ဆော်ဒီအာရေးဘီးယားတွင် လူနေ အိမ်ဆောက်လုပ်ခြင်းမရှိသည့် မြေလွတ်များကို နှစ်စဉ် အခွန်ကောက်တော့မည်

ဆော်ဒီအာရေးဘီးယားတွင် ဈေးနှုန်းမျှတအိမ်ရာများနည်းပါးနေမှုကိုကိုင်တွယ်ဖြေရှင်းနိုင်ရန် ရည်ရွယ်၍ လူနေအိမ် ဆောက်လုပ်ခြင်းမရှိသည့်မြေလွတ်ပိုင်ရှင်များကိုမြေတန်ဖိုး၏ ၂ ဒသမ ၅ ရာခိုင်နှုန်း ပမာဏနှစ်စဉ် အခွန်ကောက်တော့မည်ဖြစ်ကြောင်းဆော်ဒီ အစိုးရကထုတ်ပြန်လိုက်သည်ဟုအရှေ့အလယ်ပိုင်းအခြေစိုက် အိမ်ခြံမြေသတင်းဝက်ဘ်ဆိုက်တစ်ခုတွင် ဖော်ပြသည်။

• 

ဆော်ဒီအစိုးရ၏ ထုတ်ပြန်ချက်တွင် မြေလွတ်များကိုအခွန်ကောက်မည့်အပြင် နိုင်ငံခြားရင်းနှီးမြှုပ်နှံသူတို့ကိုလက်လီ၊ လက်ကားစီးပွားရေး လုပ်ငန်းများအားရာနှုန်းပြည့်ပိုင်ဆိုင်ခွင့် ပေးတော့မည်ဖြစ်ကြောင်းလည်းထုတ်ပြန်ထားသည်။

ယခင်ကနိုင်ငံခြားရင်းနှီးမြှုပ်နှံသူတို့ကို ၇၅ ရာခိုင်နှုန်းသာပိုင်ဆိုင်ခွင့်ပေးခြင်း ဖြစ်သည်။
လူနေရန် (သို့မဟုတ်) စီးပွားရေးလုပ်ငန်းများလုပ်ကိုင်ရန် သင့်လျော်ကာ အကျယ်အ၀န်း စတုရန်းမီတာ ၅၀၀၀ (စတုရန်းပေ ၅၃၈၁၉) နှင့်အထက် ကျယ်ဝန်းသည့် မြေနေရာများကိုမြေလွတ်အဖြစ်ထားရှိသည့် ပိုင်ရှင်များကို နှစ်စဉ်မြေတန်ဖိုး၏ ၂ ဒသမ ၅ ရာခိုင်နှုန်းအခွန်ဆောင်စေမည် ဖြစ်သည်။

အခွန်ကောက်ခံရန် သတ်မှတ်လိုက်မှုကြောင့် မြေပိုင်ရှင်များအနေဖြင့် ရောင်းထုတ်လာပါကdeveloperတို့အတွက် အရောင်းဈေးကွက်တွင် အိမ်ရာဆောက်လုပ်နိုင်မည့် မြေယာများရရှိလာစေရန် ရည်ရွယ်ခြင်းလည်း ဖြစ်သည်။
ဆော်ဒီအစိုးရသည် ကမ္ဘာ့ရေနံဈေးနှုန်းများကျ ဆင်းနေချိန်တွင်တိုင်းပြည်စီးပွားရေးဖွံ့ဖြိုးမှုအတွက် နိုင်ငံခြားရင်းနှီးမြှုပ်နှံမှုများကိုပိုမိုဆွဲဆောင်နိုင်ရန် ရည်ရွယ်ခြင်းလည်း ဖြစ်သည်။

Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)