တရားမမှုများတွင် လိုက်နာဆောင်ရွက်ရမည့် အချက်အလက်များအကြောင်း ဥပဒေဗဟုသုတအနေဖြင့် ရေးသားဖော်ပြပေးလိုက်ပါသည်။

တရားမမှု၊ ပြစ်မှုဟူ၍ အမှုအမျိုးအစား (၂)မျိုးရှိပါသည်။ လူတစ်ဦးတစ်ယောက် အဖွဲ့အစည်းတစ်ရပ် ရပ်ကို နစ်နာဆုံးရှုံးမှု တစ်စုံတစ်ရာ ဖောက်ဖျက်ကျူးလွန်ခဲ့လျှင် ထိုသူအား ပြစ်မှုကြောင်းဖြင့် တရားစွဲဆိုခြင်း ပြုနိုင်ပြီး အမွေဆက်ခံရေး၊ ပစ္စည်းပိုင်ဆိုင်ခွင့်၊ ဂုဏ်သိက္ခာပိုင်း နစ်နာမှုနှင့် သက်ဆိုင်သော ကိစ္စရပ်များတွင် တရားမမှုဖြင့် တရားစွဲဆိုခြင်း ပြုရမည်ဖြစ်ပါသည်။

ပြစ်မှုများတွင် ထိခိုက်နစ်နာသူ ကိုယ်စားနိုင်ငံတော်မှ တရားလိုပြု၍ တရားစွဲဆိုနိုင်ပြီး တရားမမှုများတွင်တော့ နစ်နာဆုံးရှုံးသူ ကိုယ်တိုင်မှ တရားလိုပြုလုပ်ကာ ရုံးခွန်ထမ်းဆောင်၍ ၎င်းသက်သာခွင့်ကို တောင်းဆိုမှု ပြုရမည်ဖြစ်ပါသည်။ တရားမမှုများတွင် နစ်နာသူမှာ ၎င်း၏ ရှေ့နေမှတဆင့် အမှုဖြစ် အကြောင်းချင်းရာအား အဆိုလွှာ ရေးသားတင်သွင်းရမည် ဖြစ်ပါသည်။

တရားမကျင့်ထုံးဥပဒေ အမိန့် - ၆ တွင် အဆိုအချေနှင့် သက်ဆိုင်သည်များကို ဖော်ပြထားပြီး အဆိုလွှာ ရေးသားရာတွင် အမိန့်- ၇ ၊ ချေလွှာ ရေးသားရာတွင် အမိန့်- ၈ နှင့်အညီ လိုက်နာရမည်ဖြစ်ပါသည်။

အဆိုအချေများတွင် အမှုတွင် အဓိကကျသည့် အကြောင်းအရာများကို ဖော်ပြရမည်။ အရေးမကြီးသော အကြောင်းအရာများကို ဖော်ပြရန်မလိုပါ။ အဆိုအချေ၌ အကြောင်းချင်းရာကိုသာ ထုတ်ဖော်ရေးသားရမည်။ ဥပဒေများကို ဖော်ထုတ်ရေးသားရန် မလိုပါ။ (အေ၊အိုင်၊အာ ၁၉၅၂၊ တရားလွှတ်တော်ချုပ် ၄၇) တရားမမှုများ၌ အဆိုအချေအား စေ့စပ်သေချာ မှန်ကန်စွာဖြင့် လိုရင်းတိုရှင်း ဖော်ပြရမည်။ အားကိုးအား ထားပြုရန်ရှိသော စာရွက်စာတမ်း အထောက်အထားများကို ဖော်ပြရမည်ဖြစ်သော်လည်း သက်သေခံများကို ထင်ရှားပြရန် မလိုသေးပါ။တရားပြိုင်အား နစ်နာကြေး တောင်းဆိုသော အဆိုလွှာတွင် တရားပြိုင်၏ မည်သည့် လုပ်ဆောင်ချက်၊ ပျက်ကွက်ချက်ကြောင့် တရားပြိုင်တွင် မည်သို့တာဝန်ရှိကြောင်း မြင်သာအောင် ဖော်ပြရမည်။ တရားပြိုင်၏ ချေလွှာတွင်လဲ မိမိတွင် တာဝန်မရှိကြောင်း ချေဆိုရုံဖြင့် မလုံလောက်ပါ မိမိတွင် မည်သည့်အတွက် ကြောင့် တာဝန်မရှိကြောင်း အချက်အလက်များဖြင့် သေချာတွင် ငြင်းဆိုမှုပြုရမည်။ တရားပြိုင်မှလဲ ချေလွှာတွင် တရားမကျင့်ထုံး အမိန့်-၈ နည်း၃ ၊၄ ၊၅ အရ တိကျစွာ ငြင်းဆိုရမည်။

