသည့် ကဏ္ဍဖြစ်ကြောင်း ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှုဦးစီးဌာနမှ သိရသည်။
၂၀၁၈ခုနှစ် ဧပြီ၊ မေနှင့် ဇွန်သုံးလအတွင်း နိုင်ငံသားများ၏ ရင်းနှီးမြှုပ်နှံထားမှု အခြေအနေကို လေ့လာကြည့်ပါက ကုန်ထုတ်လုပ်မှု လုပ်ငန်းများတွင် ဒေါ်လာ ၂၆၁၂ ဒသမ ၆၂၈ သန်း အပါအ၀င် ကျပ် ၃၀၁၆ ဘီလျံကျော်အထိ မြှုပ်နှံထားကာ စုစုပေါင်း နိုင်ငံသားရင်းနှီးမြှုပ်နှံမှု၏ ၁၇ ရာခိုင်နှုန်းကျော် အထိရှိကာ ဒုတိယ အများဆုံး မြှုပ်နှံထားသည့် ကဏ္ဍဖြစ်သည်။
သယ်ယူပို့ဆောင်ရေးကဏ္ဍတွင်မူ ဒေါ်လာ ၂၂၅၄ ဒသမ ၀၂၃ သန်း အပါအ၀င် ကျပ် ၂၈၄၆ ဘီလျံကျော်အထိ မြှုပ်နှံထားကာ စုစုပေါင်း နိုင်ငံသားရင်းနှီးမြှုပ်နှံမှု၏ ၁၆ ဒသမ ၂၅ ရာခိုင်နှုန်းအထိရှိကာ တတိယအများဆုံး မြှုပ်နှံထားသည့်ကဏ္ဍ ဖြစ်သည်။
ဘဏ္ဍာနှစ်ကြားကာလ လေးလအတွင်း မြန်မာနိုင်ငံ ရင်းနှီးမြှုပ်နှံမှုကော်မရှင် (MIC) အနေဖြင့် နိုင်ငံသားရင်းနှီးမြှုပ်နှံမှု လုပ်ငန်းပေါင်း ၆၅ ခုအထိ ခွင့်ပြု/အတည်ပြုပေးထားမှုမှ ရင်းနှီးမြှုပ်နှံမှုပမာဏ ကျပ် ၈၁၃ ဘီလျံကျော်အထိ ရှိကြောင်း မြန်မာနိုင်ငံ ရင်းနှီးမြှုပ်နှံမှုကော်မရှင်မှ သိရသည်။
“၂၀၁၈ ခုနှစ် ဧပြီလမှ ဇူလိုင်လအထိ ခွင်ြ့ပု/အတည်ပြုပေးခဲ့တဲ့ မြန်မာနိုင်ငံသား ရင်းနှီးမြှုပ်နှံမှုလုပ်ငန်း ၆၅၊ ရင်းနှီးမြှုပ်နှံမှုက အမေရိကန်ဒေါ်လာ ၁၆၇ ဒသမ ၃၀၀ သန်း အပါအ၀င် ကျပ် ၇၈၃ ဒသမ ၁၄၂ ဘီလျံ ကျော်ဖြစ်ပါတယ်။ ရင်းနှီးမြှုပ်နှံမှု တိုးမြှင့်ခြင်း အပါအ၀င် စုစုပေါင်း ရင်းနှီးမြှုပ်နှံမှု ပမာဏ အမေရိကန်ဒေါ်လာ ၁၆၈ ဒသမ ၄၄၈ သန်း အပါအ၀င် ကျပ် ၈၁၃ ဒသမ ၁၈၃ ဘီလျံအထိ ခွင့်ပြုပေးပြီး ဖြစ်ပါတယ်” ဟု ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှုဦးစီးဌာနမှ ဒုတိယညွှန်ကြားရေးမှူးချုပ် ဦးသန်းအောင်ကျော်က ပြောကြားသည်။
