၂၀၁၅အကုန်နှင့် အိမ်ခြံမြေဈေးကွက်အရွေ့
၂၀၁၅ ခုနှစ်ကုန်၍ ၂၀၁၆ခုနှစ်သို့ ကူးပြောင်းတော့ မည်။ နှစ်ဟောင်းကုန်၍နှစ်သစ်ကူးပြောင်းပြီး နှစ်လခန့် အကြာမှာပင် အစိုးရသစ်ကပြောင်းလဲ အုပ်ချုပ်တော့မည်ဖြစ်သည်။ အစိုးရသစ်လက်ထက်တွင် မူဝါဒသစ်များ၊ဥပဒေသစ်များလည်း ပေါ်ထွန်းလာ မည်ဖြစ်ရာ မြန်မာပြည်လူထုအနေဖြင့် အစိုးရသစ်၊ လူသစ်၊ မူဝါဒသစ်များဖြင့် ထပ်မံခရီးဆက်ကြရပေဦးမည်။
ပြည်သူများအားလုံးမျှော်လင့်နေသည့် နိုင်ငံရေးအပြောင်းအလဲကမကြာမီ ဖြစ်ပေးလာတော့မည်။ အစိုးရသစ်နှင့်အတူ စီးပွားရေးအခွင့်အလမ်းသစ်များ ဖြစ်ပေးလာရေးကိုလည်း ပြည်သူများကလိုလားနေသည်။ မြန်မာနိုင်ငံမှာ ယခင်အစိုးရ (စစ်အစိုးရ) လက်ထောက်က ပြည်ပနိုင်ငံများ၏ စီးပွားရေးပိတ်ဆို့မှုကိုခံခဲ့ရသည်။ လက်ရှိဦးသိန်းစိန်အစိုးရလက်ထက်တွင် ဥရောပနိုင်ငံများ၏ စီးပွားရေးဖြေလျှော့မှုကိုရရှိခဲ့သော်လည်း ယင်းမှာအနည်းငယ်သာဖြစ်ပြီး များစွာဖြည့်လျှော့မှုမရှိပေ။ သို့သော်နောင်တတ်လာမည့် အစိုးရသစ်လက်ထက်တွင် နိုင်ငံတကာ၏စီးပွားရေးပိတ်ပင်မှုများမှာ အလုံးစုံပြေလျှော့လာဖွယ်ရှိနေသည်။ အစိုးရသစ် လက်ထက်တွင် နိုင်ငံခြားရင်းနှီးမြှုပ်နှံမှုများ အလုံးအရင်းနှင့်ဝင်ရောက်လာမည်ဟု ခန့်မှန်းထားသည်။
မြန်မာနိုင်ငံတွင် ပြည်ပနိုင်ငံများအတွက် ရင်းနှီးမြှုပ်နှံရန်မှာ ကဏ္ဍများများစားစားမရှိဘဲ ၎င်းတို့၏ရင်းနှီးမြှုပ်နှံမှုထဲတွင် အိမ်ခြံမြေဈေးကွက်ကလည်း တစ်ခုအပါအ၀င်ဖြစ်လာနိုင်သည်။
၂၀၁၅ခုနှစ် ဒီဇင်ဘာ၉ရက်နေ့က ရန်ကုန်မြို့တော်တွင် စတင်ဖွင့်လှစ်ခဲ့သည့် စတော့အိတ်ချိန်းမှာလည်း မြန်မာနိုင်ငံမြေစမ်းခရမ်းပျိုးအဆင့်သာရှိသေးသည်။ စတော့အိပ်ချိန်းနှင့်စတော့ရှယ်ယာများ မြင့်တတ်လာပြီး အောင်မြင်မှုရရှိရန်မှာ အချိန်အတိုင်းအတာ တစ်ခုအထိ စောင့်ရအုံးမည်ဖြစ်သည်။ လက်ရှိပြင်ဆင်နေသည့် ကုမ္ပဏီများတွက်
ဥပဒေအတည်ပြုရန် ပြဌာန်းပြီးပါက ရန်ကုန်စတော့အိပ်ချိန်းဈေးကွက်သို့ နိုင်ငံခြားသားများဝင်ရောက်လာမည်။