အမှုပုံစံပေါ်မူတည်၍ အဆိုလွှာတွင် အရေးကြီးဖော်ထုတ်ရမည့် အချက်များနှင့် ချေလွှာတွင်ငြင်းဆိုရမည့် အချက်များ ကွဲပြားမည် ဖြစ်ပါသည်။ အဆိုလွှာတွင် အရေးကြီး အကြောင်းအရာ ကျန်ရှိနေပါကလဲ အဆိုလွှာ ပြင်ဆင်ခွင့် တောင်းခံရမည်ဖြစ်ပါသည်။

တရားရုံးမှာ အဆိုလွှာအား တိကျစွာ ရေးသားဖော်ပြထားခြင်းမရှိသော၊ အသရေပျက်စေသော၊ အနှောက် အယှက်ဖြစ်စေသော၊ တရားစီရင်ရေးအား ကြံ့ကြာစေသော မည်သည့်အကြောင်းအရာကိုမဆို အဆိုလွှာ ပြင်ဆင် စေခြင်း၊ ထုတ်ပယ်ရန်၊ ပြင်တင်ရန် အမိန့်ချမှတ်ခြင်းပြုနိုင်ပါသည်။ အဆိုလွှာအား လိုက်နာပြင်ဆင်မှုမရှိပါက တရားမကျင့်ထုံးအမိန့်- ၇ ၊ နည်း- ၁၁ အရ အဆိုလွှာအား တရားရုံးမှ ပယ်ခြင်းပြုနိုင်ပါသည်။ အဆိုလွှာ၊ အချေလွှာ တင်သွင်းပြီးဖြစ်ပါက ထိုအချက်အလက်များနှင့် မညီညွတ်သော ကိစ္စရပ်များ၊ စွပ်စွဲချက်များအား အမူသည်များမှ ပြုလုပ်ခွင့်မရှိကြောင်း (အေ၊အိုင်၊အာ ၁၉၄၃၊ လာဟို ၁၅၉) ဥပဒေဗဟုသုတအနေဖြင့် ရေးသား ဖော်ပြပေးလိုက်ပါသည်။

လူကြီးမင်းတို့ဝေဝါးနေတဲ့ ဥပဒေဆိုင်ရာမေးခွန်းများကို အိမ်ခြံမြေဥပဒေအကြံပေးရှေ့နေများမှ အပတ်စဉ် တနင်္ဂနွေနေ့ည ၇ နာရီတိုင်းမှာ မြန်ဆန်မှန်ကန်တိကျစွာဖြင့် ဖြေကြားပေးသွားမှာဖြစ်လို့.....မေးမြန်းတိုင်ပင်လိုသမျှ iMyanmarHouse Page Message Box နဲ့ အောက်ဖော်ပြပါ Link မှာ မေးမြန်းနိုင်ပါကြောင်း လက်တို့လိုက်ပါစေ။

မေးခွန်းပေးပို့ရန် Link ➡

https://www.imyanmarhouse.com/property-questions-answers-ask

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

iMyanmarHouse.com ၏ ဥပ​ဒေအကြံ​ပေး ပညာရှင်​အဖွဲ့ မှ အထူးရေးသားဖော်ပြသည်။

Credit: iMyanmarHouse.com