လယ်ယာမြေဈေးနှုန်း ကြီးမြင့်သောကြောင့် စီမံကိန်းကြီးများ ဖော်ဆောင်လို့မရ
ရန်ကုန်၏ လယ်ယာမြေဈေးနှုန်းများကြီးမြင့်နေသောကြောင့် စီမံကိန်းကြီး များကို အကောင်အထည်ဖော်သည့်နေရာတွင် အခက်အခဲများဖြစ်နေသည် ဟု ရန်ကုန်တိုင်းဒေသကြီးဝန်ကြီးချုပ် ဦးဖြိုးမင်းသိန်းက ပြောဆိုလိုက်သည်။
ယင်းကို သြဂုတ်လ ၂၈ ရက်နေ့က ရန်ကုန်မြို့၊ ကုန်သည်စက်မှု အသင်းချုပ် တွင် ပြုလုပ်သော နိုင်ငံတော် ဒုတိယသမ္မတနှင့် စီးပွားရေးလုပ်ငန်းရှင်များ ကိုးကြိမ်မြောက် ပုံမှန်တွေ့ဆုံပွဲတွင် ၀န်ကြီးချုပ်က ပြောဆိုခြင်းဖြစ်သည်။
“လယ်ယာဈေးက မြို့မြေလိုဖြစ်နေတဲ့အတွက် နိုင်ငံတော်က တည်ဆောက် တဲ့ စီမံကိန်းကြီးတွေ လုပ်တဲ့နေရာမှာ ဥပမာ လမ်းဖောက်မယ်ဆိုတဲ့ကိစ္စမျိုး ဘယ်လိုမှ လုပ်လို့မရပါဘူး။ ဘာလို့လဲဆိုတော့ မြေသိမ်းပြီး ပြန်လျှော်ပေး ရမယ်ဆိုတဲ့ အခြေ အနေအပေါ်မှာ ဈေးနှုန်းကို လယ်ဈေးမဟုတ်ဘဲနဲ့ အပြင်ဈေးမျိုးနဲ့ရမှဆိုတဲ့ အခြေအနေမျိုးဖြစ်လာတဲ့အတွက် ဒီအခြေ အနေေ တွကိုတော့ ကျွန်တော်တို့ ရန်ကုန်တိုင်းဟာ အထူးဂရုပြုရမယ့် ကိစ္စထဲမှာ ပါပါတယ်” ဟု ၀န်ကြီးချုပ်က ဆိုသည်။
ဝန်ကြီးချုပ်က လယ်ယာမြေဈေးနှုန်းကြီးမြင့်မှုနှင့် ပတ်သတ်ပြီး ပြောဆိုရာ တွင် မြေ၀ယ်ယူမှုများသည် အမှန်တကယ် လယ်ယာလုပ်ငန်း လုပ်ကိုင်ရန်အ တွက် မဟုတ်ဘဲ အခြားနည်းလမ်း သုံးစွဲခွင့်လျှောက်ထားပြီး အကျိုးအမြတ် ရရန် ဈေးကစားနေခြင်းဖြစ်သည်ဟု သုံးသပ်ထားသည်။
မြန်မာနိုင်ငံငါးလုပ်ငန်းအဖွဲ့ချုပ် အထွေထွေအတွင်းရေးမှူး ဦးဝင်းကြိုင်က… “မြေယာကို ၀ယ်ပြီးတော့ ကုန်ပစ္စည်းတစ်ခုလို ဈေးကစားတယ်၊ ရောင်းကုန် လို သတ်မှတ်ပြီးတော့ ရင်းနှီးမြှုပ်နှံပြီးတော့ တန်ဖိုးကြီးကြီးနဲ့ ရောင်းစားတဲ့ လူတွေ လက်ထဲမှာ ရောက်သွားတဲ့ အခါကြတော့ ဒီအပေါ်မှာ စီမံကိန်းလုပ် ငန်းတွေ လုပ်ဖို့ ကြတော့ အခက်အခဲတွေ အများကြီးဖြစ်သွားတယ်” ဟု လယ်ယာမြေများအပေါ် အမြတ်ထုတ်ခြင်းအကြောင်းကို ပြော သည်။
ဦးဝင်းကြိုင်က မှန်ကန်သည့် မြေယာအပေါ်တွင် ကုန်ထုတ်လုပ်မှုကဏ္ဍ ကို မြင့်တက်စေသော ကဏ္ဍများကို ဆောင်ရွက်နိုင် လျှင် တိုင်းပြည်အမှန် တိုးတက်မည်ဟု ဖြည့်စွပ်ပြောဆိုထားသည်။ယင်းသို့ လယ်ယာမြေဈေးနှုန်း ကြီးမြင့်နေသည့်အပေါ်တွင် ရန်ကုန်တိုင်းဒေသကြီး အစိုးရအနေနှင့် လည်း မြေယာစီမံခန့်ခွဲမှု များကို စနစ်တကျဆောင်ရွက်သွားပြီး မြေဈေးနှုန်း ကို ရင်းနှီးမြှုပ်နှံမှု လုပ်ငန်းများတွင် အနှောင့်အယှက်မဖြစ်အောင် လုပ်ကိုင် မည်ဟု သိရသည်။
“မြေစီမံခန့်ခွဲမှုကနေပြီးတော့ စနစ်တကျနဲ့ ဆောင်ရွက်ပေးရင် မြေဈေးဟာ ရင်းနှီး မြှုပ်နှံမှု လုပ်ငန်းတွေမှာ အနှောင့်အယှက် မဖြစ်ဖို့အတွက် တိုင်းဒေ သကြီး အစိုးရဘက်ကနေ ဆောင်ရွက်နေတယ် ဆိုတာကို အသိပေးလိုပါ တယ်” ဟု ၀န်ကြီးချုပ် ဦးဖြိုးမင်းသိန်းက အသိပေးပြောဆိုထားသည်။
ရန်ကုန်တိုင်းအတွင်း ရင်းနှီးမြှုပ်နှံမှုများ ပိုမိုမြန်ဆန်စေရေးအတွက် တိုင်းဒေ သကြီး ရင်းနှီးမြှုပ်နှံမှုကော်မရှင်အား ဖွဲ့စည်းထားပြီးဖြစ်ရာ ရင်းနှီးမြှုပ်နှံမှု ပမာဏ အမေရိကန်ဒေါ်လာ ၅ သန်း (ကျပ် သန်းခြောက်ထောင်) ပမာဏရှိ ရင်းနှီးမြှုပ်နှံမှုလုပ်ငန်းများကို တိုင်းဒေသကြီးအဆင့်မှာတင် အမြန်ဆုံးစိစစ် ခွင့်ပြုပေးသွားမှာဖြစ်သည်ဟု သိရသည်။
Credit: Mizzima
