မန္တလေးမြို့၌ အိမ်ခြံမြေအရောင်းအ၀ယ်တွင် ရောင်းချသူက မြတ်စွန်းသည့်ဝင်ငွေအပေါ် အခွန်ပေးဆောင်မှု မရှိသလောက်ဖြစ်ပြီးအခွန်စိစစ်မှု ခံယူရန်အသိပေး ထုတ်ပြန်

မန္တလေးမြို့တွင် အိမ်ခြံမြေ အရောင်းအ၀ယ် ပြုလုပ်ရာ၌ ရောင်းချသူ အနေဖြင့် မြတ်စွန်းသည့် ၀င်ငွေအပေါ် အခွန်ထမ်းဆောင်မှု မရှိသလောက်ဖြစ်ကြောင်း၊ အိမ်ခြံမြေ အစရှိသည့် အခြေပစ္စည်း ရောင်းချမှုအပေါ် အခွန်စိစစ်မှု ခံယူကြရန် မန္တလေးတိုင်းဒေသကြီး ပြည်တွင်းအခွန်များ ဦးစီးဌာနမှ အသိပေးနှိုးဆော်ချက် ထုတ်ပြန်ထားကြောင်း သိရသည်။

အိမ်ခြံမြေ ၀ယ်ယူခြင်းအတွက် ကာလတန်ဖိုး သတ်မှတ်မှု ပိုမိုလျက်ရှိသော်လည်း ကျသင့်ငွေ အခွန်များကို ၀ယ်ယူသူများမှ ထမ်းဆောင်လျက်ရှိပြီး ရောင်းချသူများ အနေဖြင့် အကြောင်းအမျိုးမျိုးကြောင့် အခွန်ထမ်းဆောင်ရန် ပျက်ကွက်လျက်ရှိကြောင်း၊ အခြေပစ္စည်း ရောင်းချခြင်းအတွက် ကျသင့်အခွန်နှုန်းမှာ ၁၀ ရာခိုင်နှုန်း ဖြစ်သော်လည်း ရောင်းချသည့် ကာလတန်ဖိုး အပေါ်တွင် ၁၀ ရာခိုင်နှုန်း ထမ်းဆောင်ရန် မဟုတ်ဘဲ မြတ်စွန်းငွေ အပေါ်၌သာ ၁၀ ရာခိုင်နှုန်း ထမ်းဆောင်ရန် ဖြစ်ကြောင်းကို အခွန်ထမ်းပြည်သူများ သိရှိနိုင်ရန် ပြည်တွင်းအခွန် ဦးစီးဌာနမှ အသိပေး ထုတ်ပြန်ချက်တွင် ဖော်ပြထားသည်။

• 

မန္တလေးတိုင်းဒေသကြီးတွင် ၂၀၁၅-၂၀၁၆ ဘဏ္ဍာနှစ် အတွင်းက အခွန်အရပ်ရပ်မှ စည်းကြပ်ကောက်ခံရရှိငွေကျပ် ၁၅၄ ဘီလျံ ရှိခဲ့ပြီး ယင်းကောက်ခံရရှိငွေ၏ ထက်ဝက်ခန့်မှာ အိမ်ခြံမြေ အရောင်းအ၀ယ်မှ စည်းကြပ်ခွန်မှ ရရှိခဲ့ခြင်းလည်း ဖြစ်သည်။

“၂၀၁၆ အခွန်ကောက် ဥပဒေအရ အခွန်နှုန်းတွေ ပြောင်းလဲတိုးမြှင့်မှာမို့ ပြီးခဲ့တဲ့ ဘဏ္ဍာနှစ်ကုန်မှာ အခွန်ပေးဆောင်မှု များခဲ့တာပါ။ အခြေပစ္စည်းကနေ မြတ်စွန်းတဲ့ အပေါ် အခွန်ထမ်းဆောင်မှုကတော့ မရှိသလောက်ပါပဲ။ တကယ်တမ်းအိမ်ခြံမြေအရောင်းအ၀ယ်မှာ ရောင်းတဲ့သူ
ဘက်ကလည်း မြတ်စွန်းငွေရဲ့ ၁၀ ရာခိုင်နှုန်းကို အခွန်ပေးဆောင်ရမှာပါ” ဟု တိုင်းဒေသကြီး ပြည်တွင်းအခွန်ဦးစီးဌာန ဒုတိယ ညွှန်ကြားရေးမှူး ဦးတင်ထွေးက ပြောကြားသည်။

မန္တလေး အိမ်ခြံမြေဈေးကွက်အတွင်း ကျပ်သိန်းသောင်းချီဖြင့် အရောင်းအ၀ယ် ဖြစ်ပေါ်ခဲ့သည့် အကွက်အများစုမှာ ယာယီစာချုပ် အလွှဲအပြောင်းများဖြင့်သာ ရောင်းဝယ်၍ လက်လွှဲလက်ပြောင်း ပြုလုပ်ကြခြင်းဖြစ်ပြီး အခွန်စည်းကြပ်ပေးဆောင်မှု နည်းပါးလျက်ကြောင်းနှင့် ၂၀၁၆ ခုနှစ် အခွန်နှုန်းထားသစ်ဖြင့် အခွန်စည်းကြပ်မှုမှာ လေးခုသာ ရှိသေးကြောင်း သိရသည်။

“သိန်းတစ်သောင်းတန် အကွက်ကို ၀ယ်ပြီး အခွန်စည်းကြပ်မယ်ဆိုရင် သူ့အရင်းက ကျပ်သိန်းတစ်သောင်းခွဲလောက် ဖြစ်သွားမယ်။ ဒီတော့ ၀ယ်ပြီးရင်တော့ ပတ်ကား စာချုပ်ထွက်ဖို့ အခွန်စည်းကြပ်မှု မလုပ်နိုင်ဘူး။ ဒါကြောင့် GP နဲ့ပဲ ချုပ်ကြတာပေါ့” ဟု ၀ါရင့် အကျိုးဆောင် တစ်ဦးက ပြောကြားသည်။

မန္တလေးတိုင်းဒေသကြီးတွင် အိမ်ခြံမြေ စည်းကြပ်မှုမှ ဘဏ္ဍာနှစ်အလိုက် ကောက်ခံရရှိငွေမှာ ၂၀၁၁-၂၀၁၂ ခုနှစ်တွင် ၁၅ ဘီလျံ၊ ၂၀၁၂-၂၀၁၃ ခုတွင် ၂၁ ဘီလျံ၊ ၂၀၁၃-၂၀၁၄ ခုနှစ်တွင် ၁၁ ဘီလျံ၊ ၂၀၁၄-၂၀၁၅ ခုတွင် ၃၈ ဘီလျံနှင့် ၂၀၁၅-၂၀၁၆ ခုနှစ်တွင် ၇၆ ဘီလျံ ရရှိခဲ့ကြောင်း အခွန်ဌာန မှတ်တမ်းများအရ သိရှိရပြီး လတ်တလောတွင် အခွန်နှုန်းထားသစ်ကြောင့်အခွန်ပေးဆောင်မှု လျော့ကျလျက်ရှိကြောင်း သိရသည်။

Credit: Eleven Media Group