အထူးသဖြင့် မကြာမီအတည်ပြုပြဌာန်းတော့မည့် Condominium Law အတည်ပြုထုတ်ပြန် လိုက်ပါက နိုင်ငံခြားသား များအတွက် မြန်မာနိုင်ငံအတွက်အိမ်ယာမြေ၀ယ်ယူနိုင်မှု ပြုလုပ်နိုင်တော့မည်ဖြစ်သည်။
နိုင်ငံခြားကုမ်္ပဏီတစ်ခု ပြည်တွင်းသို့ ၀င်ရောက်တော့မည်ဆိုလျှင် ပထမဦးဆုံးလိုအပ်မှုမှာ မြေနေရာနှင့်အဆောက်အဦးပင်ဖြစ်သည်။
အဆောက်အဦးပိုင်းနှင့်ပတ်သက်၍ ဂျပန်ကုမ်္ပဏီများက အစိုးရသစ်နှင့်ပူးပေါင်း၍ မြေနေရာသစ် ဖော်ထုတ်ခြင်း၊ အခြေခံ လူတန်းစားများအတွက် အိမ်ယာဖော်ထုတ်ရေးအစီအစဉ်အရ
လူနေတိုက်ခန်းများဆောက်လုပ်ပေးသွားရန် ပြင်ဆင်နေသည်ဟု သိရသည်။ ယင်းအပြင်
စင်္ကာပူကုမ္ပဏီများကလည်း မြန်မာနိုင်ငံ၏ဆောက်လုပ်ရေးများတွင် ရင်းနှီးမြှုပ်နှံမှုများပြုလုပ်သွား ရန်ပြင်ဆင်နေ သည်။ ယင်းအခြေအနေများနှင့်အတူ အစိုးရအသစ်၏အခွန်စည်းကျပ်ကောက်ခံမှု မူဝါဒသစ်များကြောင့် မြန်မာနိုင်ငံအိမ်ခြံမြေဈေးမှာ ပြန်လည် မြင့်တတ်လာဖွယ်ရာမရှိဟု တစ်ချို့ သုံးသပ်နေကျသော်လည်း အလုံးအရင်းဖြစ်ဝင်ရောက်လာမည့် နိုင်ငံခြားရင်နှီးမြှုပ်နှံမှုများကြောင့် မြန်မာ အိမ်ခြံမြေဈေးကွက်မှာ ၂၀၁၁-၂၀၁၃ ကာလများကဲ့သို့ ပြန်လည်မြင့်တတ်လာမည်မှာ
သေချာသလောက်ရှိနေသည်ဟု အိမ်ခြံမြေ အကျိုးဆောင်အများစုက ယုံကြည်နေကြသည်။
ဗီယက်နမ်၊ အင်ဒိုနီးရှား၊ ဖီလစ်ပိုင်နှင့် မလေးရှားနိုင်ငံတို့တွင် နိုငိငံခြားသားများ အိမ်ယာမြေ၀ယ် ယူနေထိုင်မှု ဥပဒေကြောင့်ပြည်တွင်းအိမ်ခြံမြေဈေးကွက်များမှာ မြင့်တတ်လာခဲ့ရသည်။
ဖိလစ်ပိုင်နှင့်မလေးရှားနိုင်ငံတို့ဆိုလျှင် အိမ်ခြံမြေဈေးတတ် လာမှုကြောင့် အစိုးရကပင်ဝင် ထိန်းခဲ့ရသည်။ မြန်မာနိုင်ငံ၏ အိမ်ခြံဈေးမှာ ဒေသတွင်းနိုင်ငံများထဲတွင် ဈေးနှုန်းကြီးမားမှုရှိ နေဆဲဖြစ်သည်။
မြန်မာနိုင်ငံအထက်ပိုင်း မန်္တလေးမြို့နှင့်ပတ်ဝန်းကျင်ကိုကြည့်မည်ဆိုလျှင် အနာဂတ်ခရီးသွား စီမံကိန်းကြောင့် ဟိုတယ်လုပ်ငန်းများ ကျယ်ကျယ်ပြန့်ပြန့် လုပ်ဆောင်နိုင်ရေးအတွက် မြေနေရာဝယ်ယူထားမှုများရှိလာ၍လည်း အိမ်ခြံမြေဈေးမှာလှုပ်ခတ်လာမှုရှိသော်လည်း ပါးစပ်အပြောသာရှိပြီး တကယ်လက်တွေ့အရောင်းအ၀ယ်မှာ မြင့်တတ်မလာသေးပေ။
