မြေလွတ်မြေရိုင်းများတွင် တောင်သူများ စိုက်ပျိုးလိုပါက ဥပဒေအရ လျှောက်ထားနိုင်
သောင်မြေများ ပေါ်ထွန်းမြေကဲ့သို့သော ကျေးလက်ဒေသရှိ မြေလွတ်မြေရိုင်းများကို တောင်သူလယ်သမားများနှင့် မိသားစုတစ်နိုင်တစ်ပိုင် စိုက်ပျိုးလုပ်ကိုင်လိုသူများအနေဖြင့် လျှောက်ထားလာပါက ၅ဝ ထက်မပိုသော သက်ဆိုင်ရာ ဒေသအဖွဲ့အစည်းတစ်ခုခုက ခွင့်ပြုပေးရန် ဥပဒေအရစီမံဆောင်ရွက်ပေးမည်ဖြစ်ကြောင်း ရန်ကုန်မြို့တော်ဝန် ဦးမောင်မောင်စိုးက ဆိုသည်။
ရန်ကုန်တိုင်းအတွင်းရှိ ခရမ်းမြို့နယ်အတွင်းတွင် ပင်လယ်ကမ်းပြိုမှုကြောင့် မျောပါသွားခဲ့သော ကျေးရွာလေးရွာမှ ဒေသခံများ ယင်းတို့၏ မူလကျေးရွာနေရာတွင် သောင်မြေများပေါ်ထွန်းနေသဖြင့် ဒေသခံတောင်သူများကို ပြန်လည်ဝေခြမ်းပေးရန် ခရမ်းမြို့နယ်အမှတ် ၂ မဲဆန္ဒနယ်အမတ် ဦးသိန်းဇော်လတ်က လွှတ်တော်တွင် မေးခွန်းမေးမြန်းခဲ့ရာ မြို့တော်ဝန်က ထိုသို့ပြန်လည်ဖြေကြားခဲ့ခြင်းဖြစ်သည်။
''ခုချိန်မှာ အဲဒီကမ်းပြိုတဲ့ကျေးရွာတွေရဲ့နေရာတွေမှာ သောင်မြေတွေ ပေါ်ထွန်းပြီး မြေလွတ်မြေရိုင်းအဖြစ် လယ်မြေဧကပေါင်း၅,၂ဝဝ ကျော် ပြန်လည်ပေါ်ထွန်းနေတာကိုတွေ့ရပါတယ်''ဟု ဦးသိန်းဇော်လတ်က ဆိုသည်။ယခုအချိန်တွင် ရန်ကုန်တိုင်းအစိုးရအဖွဲ့က မုတ္တမပင်လယ်ကွေ့တွင် မြေဧက ၂,၃ဝဝ ဧကကို ဒီရေကာကွယ်တောစိုက်ပျိုးရန် သတ်မှတ်ခဲ့ပြီး ကမ်းပြိုသွားသော ကျေးရွာများမှ တောင်သူများမှာ အဆိုပါမြေပေါ်တွင် တရားဝင်ခွင့်ပြုချက် မရရှိခဲ့သော်လည်း အဆင်ပြေသလို လုပ်ကိုင်စားသောက်နေကြကြောင်း လည်း ၎င်းကဆိုသည်။
ပင်လယ်ရေတိုက်စားမှုကြောင့် မျောပါသွားခဲ့သည့် ခရမ်းမြို့နယ်အတွင်းရှိ ကျေးရွာလေးရွာဖြစ်သော ရေကျော်၊ ဘိုကလေး၊ ကံကောင်းနှင့် ဆင်ကျွန်းကျေးရွာများမှ အိမ်ထောင်စုများကို အခြားနေရာများသို့ ပြန်လည်နေရာချထားပြီးဖြစ်ကြောင်းလည်း ဦးမောင်မောင်စိုးက ဆိုသည်။ရေကျော်ကျေးရွာမှ ဒေသခံ ၁၃၃ ဦးနှင့် ဘိုကလေးကျေးရွာမှ ဒေသခံ ၁၁ဝ ဦးကို ပလူကန်စားကျက်မြေသို့လည်းကောင်း၊ ကံကျောင်းကျေးရွာမှ ဒေသခံ ၁၅ဝ ဦးကိုကျီနီချောင်း စားကျက်မြေသို့လည်းကောင်း၊ ဆင်ကျွန်းကျေးရွာမှ ဒေသခံ ၃ဝဝ ဦးကိုကျွဲတလင်း စားကျက်မြေသို့လည်းကောင်းပြောင်းရွှေ့နေရာချထားပေးခဲ့သည်။
ထိုသို့ပြောင်းရွှေ့နေရာချထားရာတွင် လူနေထိုင်ရန် ပေ ၆ဝ၊ ပေ ၈ဝ မြေကွက်တစ်ကွက်စီနှင့် လုပ်ကိုင်စားသောက်ရန် မိသားစုတစ်စုလျှင် မြေနှစ်ဧကစီကိုအေးချမ်းသာယာရေးနှင့် ဖွံ့ဖြိုးရေးကောင်စီလက်ထက်က ချထားပေးခဲ့ကြောင်းလည်း ဦးမောင်မောင်စိုးက ဆိုသည်။
Credit: The Myanmar Times
