သိကြားမင်းတားရင်တောင်မရနိုင်တဲ့ လောဘတွေ

သင်္ကြန်ကာလအတွင်းမှာ သန်လျင်ဖားအောက်တောရရိပ်သာ တရားစခန်းဝင်နေတာမို့ မိတ်ဟောင်းမိတ်ဆွေသစ်တွေနဲ့ အဆက်ဖြတ်သွားပါတယ်။ သင်္ကြန်းရက်မှာတော့ ဘယ်သူမှ အရောင်းအဝယ် လုပ်ကြမှာ မဟုတ်ပါဘူးလို့ စိတ်ကို ဖြေသိမ့်လိုက်မှ တရားအပေါ် အာရုံစူးစိုတ်ပြီသမာဓိကို ထူထောင်နိုင်လာပါတယ်။ စာရေးသူလိုပဲ အခြားသူတွေလည်း တရားနဲ့ မွေ့လျော်ပြီး ဆိတ်ငြိမ်ရာအရပ်မှာလာပြီး အေးချမ်းစွာ တရားရှုမှတ်နေကြပါတယ်။

သိကြားမင်းတားရင်တောင် မဖျက်နိုင်တဲ့ လောဘတွေ

အဲ…နှစ်ဆန်းတစ်ရက်နေ့မှာတော့ အားလုံးနီးပါး ပြန်ကုန်ကြပါတယ်။တရားနဲ့ နေရတာ စိတ်ချမ်းသားလွန်းလို့ တစ်ရက်လောက်တိုးပြီး တရားအားထုတ်ကြပါဦးလို့ သိကြားမင်းက ဆင်းတားရင်တောင် နေချင်ကြမှာ မဟုတ်ဘူးလို့ ထင်ပါတယ်။ပုထုဇဉ်လူသားတို့သဘာဝ ၊ သားရေး၊ သမီးရေး ၊ စီးပွားရေးတို့နဲ့သာ ပျော်မွေ့နေကြသူတွေ ဖြစ်နေလေတော့ လောဘ၊ ဒေါသ ၊ မောဟတရားတွေ ပယ်သတ်နိုင်ပါက ချမ်းသာသုခအမြိုက် နိဗ္ဗာန်အထိရောက်မှန်းသိရင်လည်း အားမထုတ်ချင်ကြဘူး။ အကြောင်းအမျိုးမျိုးပြပြီး ရိပ်သာမှ ပြန်ထွက်ပြန်ထွက်ခဲ့ကြတယ်။

လိုချင်မှု(လောဘ)နဲ့ မလိုချင်မှု (အလောဘ)တို့ အားပြိုင်ခန်း

စာရေးသူလည်း တစ်ရက်လောက်ပိုပြီးအားထုတ်နိုင်ရင် တစ်ရက်အပူပိုငြိမ်းတာပဲဆိုတဲ့ “ ဇွဲ ” နဲ့ တစ်ရက်ပိုပြီး အားထုတ်လိုက်ပါသေတယ်။ ဒါပေမဲ့ နှစ်ဆန်း (၂) ရက်နေ့ ရောက်တယ်ဆိုရင်ပဲ ကောင်းကောင်းအားထုတ်လို့ မရတော့ပါဘူး။ မိတ်ဟောင်းဆွေဟောင်းတွေက အိမ်ခြံမြေတိုက်ခန်းနဲ့ ပတ်သက်ပြီး သိချင်တာတွေ ဖုန်းဆက်လာကြပါတော့တယ်။

ဖုန်းဆက်သူတွေထဲမှာ “ မြေနဲ့အိမ်ဝယ်ဖို့ သွားကြည့်တဲ့အခါ ဂရန်မိတ္တူနဲ့ရောင်းတာဖြစ်လို့ ကိုယ့်အမည်ပေါက်ရအောင် ဘယ်လိုဆောင်ရွက်မှာလဲ ” လို့ မေးတဲ့သူလည်း ရှိတယ်။နောက်တစ်ဦးကတော့ ပဲခူးမြို့က ဆရာဝန်တစ်ယောက်ဖြစ်နေတယ်။ ပဲခူးမြို့နယ်လမ်းမကြီးဘေးက ဘိုဘွားပိုင်ခြံကြီးကို ရောင်းချလို့ အလုပ်လာအပ်တာပါ။ပိုင်ဆိုင်မှု စာချုပ်စာတမ်းတွေနဲ့ တိုက်အိမ်ပုံတွေကို Viber က ပို့လိုက်လို့ ကြည့်ရသေးတယ် ။အမြန်ရောင်းချင်နေတာဖြစ်မယ်။ စာရေးသူက ကြော်ငြာပြီး ပြန်ရောင်းပေးဖို့ အကူအညီတောင်းလာတာ ဖြစ်တယ်။ ဧကဝက်လောက်ရှိတဲ့ ခြံကျယ်ကြီးထဲမှာ (၂)ထပ်တိုက်ကြီး အပြည့်ဆောက်ထားတယ်။ ရောင်းဈေးက သိန်း (၈၀၀၀) တဲ့။