နိုင်ငံရေးအပြောင်းအလဲကြားကာလတွင် ၀ယ်လိုအားမရှိသလို ရောင်းချလိုသူများကလည်း အချိန်အခါနှင့် ဈေးနှုန်းကိုစောင့်နေသည့် ကာလဖြစ်သည်။ မြန်မာနိုင်ငံ၏ စီးပွားရေးမြို့တော်ဖြစ်သည့် ရန်ကုန်မြို့မှာ လူဦးရေထူထပ်များပြားမှုရှိပြီး ယင်းအထဲတွင် အခြေခံလူတန်းစားများ အများအပြားပါဝင်နေသည်။ ထိုပြင်အိမ်ယာမဲ့များပြားမှု ပြဿနာကိုလည်း လက်ရှိအစိုးရ လက်ထက်တွင် ဖြေရှင်းနိုင်မှုမရှိသလို နောင်တတ်လာမည့်အစိုးရသစ်၏ ငါးနှစ်တာသက်တမ်းကာလတွင်လည်း ဖြေရှင်းပေးနိုင်ရန်မှာ လွယ်ကူမည်မဟုတ်သေးပေ။
ရန်ကုန်မြို့၏လူဦးရေမှာ နှစ်စဉ် ၂ ဒသမ ၆ရာခိုင်နှုန်းအထိ တိုးများလာနေရာ အိမ်ယာမြေ လိုအပ်ချက်က ဆက်လက် မြင့်တတ် နေဦးမည်ဖြစ်သည်။ ထိုကဲ့သို့အခြေအနေများတွင် နိုင်ငံရင်းနှီးမြှုပ်နှံမှုများကြောင့် အိမ်ခြံမြေဈေးကြီးမြင့်မှုနှင့် ဆက်လက်ကြုံတွေ့နေရဦး မည်ဖြစ်သည်။ စစ်အစိုးရအုပ်ချုပ်မှုအပြီး အရပ်သားအစိုးရလက်ထက်တွင်
စီးပွားရေးလုပ်ငန်းရှင်များ ခရိုနီများနှင့်အစိုးရပိုင်နှင့် ဆက်နွယ်ပတ်သက်သူများကငွေမည်းကို ငွေဖြူလုပ်ရန်အတွက် အိမ်ခြံမြေဘက်တွင် ရင်နှီးမြှုပ်နှံခဲ့ကြ၍ ယင်းကာလက မြန်မာအိမ်ခြံ ဈေးကွက်မှာ ဒေသတွင်းနိုင်ငံများထဲတွင် အမြင့်ဆုံးအထိပင်ဖြစ်ခဲ့ရသည်။ ယနေ့အချိန်အခါတွင် စတော့အိပ်ချိန်းဈေးကွက်ကလည်း ပေါ်ပေါက်လာပြီဖြစ်၍ စီးပွားရေးလုပ်ငန်းရှင်များအနေဖြင့် စတော့အိပ်ချိန်းဘက်သို့ ခြေဦးလှည့်လာမည်ဖြစ်သော်လည်း အိမ်ခြံမြေဘက်တွင် ရင်းနှီးမြှုပ်နှံမှုကိုဖြင့်
ပစ်ပယ်၍ရမည်မဟုတ်ပေ။ ၂၀၁၅ခုနှစ် တစ်နှစ်ပတ်လုံးအေးဆေးသည့် မြန်မာအိမ်ခြံမြေဈေးကွက်မှာ
နိုင်ငံရေးအရွေ့နဲ့အတူ စီးမျှောလိုက်ပါရင်း ၂၀၁၆နှစ်ဦးပိုင်းမှာပင် ပြန်လည်ဦးမော့နိုင်ဖွယ်ရှိနေသည်ဟု သုံးသပ်ရေးသားလိုသည်။
မင်းဝဿန် မှ iMyanmarHouse.com အတွက် အထူးရေးသားဖော်ပြသည်။
Credit: iMyanmarHouse.com
