ဗဟုသုတ | Posted by အေးမြတ်သူ
တစ်နေ့တွင် ကျောင်းနေဖက်မိတ်ဆွေဖြစ်သူ ဒေါ်မာလာညွန့် ရောက်ရှိလာပြီးသူမတို့မောင်နှမနှစ်ယောက်ပိုင် မြေကွက် တွင် လက်ရှိနေထိုင်သည့် တစ်ဖက်ခြမ်းအား တစ်ဦးတည်းအမည်ပေါက် ပြောင်းလိုကြောင်းနှင့် အစ်ကိုဖြစ်သူက သဘောမတူ၍ ပြောင်းမရသဖြင့် အကြံပေးပါရန်တောင်းခံလာသည်မို့ ညီအစ်ကိုမောင်နှမအမည်ပေါက်ဖြစ်၍ ရှုပ်စရာမရှိကြောင်းနှင့်အစ်ကိုလုပ်သူမှ သဘောမတူခြင်းကြောင့်လည်း နှစ်ဦးပူးတွဲ အမွေဆက်ခံပိုင်ဆိုင်ကြောင်း မှတ်ပုံတင်စာချုပ်မိတ္တူနှင့် စည်ပင်သာယာရေးကော်မတီ မြို့ပြစီမံကိန်းနဲ့ မြေစီမံခန့်ခွဲမှုဌာနက ဆောင်ရွက်ပေးမည်မဟုတ်ကြောင်း ပြောပြကာ သာဓကတစ်ခုအာ ပြောပြရပေသည် ။
“ အဲဒါနဲ့ ပတ်သက်ပြီး မာလာ့လိုပဲ နှစ်ဦးပူးတွဲအမည်ပေါက်ကနေပြီး တစ်ဦးက တစ်ဖက်သတ် အမည်ပြောင်းမိလို့ တရားမဝင်ဘဲ စာချွန်တော်အမိန့်နဲ့ ထုတ်ဆင့်ပယ်ဖျက်ခဲ့ဖူးတဲ့ သာဓက ရှိခဲ့တယ်လေ ”
“ အဲဒါကို ကိုယ်ပြောရရင်တော့ မြေကွက်ခွဲစိတ်ခွင့် လျှောက်ထားခြင်းနှင့် စပ်လျဉ်း၍ မြေစီမံခန့်ခွဲမှုနှင့်ေ မြတိုင်းတာခြင်းဆိုင်ရာ လုပ်ထုံးလုပ်နည်းများနှင့်အညီ သာ ဆောင်ရွက်ရမည်ဖြစ်ခြင်းကို “ ဦးလှမြင့်ဖူးနှင့် ဌာနမှူး ၊ မြို့ပြစီမံကိန်းနှင့် မြေစီမံခန့်ခွဲမှုဌာန ရန်ကုန်မြို့တော်စည်ပင်သာယာရေးကော်မတီပါ ၂ ၊ ၂၀၁၅ ခုနှစ် ၊ တရားမအထွေထွေလျှောက်ထားမှုအမှတ် ၈၂ ၊ ၂၀၁၆ ခုနှစ်၊ မြန်မာနိုင်ငံတရားစီရင်ထုံး ၊ စာ-၁၆၂ ” စီရင်ထုံးမှာ ရည်ညွန်းထားပါတယ် ”
“ အဓိကအားဖြင့် ပြောရရင် မြေကွက်ခွဲစိတ်ခြင်းနဲ့ စပ်လျဉ်းပြီး ၊ သတ်မှတ်သည့် ဧရိယာအတိုင်းအတာနှင့် လျှောက်ထားလိုသူဟာ မြေတိုင်းလျှောက်ထားစဉ် က တင်ပြခဲ့သော အထောက်အထားများအပြင် ၊ လိုအပ်သည့် စာရွက်စာတမ်းမူရင်းများကို တင်ပြရန်၊ မြေစီမံခန့်ခွဲမှုနှင့် မြေတိုင်းတားခြင်းဆိုင်ရာ လုပ်ထုံးလုပ်နည်းအပိုဒ် ၇ တွင် သတ်မှတ်ဖော်ပြထားပါတယ် ”