အလို… ။ သိန်းရှစ်ထောင်ရှိတဲ့ ခြံနဲ့တိုက်များ ရောင်းပေးနိုင်မယ်ဆိုရင် ပွဲစားခ ၂% ရာခိုင်နှုန်းရမှာဆိုတော့ အလိုလိုနေရင်း သိန်း (၁၆၀) ရမှာလေ။ ဘိုးဘိုးအောင်မတဲ့ကိန်းဆိုက်ပြီပေါ့။ ပုထုဇဉ်လောဘသားမို့ လိုချင်တဲ့စိတ်က တားမရဘူး။ ကလိကလိဖြစ်လာတယ်။ ကြိုးစားပြီး တရားအားထုတ်ကြည့်ပေမယ့် အာရုံထဲမှာ သိန်း (၁၆၀) ဆိုတဲ့ ငွေထုတ်င်္ကြိးက ခဏခဏပေါ်လာတယ်။

ဒါဆိုရင်တော့ ရိပ်သာထဲမှာ ဆက်ပြီး အားထုတ်လို့ မဖြစ်တော့ဘူး။ ပဲခူးက ဘိုးဘွားပိုင်ခြံကြီး အမြန်ရောင်းထွက်နိုင်ဖို့ အရေး မိတ်ဟောင်းမိတ်သစ်တွေနဲ့ အမြန်ဆုံး အဆက်အသွယ်လုပ်ပေးတော့မှ ဖြစ်မယ်ဆိုတဲ့ လောဘစိတ်နဲ့ ရိပ်သာက ထွက်ခဲ့ပါတော့တယ်။

အိမ်ရောက်တာနဲ့ နောက်တစ်ဦးက ဖုန်းဆက်လာပြန်ပါပြီ။ ကျွန်ပ်ရဲ့ မဟာအကျိုးဆောင်ကြီး “ ကိုဟန်စိုး ” ဖြစ်နေပါတယ်။သူရဲ့ မိတ်ဆွေက “ စမ်းချောင်းမြို့နယ်မှာ တိုက်ခန်းပထမထပ်ကို ဝယ်မယ်။ တန်ဖိုးက သိန်း (၂၅၀)နဲ့ ရမယ်တဲ့။ အဲဒါ တိုက်ခန်းဖိုး စရန်ငွေပေးတဲ့နေ့မှာ ရှေ့နေကြီး လိုက်ပါဆောင်ရွက်ပေးဖို့ အကြောင်းကြားတာပါလို့ ပြောပါတယ်။ဒီလိုသတင်းကောင်းတွေ ကြားရတော့ ဒါဟာ တရားအားထုတ်လိုက်တဲ့ အကျိုးကျေးဇူးတွေပဲလို့ ယုံကြည်မိပါတယ်။

ဒီလို အိမ်ခြံမြေတိုက်ခန်းစာချုပ်ပေးဖို့ ဖိတ်ခေါ်သံတွေ ကြားရတဲ့အခါ ဟန်ပင်မဆောင်နိုင်တော့ပါ။ဒါဘာကြောင့်လဲ။ လိုချင်မှုလောဘက နိုင်သွားလို့ပါ။ဒီတော့ ဂရန်မြေ ဝယ်ချင်သူကိုလည်း အခုလို ရှင်းပြရသေးတယ်။