အဆိုပါ ခွင့်ပြု/အတည်ပြုလုပ်ငန်း ၁၅ ခုမှာ စက်မှုကဏ္ဍတွင် ၃ ခု၊ မွေးမြူရေးနှင့် ရေလုပ်ငန်းကဏ္ဍတွင် သုံးခု၊ ဟိုတယ်ကဏ္ဍတွင် ၄ ခု၊ လယ်ယာကဏ္ဍတွင် တစ်ခုနှင့် အခြားကဏ္ဍတွင် လေးခု စသည်ဖြင့် အသီးသီး ခွင့်ပြုပေးခဲ့ခြင်းဖြစ်ကြောင်း သိရသည်။
“မြန်မာနိုင်ငံသား ရင်းနှီးမြှုပ်နှံမှုက အဆိုပြုလုပ်ငန်း နှစ်ခု၊ အတည်ပြုလုပ်ငန်း ၁၃ ခုနဲ့ စုစုပေါင်း ၁၅ ခု ခွင့်ပြုခဲ့ပါတယ်။ အဆိုပြုလုပ်ငန်းနှစ်ခုမှာ မြန်မာနိုင်ငံ ရင်းနှီးမြှုပ်နှံမှုကော်မရှင်က ခွင့်ပြုခဲ့ပြီး အတည်ပြုလုပ်ငန်း ၁၃ ခုမှာ MIC ကနေလုပ်ငန်းနှစ်ခု၊ ရန်ကုန်တိုင်းဒေသကြီး ရင်းနှီးမြှုပ်နှံမှုကော်မတီမှ တစ်ခု၊ မကွေးတိုင်း ရင်းနှီးမြှုပ်နှံမှုကော်မတီမှ သုံးခု၊ စစ်ကိုင်းတိုင်းဒေသကြီး ရင်းနှီးမြှုပ်နှံမှုမှ နှစ်ခု၊ ရှမ်းပြည်နယ်က နှစ်ခု၊ ကယားပြည်နယ် ရင်းနှီးမြှုပ်နှံမှုကော်မတီမှ သုံးခု စုစုပေါင်း ၁၃ ခု ခွင့်ပြုပေးလိုက်တယ်။ ရင်းနှီးမြှုပ်နှံမှု ပမာဏကတော့ အမေရိကန်ဒေါ်လာ ၃၂ ဒသမ ၁၆၈ အပါအ၀င် ကျပ် ၈၂,၅၉၈ ဒဿမ ၆၉၀ သန်း ကျပ် ၈၂ ဘီလျံကျော်ပေါ့ ဒါကိုခွင့်ပြုပေးခဲ့ပါတယ်” ဟု ဦးသန်းအောင်ကျော်က
ပြောကြားသည်။
ယင်းကဲ့သို့ မြန်မာနိုင်ငံသား ရင်းနှီးမြှုပ်နှံမှု လုပ်ငန်းပေါင်း ၁၅ ခုကို ခွင့်ပြု/အတည်ပြုပေးခဲ့သည့်ခြင်းကြောင့် ပြည်တွင်းလုပ်သားများအတွက် အလုပ်အကိုင် အခွင့်အလမ်းပေါင်း ၁၃၀၀ ကျော်အထိ ဖန်တီးပေးနိုင်ခဲ့ကြောင်း သိရသည်။
ဘဏ္ဍာနှစ်ကြားကာလ ခြောက်လအဖြစ် ဧပြီ ၁ ရက်မှ စက်တင်ဘာ ၃၀ ရက်အထိ သတ်မှတ်ထားသည်။ ယခုခွင်ြ့ပုထားသည့် ရင်းနှီးမြှုပ်နှံမှုသည် ဘဏ္ဍာနှစ်ကြားကာလ ခြောက်လ၏ လေးလအတွင်း ခွင့်ပြုပေးထားသည့် နိုင်ငံသား ရင်းနှီးမြှုပ်နှံမှုပမာဏဖြစ်ကြောင်း သိရသည်။
Credit: Eleven Media Group
