နိုင်ငံခြားသားများကို တရားမ၀င်အခန်းငှားစားနေသူများအား ဂျပန်အာဏာပိုင်တို့ ဖမ်းဆီး

ဂျပန်နိုင်ငံ၊ မြို့ပြပြန်လည်မွေးဖွားမှုအေဂျင်စီ (UR) သည် နေအိမ်ခန်းများကို နိုင်ငံခြားသားများသို့ ခဏတာတည်းခိုရန်အတွက် ငှားရမ်းနေကြသူများအား ဖမ်းဆီးအရေးယူလိုက်ကြောင်း တိုကျိုအခြေစိုက် သတင်းဝက်ဘ်ဆိုက်တစ်ခုတွင် ဖော်ပြသည်။

UR ၏ ထုတ်ပြန်ချက်အရ လူနေအိမ်ခန်းပေါင်း ၈၀ ခန့်သည် နိုင်ငံခြားသားများကို တရားမ၀င်အခကြေးငွေယူကာ ငှားရမ်းလျက်ရှိကြောင်း တွေ့ခဲ့ရသည်ဟု ဆိုသည်။

• 

အဆိုပါလူနေခန်းများမှာ UR မှ ပိုင်ဆိုင်သော အခန်းများဖြစ်ပြီး အငှားအိမ်ရာများ ဖြစ်ကြသည်။
အဓိကအားဖြင့် တွေ့ရှိခဲ့ရသည်မှာ တိုကျိုနှင့် အိုဆာကာမြို့ကြီးများရှိ UR ပိုင် အငှားအိမ်ရာများတွင် ဖြစ်သည်။

နိုင်ငံခြားသားများစွာသည် လက်ဆွဲအိတ်များဖြင့် အ၀င်၊ အထွက်များပြားနေကြောင်း သတင်းပေးပို့မှုများ မြင့်တက်လာရာမှ ယခုကဲ့သို့ ဖော်ထုတ်တွေ့ရှိခဲ့ခြင်းဖြစ်သည်ဟု ဆိုသည်။

UR ၏ အငှားစည်းမျဉ်းတွင် လက်လွှဲထပ်ဆင့်ငှားရမ်းခြင်းများ မပြုလုပ်ရဟူသော စည်းမျဉ်းပါဝင်သည်ဟု ဆိုသည်။
ယင်းစည်းမျဉ်းအရ UR အနေဖြင့် အငှားချထားမှုကို ဖျက်သိမ်းပြီး အိမ်ငှားဖြစ်သူကို ထွက်ခွာပေးရန် ညွှန်ကြားနိုင်ခွင့် ရှိသည်။

နေအိမ်မှ ထွက်ခွာပေးရန် ငြင်းဆန်ပါက အိမ်ငှားခ တစ်လခွဲစာ ငွေပမာဏ ဒဏ်ကြေးငွေ ပေးဆောင်ရဖွယ်ရှိသည်။
URမှငှားရမ်းသော နေအိမ်များသည် ပြင်ပပေါက်ဈေး
အတိုင်းဖြစ်သော်လည်း အာမခံမည့်သူ၊ အာမခံစပေါ်ငွေ၊ ပွဲစားခတို့ ကုန်ကျခြင်း မရှိချေ။

Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)