“ ရန်ကုန်မြို့တော်စည်ပင်သာယာရေးကော်မတီ ၊ မြို့ပြစီမံကိန်းနှင့် မြေစီမံခန့်ခွဲမှုဌာနသည် လျှောက်ထားသူနှင့်လျှောက်ထားခံရသူ အမှတ်(၂)တို့ ၊ နှစ်ဦးပူးတွဲအမည်ပေါက်လျက်ရှိသည့် အချင်းဖြစ် မြေကွက်ကြီး ဧရိယာ ၀.၄၅၄ ဧကတွင် အမှတ် ၉ အဆောက်အဦး တည်ရှိရာ ၊ မြေကွက်ဧရိယာ ၀.၃၂၃ ဧကကို လျှောက်ထားခံရသူ အမှတ် ၂ က ၄င်းတစ်ဦးတည်း အမည်ပေါက် လျှောက်ထားရန်အတွက် မြေကွက်ခွဲ ၊ မြေပုံကုးနှင့် မြေတိုင်းလျှောက်ထားခြင်းအပေါ် ၊ နှစ်ဦးပူးတွဲအမွေဆက်ခံပိုင်ဆိုင်ကြောင်း ၊ မှတ်ပုံတင်စာချုပ်မိတ္တူ ၊ နှစ်ဦးအမည်ပေါက်လွှဲပြောင်းခြင်းမှတ်တမ်း မိတ္တူတို့ဖြင့်သာ လက်ခံဆောင်ရွက်ပေးခဲ့ခြင်းသည် ၊ ဌာနဆိုင်ရာလုပ်ထုံးလုပ်နည်းများနှင့်အညီ လိုက်နာဆောင်ရွက်ခဲ့ခြင်း မရှိကြောင်း မြင်သာပါတယ် ”
“ ရန်ကုန်မြို့တော် စည်ပင်သာယာရေးကော်မတီ ၊ မြို့ပြစီမံကိန်းနှင့် မြေစီမံခန့်ခွဲမှုဌာနသည် ဒေါ်မီမီမြင့်ဖူး လက်ရှိဖြစ်သည့်အပိုင်းကို ဦးလှမြင့်ဖူး၏ သဘောတူညီချက်မရရှိဘဲ နှစ်ဦးပူးတွဲအမည်ပေါက်မှ ဒေါ်မီမီမြင့်ဖူးတစ်ဦးတည်းအမည်ပေါက်အဖြစ် ၊ တစ်ဖက်သတ်မြေကွက်ခွဲဝေပေးခဲ့ခြင်းသည် ဥပဒေနှင့်ညီညွတ်မှုမရှိကြောင်း သုံးသပ်ခဲ့ပါတယ် ”
“ အမှုဖြစ်စဉ်မှာ ၊ ရန်ကုန်တိုင်းဒေသကြီး ၊ ဗဟန်းမြို့နယ် ၊ မြေတိုင်းရပ်ကွက် အမှတ် ၃၅ ဒီ ၊ မြေကွက်အမှတ် ၄၇ ဒီ/၁အေ ၊ ဧရိယာ ၀.၄၅၄ ဧကရှိ မြေသည် လျှောက်ထားသူ ဦးလှမြင့်ဖူးနှင့်လျှောက်ထားခံရသူ အမှတ် ၂ ဒေါ်မီမီမြင့်ဖူးတို့မှ မြန်မာဓလေ့ထုံးထမ်းနှင့်အညီ အမွေဆက်ခံပိုင်ဆိုင်ခဲ့ပြီး ရန်ကုန်မြို့ စာချုပ်စာတမ်း မှတ်ပုံတင်ရုံး၏ အမွေဆက်ခံပိုင်ဆိုင်ကြောင်း ကြေညာစာချုပ်အမှတ် ၂၉၄၃ /၂၀၁၄ အရ မှတ်ပုံတင်ထားကာ ရန်ကုန်မြို့တော်စည်ပင်သာယာရေးကော်မတီ ၊ မြို့ပြစီမံကိန်းနှင့် မြေစီမံခန့်ခွဲမှုဌာန ၏ ၁၈.၉.၂၀၁၄ ရက်စွဲဖြင့် ဦးလှမြင့်ဖူးနှင့် ဒေါ်မီမီမြင့်ဖူးတို့နှစ်ဦး ပူးတွဲအမည်ပေါက် ပြောင်းလဲပိုင်ဆိုင်ခွင့် ရရှိခဲ့ကြကြောင်း ၊ အဆိုပါ ပိုင်ဆိုင်မှု စာချုပ်စာတမ်းမူရင်းများကို ရန်ကုန်မြို့ ဝါးတန်းလမ်းရှိ မြဝတီဘဏ်၏ လော်ကာအမှတ် ဒီ , ၃၄၂ တွင် နှစ်ဦးအပ်နှံကာ ၊ သော့တစ်ချောင်းစီကိုင်ဆောင်၍ နှစ်ဦးသဘောတူပြီး နှစ်ဦးအတူတကွ ထုတ်ယူမှသာ ဘဏ်မှ ထုတ်ယူခွင့်ပြုရန် စီစဉ်ဆောင်ရွက်ခဲ့ပါတယ် ”
