မွန်ပြည်နယ်အတွင်း လူဦးရေတိုးပွားလာမှုကြောင့် မြို့ပြနှင့် ကျေးလက်ဒေသများ နယ်နိမိတ်တိုးချဲ့ခြင်းနှင့် တန်ဖိုးနည်းအိမ်ရာများကို အလျင်အမြန် လုပ်ဆောင်သင့်

မွန်ပြည်နယ်အတွင်း လူဦးရေတိုးပွားလာမှုကြောင့် မြို့ပြစီမံကိန်းတိုးချဲ့ခြင်းနှင့် ကျေးလက်ဒေသများတိုးချဲ့ခြင်း၊ တန်ဖိုးနည်းအိမ်ရာစီမံကိန်းများကို အလျင်အမြန်လုပ်ဆောင်သင့်ကြောင်းအဆိုကို မွန်ပြည်နယ်လွှတ်တော်က အတည်ပြုလိုက်ကြောင်း သိရှိရသည်။

ယင်းအဆိုကို ကျိုက်ထိုမြို့နယ် မဲဆန္ဒနယ်အမှတ်(၂)မှ ပြည်နယ်လွှတ်တော်ကိုယ်စားလှယ် ဒေါက်တာအေးဇံ က အောက်တိုဘာ ၅ ရက်တွင်ကျင်းပသည့် ဒုတိယအကြိမ်မွန်ပြည်နယ်လွှတ်တော်၊ တတိယပုံမှန်အစည်းအ ဝေး(တတိယနေ့)တွင်တင်သွင်းခဲ့ရာ ကိုယ်စားလှယ်အချို့က ထောက်ခံဆွေးနွေးခဲ့ပြီး လွှတ်တော်က အတည်ပြု ခဲ့ခြင်းဖြစ်သည်။

“နယ်နိမိတ်မချဲ့ထွင်ဘူးဆိုရင် အစိုးရအနေနဲ့ ကျူးကျော်နေထိုင်သူများလာတဲ့ပြဿနာ ဖြေရှင်းရမှာဖြစ်တယ်။ ဒါကြောင့် နယ်နိမိတ်ချဲ့ထွင်ပြီး ဆင်းရဲသားတွေ၊ အိမ်ခြေရာခြေမဲ့တွေ အိုးအိမ်ပိုင်ဆိုင်မှုရှိအောင် အစိုးရအနေနဲ့ တန်ဖိုးနည်းအိမ်ရာစီမံကိန်းကို အမြန်ချပြီးဖြေရှင်းဖို့လိုပါတယ်။”ဟု ရေးမြို့နယ်၊ မဲဆန္ဒနယ်အမှတ်(၂)မှ ကိုယ်စားလှယ် ဒေါက်တာမင်းစိုးလင်းကထောက်ခံဆွေးနွေးသည်။

• 

မွန်ပြည်နယ်တွင် လူဦးရေ(၂)သန်းကျော်နေထိုင်လျှက်ရှိရာ မြို့ပြတွင် နေထိုင်သူ လူဦးရေမှာ (၆)သိန်းဝန်းကျင် ရှိပြီး ကျေးလက်ဒေသတွင် နေထိုင်သူလူဦးရေမှာ (၁၄)သိန်းဝန်းကျင်ရှိကြောင်း သိရသည်။

မွန်ပြည်နယ်ဝန်ကြီးချုပ် ဦးမင်းမင်းဦးကိုယ်စား မွန်ပြည်နယ်စီမံ၊ ဘဏ္ဍာ၊ လူဝင်မှုကြီးကြပ်ရေးနှင့် ပြည်သူ့အင် အားဝန်ကြီးဌာနမှ ဝန်ကြီး ဦးဝဏ္ဏကျော်က မွန်ပြည်နယ်အစိုးရအဖွဲ့မှ လုပ်ဆောင်မည့် နယ်နိမိတ်ချဲ့ထွင်ရေးအ စီစဉ်များကို ရှင်းလင်းပြောကြားခဲ့ပြီး အဆိုကိုထောက်ခံဆွေးနွေးခဲ့သည်။

