တရုတ်အိမ်သစ်ရောင်းအား ပို၍လျင်မြန်စွာ မြင့်တက်

တရုတ်တွင် အိမ်သစ်ရောင်းအားသည် ယခုနှစ် ပထမငါးလတာအတွင်း လျင်မြန်စွာမြင့်တက်ခဲ့ကြောင်း တရုတ်အမျိုးသားစာရင်းအင်းဗျူရို (NBS) က ဇွန် ၂၅ တွင် ထုတ်ပြန်ခဲ့သည်။

အစိုးရမတည်သော တန်ဖိုးနည်းအိမ်ရာများမှအပ အိမ်သစ်စုစုပေါင်း ယွမ် ၄ ဒသမ ၁၃ ထရီလျံ (အမေရိကန်ဒေါ်လာ ၆၄၄ ဒသမ ၇ ဘီလျံ) ခန့် နိုင်ငံတစ်ဝန်း ဇန်နဝါရီမှ မေအတွင်း ရောင်းချခဲ့ရကြောင်း၊ ယင်းသည် ပြီးခဲ့သည့်နှစ်ထိုကာလကထက် ၁၂ ဒသမ ၈ ရာခိုင်နှုန်း မြင့်တက်ခဲ့ခြင်းဖြစ်ကြောင်း NBS က ၎င်း၏ဝက်ဘ်ဆိုက်ဒ်တွင် ကြေညာထားသည်။ မြင့်တက်မှုနှုန်းသည် ယခုနှစ်ပထမလေးလတာမြင့်တက်မှုနှုန်း ၉ ဒသမ ၅ ရာခိုင်နှုန်းထက်လည်း မြင့်တက်ခဲ့သည်။

• 
• 

ယခုနှစ် ပထမငါးလတာအတွင်း ရောင်းချခဲ့ရသည့် အိမ်သစ်ဧရိယာသည်လည်း ပြီးခဲ့သည့်နှစ်ထိုကာလကထက် ၂ ဒသမ ၃ ရာခိုင်နှုန်း မြင့်တက်ခဲ့ပြီး စတုရန်းမီတာ ၄၉၀ ဒသမ ၆၆ သန်းရှိခဲ့ကာ ပထမလေးလတာ၏ မြင့်တက်နှုန်း ၀ ဒသမ ၄ ရာခိုင်နှုန်းထက် သိသိသာသာမြင့်တက်ခဲ့ကြောင်း သိရသည်။

"အထူးသဖြင့် အိမ်ခြံမြေစည်းမျဉ်းတွေ အရမ်းမတင်းကျပ်ထားတဲ့ တတိယနဲ့ စတုတ္ထတန်းစား မြို့ကြီးတွေမှာ ရောင်းအားကောင်းလာမှုကြောင့် အခုလို တန်ဖိုးအားဖြင့်ရော ပမာဏအားဖြင့်ရော ရောင်းအားမြင့်တက်မှုနှုန်း ပိုမြန်ခဲ့တာပါ" ဟု ရှန်ဟိုင်းအိမ်ခြံမြေအေဂျင်စီ Shanghai Homelink Real Estate Agency Co. ၏ ဆန်းစစ်လေ့လာသူ ကျောင်ပေါင်ကန်က ပြောကြားခဲ့သည်။

ဒုတိယတန်းစားအဓိကမြို့ကြီးအများအပြားမှာတော့ အိမ်ရာဈေးကွက်အတွင်း မကြာသေးမီက အစိုးရပေါ်လစီများကြောင့် ဈေးနှုန်းမတည်မငြိမ်မှုများ အနည်း
ငယ် ဖြစ်ပွားခဲ့သည်ဟုလည်း သူက ပြောကြားခဲ့သည်။

မေလကုန်အထိ အိမ်သစ်ရောင်းလိုအားကမူ ပြီးခဲ့သည့်နှစ်အောက် ၂၃ ဒသမ ၁ ရာခိုင်နှုန်း ကျဆင်းခဲ့ပြီး ၂၈၀ ဒသမ ၅၆ စတုရန်းမီတာခန့်သာ ရှိခဲ့ကြောင်း NBS က ထုတ်ပြန်ခဲ့သည်။

ယခုနှစ်ပထမငါးလတာအတွင်း လူနေအိမ်ခြံမြေတွင် ရင်းနှီးမြှုပ်နှံမှုက စုစုပေါင်း အိမ်ခြံမြေရင်းနှီးမြှုပ်နှံမှု၏ ၇၀ ဒသမ ၁ ရာခိုင်နှုန်း ရှိခဲ့ပြီး ပြီးခဲ့သည့်နှစ် ထိုကာလကထက် ၁၄ ဒသမ ၂ ရာခိုင်နှုန်း မြင့်တက်ခဲ့ကာ ၂ ဒသမ ၉ ထရီလျံယွမ်ဝန်းကျင်သို့ ရောက်ရှိခဲ့ကြောင်း၊ ပထမလေးလတာမြင့်တက်နှုန်းနှင့် အတူတူပင် ဖြစ်ကြောင်း NBS ၏ ထုတ်ပြန်ချက်အရ သိရသည်။

ခင်အေးချမ်း မှ iMyanmarHouse.com (အိုင်မြန်မာဟောက်စ်ဒေါ့ကွန်း) အတွက် အထူးဘာသာပြန် ရေးသားဖော်ပြသည်။
Credit: iMyanmarHouse.com