မြို့ရွာနှင့် အိုးအိမ်ဖွံ့ဖြိုးရေးဦးစီးဌာနက တည်ဆောက်တဲ့ ဈေးတွေ ရန်ကုန်မြို့တော်စည်ပင်ခန့်ခွဲမှုအောက်မှာ ထားရှိမည်

မြို့ရွာနှင့် အိုးအိမ်ဖွံ့ဖြိုးရေးဦးစီးဌာနက တည်ဆောက်တဲ့ ဈေးတွေကိုရန်ကုန်မြို့တော် စည်ပင်သာယာရေးကော်မတီ ဈေးများဌာနစည်ပင်ခန့်ခွဲမှု အောက်မှာ ထားရှိမယ်လို့ ဒုတိယအကြိမ်ရန်ကုန်တိုင်းဒေသကြီးလွှတ်တော်မှာ အတည်ပြုပါတယ်။

• 

လှိုင်သာယာမြို့နယ် မဲဆန္ဒနယ်အမှတ်(၁) လွှတ်တော်ကိုယ်စားလှယ်ဦးဝင်းမောင် (ခ) ဦးဦးဝင်းမောင်က တိုင်းဒေသကြီးအတွင်း ရှိ် မြို့ရွာနှင့် အိုးအိမ်ဖွံ့ဖြိုး ရေးဦးစီးဌာနက တည်ဆောက်တဲ့ဈေးများကို ရန်ကုန်မြို့တော်စည်ပင်သာယာရေးကော်မတီ ဈေးများဌာနစီမံခန့်ခွဲ မှုအောက်မှာ ထားရှိပြီး ဈေးများအင်္ဂါရပ်နဲ့ အညီ အဆင့်မြှင့်တင်ပေးပါရန် ရန်ကုန်တိုင်းဒေသကြီး အစိုးရအဖွဲ့ကို တိုက်တွန်းတဲ့အဆိုကို မေလ (၂၆)ရက်နေ့က တင်သွင်းခဲ့ပါတယ်။

သည်အဆိုကို လွှတ်တော်ကိုယ်စားလှယ်ရှစ်ဦးက ထောက်ခံဆွေးနွေးခဲ့ပြီး မြို့ရွာအိုးအိမ်ဖွံ့ဖြိုးရေးဦးစီးဌာနက တည်ဆောက်တဲ့ ဈေးများကို ရန်ကုန်မြို့တော်စည်ပင်သာယာရေးကော်မတီ ဈေးများဌာနစီမံခန့်ခွဲမှု အောက်မှာ ထားရှိဖို့ သည်လ ၂ရက်နေ့က ကျင်းပတဲ့ ဒုတိယအကြိမ် ရန်ကုန်တိုင်းဒေသကြီးလွှတ်တော်မှာ အတည်ပြုပါတယ်။

သန့်ရှင်းရေး၊လုံခြုံရေး၊ပျံကျဈေး သည်တွေကြောင့်လမ်းပိတ်ဆို့တာတွေ၊ပတ်ဝန်းကျင် ညစ်ညမ်းတာတွေ၊ဈေးဥပဓိရုပ်မကောင်းတာတွေစတဲ့ အချက်တွေကို ပြုပြင်ဖို့နဲ့ အဆင့်မြှင့်တင်ပြီးကုန်တိုက် ၊စားသောက်ဆိုင်အပန်းဖြေနေရာစသည့်ဖြင့် တစ်နေရာတည်းမှာဝန်ဆောင်မှုပေးနိုင်တဲ့ နိုင်ငံတကာအဆင့်မီဈေးတွေကို ၂၄ နာရီဖွင့်လှစ်နိုင်တဲ့ ကုန်တိုက်ကြီးတွေအထိ အဆင့်မြှင့်တင်ဖို့ လွှတ်တော်ကိုယ်စားလှယ်တွေက ထောက်ခံအကြံပြုခဲ့ကြပါတယ်။

Credit : The Kumudra