ပြည်နယ်အစိုးရအဖွဲ့အနေဖြင့် ၂၀၁၃-၂၀၁၄ ဘဏ္ဍာရေးနှစ်တွင် မော်လမြိုင်၊ မုဒုံ၊ သထုံ၊ ကျိုက်ထိုမြို့များတွင် မြေနေရာအနေအထားပေါ်မူတည်၍ မြို့ကွက်သစ်များထပ်မံဖော်ထုတ်ပေးခြင်း၊ ဘဏ္ဍာငွေရရှိမှုပေါ်မူ၏တည်၍ ပြုပြင်မွမ်းမံသင့်သည့်အဆောက်အဦးများ၊ ထပ်မံအကောင်အထည်ဖော်ဆောင်ရွက်သင့်သည့် အိမ်ရာစီမံကိန်း များ၊ မြို့များ၊ ကျေးရွာများချဲ့ထွင်ရာတွင် လိုအပ်သည့်စီမံကိန်းများကို မြို့ပြနှင့်အိမ်ယာဖွံ့ဖြိုးရေးဦးစီးဌာန(နေ ပြည်တော်)မှ Town Plan ရေးဆွဲပေးခဲ့ခြင်းဖြစ်သည်။

ကျိုက်ထိုမြို့တွင် ကျိုက်ထို-ကျိုက်ထီးရိုးကားလမ်းမကြီး၏မြောက်ဘက်နှင့် တောင်ဘက်ရှိမြေနေရာကို ချဲ့ထွင် ပေးခဲ့ပြီးဖြစ်ကာ ကျိုက်ထိုမြို့မြောက်ဘက် ရန်ကုန်-မော်လမြိုင်ကားလမ်းဘေးတွင် အေးရိပ်ငြိမ် တိုးချဲ့မြို့ကွက် သစ်များချဲ့ထွင်ခဲ့ပြီး ကျိုက်ထိုမြို့နယ် မြို့ပြနှင့်အိမ်ယာဖွံ့ဖြိုးရေးဦးစီးဌာနမှအသုံးပြုခွင့်ရသော မြေ(၅)ဧကပေါ် တွင်လည်း ဝန်ထမ်းများအတွက် (၁၆)ခန်းပါဝန်ထမ်းအိမ်ရာ၊ (၄)ခန်းတွဲ(၄)ထပ်တစ်လုံးဆောက်လုပ်ခဲ့ကြောင်း သိရသည်။

၂၀၁၆-၁၇ ဘဏ္ဍာရေးနှစ်တွင် ပြည်နယ်ခွင့်ပြုရန်ပုံငွေဖြင့် (၁၆)ခန်းပါဝန်ထမ်းအိမ်ယာ (၄)ခန်းတွဲ (၄)ထပ်တစ် လုံး ထပ်မံတည်ဆောက်ပေးလျှက်ရှိပြီး မော်လမြိုင်မြို့နယ်၊ မင်းရွာနှင့် သံဖြူဇရပ်မြို့နယ်၊ ဖောင်စိန်ကျေးရွာရှိ စက်မှုဝန်ကြီးဌာနမှ ပြန်လည်စွန့်လွှတ်မြေများတွင် အိမ်ရာစီမံကိန်းများကို တည်ဆောက်လျှက်ရှိကြောင်း သိရသည်။

မွန်ပြည်နယ်အတွင်းရှိ လူနေသိပ်သည်းသည့်မြို့နယ်များတွင် မြေနေရာရရှိမှု၊ ရေအရင်းအမြစ်အသုံးချနိုင်မှု၊ လျှပ်စစ်မီးရရှိမှုအပေါ်မူတည်၍ လူနေရပ်ကွက်များ၊ အထပ်မြင့်တန်ဖိုးသင့်၊ တန်ဖိုးနည်းနှင့် အငှားအိမ်ရာများ ကို ပြည်ထောင်စုဘဏ္ဍာရံပုံငွေ၊ ပြည်နယ်ဘဏ္ဍာရံပုံငွေ၊ ပုဂ္ဂလိကလုပ်ငန်းရှင်များနှင့်အကျိုးတူပူးပေါင်းဆောင် ရွက်ခြင်း၊ ပြည်တွင်းပြည်ပချေးငွေများ စသည့်နည်းလမ်းများကို အသုံးပြု၍မြို့ပြနှင့်ကျေးလက်နေပြည်သူများ လူနေမှုအဆင့်အတန်းကွာဟမှုမရှိစေရန်ဒေသအလိုက်အိမ်ရာလိုအပ်ချက်များပေါ်မူတည်၍ အကောင်အထည် ဖော်ဆောင်ရွက်ပေးသွားမည်ဖြစ်ကြောင်း ဝန်ကြီး ဦးဝဏ္ဏကျော်ကပြောသည်။


Credit: Myintmakha Media