ရွှေဈေး ရှစ်သိန်းကျော်မှာပဲ ဆက်ရှိနေနိုင်

ပြည်တွင်းရွှေဈေးကတော့ သည်ရက်ပိုင်းတွေမှာ တစ်ကျပ်သားကို ကျပ် ၈၀၀,၀၀၀ ကျော်မှာပဲ ရှိသေးတယ်လို့ သိရပါတယ် ။

သည်ရက်ပိုင်းတွေမှာ ကမ္ဘာ့ရွှေဈေးရော ဈေးအမြင့်နဲ့ပဲ ၁၀ ရက်ကျော်အထိ ရှိနေခဲ့တာပါ ။ သည်တစ်ပတ်ထဲမှာလည်း ဈေးအမြင့်နဲ့ပဲ ဆက်ရှိနိုင်သေးတယ်လို့ ဈေးကွက်ကျွမ်းကျင်သူတချို့က ပြောပါတယ် ။

• 

ရွှေဈေးကွက် ကျွမ်းကျင်သူတစ်ဦးက ‘ရွှေဈေးက ဒီရက်ပိုင်းတွေမှာ ဈေးဆက်မာနေဦးမှာပဲ ၊ ဈေးပြန်ကျရင်တောင် နည်းနည်းကြာဦးမယ် ၊ ဒီရက်ပိုင်းတွေမှာ ဈေးပြန်ဆင်းတဲ့ရက်ရှိပေမဲ့ နည်းနည်းပဲ သိပ်မသိသာဘူး ၊ ကမ္ဘာ့ဈေးဆို ဒီနေ့ဈေးဆင်းတယ် ငါးဒေါ်လာ ၊ ခြောက်ဒေါ်လာလောက် မနက်ပိုင်းပြောတာ ၊ နေ့လယ်နဲ့ အပိတ်ဈေးဘယ်လိုပြောင်းမလဲ မသိသေးဘူး ၊ ပြည်တွင်းဈေးကတော့ မာနေတုန်းပဲ’လို့ ဈေးကွက်အခြေအနေကို ပြောပါတယ် ။

တချို့ကတော့ ရွှေဈေးကိုဈေးပြန်ဆင်းနိုင်ခြေရှိတယ်လို့ ခန့်မှန်းသုံးသပ်ထားပါတယ် ။သည်နေ့မှာ ဒေါ်လာဈေးရော ကမ္ဘာ့ရွှေဈေးကပါ ဈေးကျပေမဲ့ ပြည်တွင်းရွှေဈေးကတော့ ဈေးမကျဘူးလို့ ပြောပါတယ် ။

သည်တစ်ပတ်မှာ ကမ္ဘာ့ရွှေဈေးက တစ်အောင်စကို ဒေါ်လာ ၁၃၅၀ အထိ ဈေးတက်ခဲ့ပေမဲ့ ဒီနေ့တော့ ၁၃၄၄ ဒေါ်လာနဲ့ ဈေးဖွင့်ခဲ့တာဖြစ်တယ်။ ပြည်တွင်းရွှေဈေးကတော့ တစ်ကျပ်သားကို ကျပ် ၈၂၄,၂၀၀ ရှိခဲ့ပြီး သည်နေ့မှာ ကျပ် ၈၂၂,၀၀၀ ဖြစ်ပါတယ် ။ ဈေးကွက်ကျွမ်းကျင်သူတချို့ရဲ့ ပြောပြချက်အရ ပြည်တွင်းရွှေဈေးက ပြန်ဆင်းတဲ့အခါ ကြာတတ်တယ်လို့ သိရပါတယ် ။ဒေါ်လာဈေးကတော့ သည်နေ့မှာ တစ်ဒေါ်ကို ၁၁၆၈ ကျပ်ဖြစ်ပါတယ် ။

Credit: The Modern