ဂရန်မိတ္တူနဲ့ မြေနဲ့အိမ်ကို ဝယ်ချင်သူ

ဂရန်မိတ္တူကို ဝယ်တယ်ဆိုတာ (၄၀x၆၀)ပေ မြေကွက်ကို တစ်ဝက် (၂၀x၆၀)ပေ ခွဲဝေတာမျိုး ဖြစ်ရပါမယ်။ ဒါဆိုရင် ကျန်တစ်ဝက် (၂၀x၆၀)ပေ ခွဲဝယ်တာမျိုး ဖြစ်ရပါမယ်။ဒါဆိုရင် ကျန်တစ်ဝက် (၂၀x၆၀)ပေ ပိုင်သူနဲ့ (၂)ဦးပေါင်းပြီး ဂရန်အမည်ပေါက်ဖြစ်အောင် ပြန်လျှောက်ရတယ်။ အမည်ပေါက်မပြောင်းခင် ဂရန်အမည်ပေါက်ထဲက အထူးကိုယ်စားလှယ်လွဲ လျှောက်ရတယ်။ အမည်မပြောင်းခင် ဂရန်အမည်ပေါက်ထံက အထူးကိုယ်စားလှယ်လွှဲစာ ယူတာတို့၊ မြို့တော်ခန်းမမှာ အရောင်းမြေပုံကူးတာတို့၊ အခွန်ရုံးမှာ အခွန်ဆောင်တာတို့ ၊ မှတ်ပုံတင်အရောင်းအဝယ်စာချုပ် ချုပ်တာကိုလည်း အဆင့်ဆင့်လုပ်ရသေးတယ်။ ဂရန်မှာ နှစ်ဦးအမည်ပေါက်တော့မှ ဂရန်ခွဲလျှောက်ပြီး (၂၀x၆၀)ပေ မိမိအမည်ပေါက်ဂရန်တစ်အုပ်စီ ရတယ်လို့ ရှင်းပြပေးလိုက်ပါတယ်။

စမ်းချောင်းက တိုက်ခန်းသတင်းကလည်း အထူးအဆန်းပါလား

စမ်းချောင်းမှာ တိုက်ခန်းဝယ်မယ်ကိစ္စကလည်း စာချုပ်လိုက်ပေးဖို့ အဆင်သင့်ပြင်ဆင်ထားပေးမယ့် ပွဲစားကြီးထံက ဖုန်းပြန်ဆက်လာပါတယ်။ရောင်းမယ့်သူထံကို ကျွန်တော်တို့ ရှေ့နေခေါ်လာပြီး လာတွေ့မယ်၊ စာရွက်စာတမ်းတွေ အရင်ကြိုတင်စစ်ဆေးကြည့်မယ်။ခိုင်မာတယ်။ပြည့်စုံတယ်။ အရှုပ်အရှင်းကင်းတယ်ဆိုရင် စရန်ငွေလက်ချမယ်၊ ပြီးတော့ ကြေးမုံနဲ့ မြန်မာ့အလင်းသတင်းစာမှာ ကန့်ကွက်ရန်ရှိမရှိ (၁၄)ရက်ကြော်ငြာမယ်။ တစ်လပြည့်တဲ့နေ့မှာ ကျန်ငွေပေးချေးမယ်လည်းပြောရော ရောင်းသူက ခရီးလွန်နေတယ်။ခရီးကပြန်လာမှ ပြန်လည်ဆက်သွယ်မယ်ဆိုပြီး အဆက်အသွယ် ဖြတ်သွားတယ်လို့ ဆိုပါတယ်။

ကျွန်တော်တို့ အသေအချာ စုံစမ်းကြည့်တော့ အခုရောင်းမယ့်သူတွေက လွန်ခဲ့တဲ့ (၅)နှစ်လောက်ကထဲက အဲဒီတိုက်မှာ ငှားနေတဲ့ အိမ်ငှါးတွေတဲ့။ပိုင်ရှင်လို့အားလုံးက ထင်နေတဲ့အချိန်မှာ ဈေးလျှော့ရောင်းပြီး ထွက်သွားကြဖို့ အစီအစဉ်ရှိတယ် ကြားတာနဲ့ ကျွန်တော့်မိတ်ဆွေလည်း မဝယ်ရဲလို့ ပွဲဖျက်လိုက်တယ် အစ်ကိုရေ……လို့ အကြောင်းပြန်ပါတယ်။

ဟင်း…..သင်္ကြန်ကျော်ကာလ မျှော်လင့်ချက်တစ်ခုတော့ ပျက်သွားပြန်ပြီ။ ဂရန်၊ မိတ္တူ ၊ မြေနဲ့ အိမ်ဝယ်လိုသူ အလာကို စောင့်ရင်း ပဲခူးက ဘိုးဘွားပိုင်ခြံကြီး ရောင်းထွက်ဖို့အရေး မိတ်ဟောင်းမိတ်ဆွေတွေကို အသိပေးပြီး အမြန်ရောင်းထွက်နိုင်ဖို့အရေး ကြိုးစားရင် နားဦးမယ်…..

နှစ်သစ်မှာ မင်္ဂလာအပေါင်းနဲ့ပြည့်စုံကြပါစေ

Credit: လွှတ်တော်ရှေ့နေမောင်ကောင်းဖေ