လန်ဒန်၏ ဈေးအကြီးဆုံးနေအိမ်များတွင် အပါအဝင်ဖြစ်သော နေအိမ်ကြီးတစ်လုံး ဈေးထက်ဝက်ခန့်အထိ လျှော့ချပေးမှ ရောင်းထွက်ခြင်းမှာ လန်ဒန်အိမ်ခြံမြေဈေးကွက်ကို လှစ်ဟပြသလျက်ရှိ

အင်္ဂလန်နိုင်ငံ၊ လန်ဒန်မြို့ ၏ ဈေးအကြီးဆုံးနေအိမ်များတွင် အပါအဝင်ဖြစ်သော နေအိမ်ကြီးတစ်လုံးသည် ဈေးထက်ဝက်ခန့်အထိ လျှော့ချပေးမှ ရောင်းထွက်သွားရာ ယင်းဖြစ်ရပ်က လက်ရှိ လန်ဒန်အိမ်ခြံမြေဈေးကွက်ကို လှစ်ဟပြသလျက်ရှိကြောင်း အိမ်ခြံမြေဈေးကွက်သုတေသီတို့က ပြောကြားသည်။ အင်္ဂလန်နိုင်ငံ၊ လန်ဒန်မြို့ ၊ ကမ္ဘာကျော် ချယ်ဆီးဘောလုံးအသင်းအခြေစိုက်ရာ ချယ်ဆီးအရပ်ရှိ နေအိမ်ကြီးသည် လန်ဒန်တွင် ဈေးအကြီးဆုံးနေအိမ်များတွင် တစ်လုံးအပါအဝင်ဖြစ်ပြီး Cresswell House ဟု အမည်ပေးထား၏။

၂၀၁၆ ခုနှစ်ကတည်းက အရောင်းဈေးကွက်ရောက်ရှိနေခဲ့ခြင်းဖြစ်ပြီး မူလက ပေါင် ၃၇ ဒသမ ၅ သန်း (ကန်ဒေါ်လာ ၄၈ သန်း) ဈေးခေါ်ထားရာ ရောင်းမထွက်ခဲ့ချေ။

ယခုအခါ ထက်ဝက်နီးပါးဈေးနှုန်းဖြစ်သော ပေါင် ၂၀ ဒသမ ၉၅ သန်း (ကန်ဒေါ်လာ ၂၉သန်း) သို့ လျှော့ချပေးမှသာ ရောင်းထွက်သွားခဲ့သည်။

လန်ဒန်အခြေစိုက် Knight Frank မှတစ်ဆင့် အရောင်းဈေးကွက်တင်ခဲ့ခြင်းဖြစ်ပြီး Savills တွင်လည်း တချိန်တည်း ဈေးကွက်တင်ထား သည်ဟု ဆိုသည်။
တိုင်းမ်မဂ္ဂဇင်း၏ မှတ်တမ်းအရ ရင်းနှီးမြှုပ်နှံမှုကုမ္ပဏီ Albyns Ltd က ၂၀၁၂ ခုနှစ်အတွင်း ပေါင် ၈ ဒသမ ၁ သန်းဖြင့် ဝယ်ယူခဲ့သည်။

• 

ဝယ်ယူပြီးနောက်ပိုင်း အကြီးစားပြုပြင်မှုများပြုလုပ်ခဲ့ရာ မူလက စတုရန်းပေ ၃၀၀၀ သာ ကျယ်ဝန်းသော နေအိမ်ကို စတုရန်းပေ ၁၁၀၀၀ အထိ ချဲ့ ထွင် ဆောက်လုပ်ခဲ့ကာ အထူးသဖြင့် မြေအောက်ခန်းများ တိုးချဲ့ ခဲ့သည်။
မြေအောက်ခန်းတွင် အလျား ၄၂ ပေရှိ ရေကူးကန်၊ အားကစားလေ့ကျင့်ရေးခန်းမ၊ ဝိုင်ပုလင်း ၅၀၀ ဆန့် ဝိုင်သိုလှောင်ခန်းနှင့် ဝန်ထမ်းနေထိုင်ရန် အခန်းတို့ ပါဝင်သည်။

အထပ် ၅ ထပ်ပါ အဆောက်အအုံအဖြစ် တိုးချဲ့ ခဲ့ကာ လူ ၆ ဦးစီး ဓာတ်လှေကားတစ်စင်းလည်း တပ်ဆင်ခဲ့သည်။

ယင်းနောက်တဖန် Jersey trust holding ကုမ္ပဏီက ဝယ်ယူခဲ့ပြန်သည်။

Jersey သည် မကြာသေးမီကပင် ဒေဝါလီခံကြောင်း ကြေညာခဲ့ရပြီးနောက် ယခုနေအိမ်ကြီး၏ ခေါ်ဈေးမှာ ၅၀ ရာခိုင်နှုန်းအထိ လျော့ကျသွားခဲ့သည်။

ယင်းသို့ ဈေးနှုန်းလျော့ကျသွားပြီးနောက် ရက်ပိုင်းအတွင်း ရောင်းထွက်သွားခြင်းလည်း ဖြစ်သည်။

နောက်ဆုံးအရောင်းအဝယ်ဖြစ်ခဲ့သည့်ဈေးနှုန်းနှင့် ဝယ်လက်တို့ကိုမူ ထုတ်ဖော်ကြေညာထားခြင်း မရှိချေ။

ယခုနေအိမ်ကြီး၏ ဈေးထက်ဝက်ထိလျှော့ချပေးခဲ့သည့်ဖြစ်ရပ်မှာ လန်ဒန်၏ လက်ရှိအခြေအနေကိုမီးမောင်းထိုးပြနေသည်ဟု အချို့က သုံးသပ်သော်လည်း အချို့ကမူ ယခုနေအိမ်မျိုးကဲ့သို့ ဖြစ်ရပ်မှာ ရှားပါးပြီး ကျန်သည့်ဈေးကွက်တစ်လုံးအပေါ် ရည်ညွှန်းချက်တစ်ရပ်မဟုတ်ကြောင်းလည်း အချို့က သုံးသပ်ကြသည်။

လန်ဒန်နှင့် အင်္ဂလန်အရှေ့တောင်ပိုင်းဒေသများတွင် လွန်ခဲ့သောနှစ်အနည်းငယ်အတွင်း အိမ်ခြံမြေဈေးနှုန်းများ အလွန်မြင့်တက်ခဲ့သော်လည်း ယခုအချိန်တွင်မူ ဈေးနှုန်းတက်မှု ပမာဏမှာ အနည်းငယ်သာ ရှိနေသည်။

Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)