“ အဆိုပါ နှစ်ဦးပူးတွဲအမည်ပေါက်မြေကွက်ကြီးတွင် အမှတ် ၉ ၊ အဆောက်အဦး တည်ရှိရာ အပိုင်းကို ဒေါ်မီမီမြင့်ဖူးက လျှောက်ထားသူအား အသိပေး အကြောင်းကြားခြင်းမရှိဘဲ ၊ အမည်ပေါက်လျှောက်ထားရန်အတွက် မြေကွက်ခွဲ ၊ မြေပုံကူးနှင့် မြေတိုင်းလျှောက်ထားခဲ့ကြောင်းကို သတင်းစာကြော်ငြာပါမှ သိရှိရသဖြင့် ၊ လျှောက်ထားသူမှ အထောက်အထားစာရွတ်စာတမ်းများဖြင့် တင်ပြကန့်ကွက်ခဲ့ကြောင်း ၊ လျှောက်ထားသူမှလည်း မြေကွက်ခွဲ ၊ မြေပုံကူးနှင့် မြေတိုင်းခွင့်ပြုရန်လျှောက်ထားခဲ့ရာ ၊ အဆိုပါ မြေကွက် ၄၇၁-ဒီ/၁ အေသည် မြေစာရင်းတွင် ခွဲစိတ်ပြီးဖြစ်ကြောင်းကို ရန်ကုန်မြို့တော်စည်ပင်သာယာရေးကော်မတီ ၊ မြို့ပြစီမံကိန်းနှင့် မြေစီမံခန့်ခွဲမှုဌာနက ၂၉.၄.၂၀၁၅ ရက်စွဲဖြင့် အကြောင်းကြားစာပေးပို့လာကြောင်း ၊ နှစ်ဦးပူးတွဲအညီအမျှ ပိုင်ဆိုင်အကျိုးခံစားခွင့် ရှိသည်ကို ဆန့်ကျင်သွေဖီလှက် ၊ လျှောက်ထားသူ၏ ကန့်ကွက်မှုကို လျစ်လျူရှုကာ မြေကွက်များ ခွဲစိတ်ပြီးကြောင်း ၊ အကြောင်းကြားစာ ပေးပို့လာခြင်းသည် ဌာန၏ လုပ်ထုံးလုပ်နည်းမူဘောင်ကို ကျော်လွန်၍ တစ်ဖက်သတ် ဆောင်ရွက်ခဲ့ခြင်းဖြစ်သောကြောင့် ၊ အာဏပေး စာချွန်တော် အမိန့်ထုတ်ဆင့်ပေးသင့်ကြောင်း ဦးလှမြင့်ဖူးက လျှောက်ထားလာခြင်းဖြစ်ပါသည် ”
“ ထို့ကြောင့် ဤတရားမ အထွေထွေလျှောက်ထားမှုကို စရိတ်နှင့်တကွ ခွင့်ပြုပြီး ရန်ကုန်မြို့တော်စည်ပင်သာယာရေးကော်မတီ ၊ မြို့ပြစီမံကိန်းနှင့် မြေစီမံခန့်ခွဲမှုဌာန၏ ၁၀.၄.၂၀၁၅ ရက်စွဲပါရုံးတွင်အမိန့်အမှတ် ၁၄၈၁ /၂၀၁၅ ဖြင့် မြို့မြေစာရင်းတွင် ပြင်ဆင်မှတ်သားရန် ညွန်ကြားခြင်း အမ်ိန့်စာကို အာဏပိုင်မေး စာချွန်တော်အမိန့်ထုတ်ဆင့်ပယ်ဖျက်လိုက်ပါတယ် ”
“ အဲဒီဖြစ်စဉ်အတိုင်းကို နမူနာထားပြီး မာလာ့အနေနဲ့လည်း ၊ တစ်ဖက်သတ်မြေကွက်ခွဲဝေမှုကို အစ်ကိုဖြစ်သူ သဘောမတူဘဲနဲ့တော့ ၊ မဆောင်ရွက်ပါနဲ့ကွယ် ၊ အေးအေးဆေးဆေးနဲ့ ပြဿနာမဖြစ်ကြဘဲ ၊ မောင်နှမနှစ်ယောက်အတူ ယှဉ်တွဲနေသွားကြဖို့ကို တိုက်တွန်းပါရစေ ” ဟု အကြံပေးခဲ့ပါတော့သည် ။
Credit: ကြာညိုသင်း (ဥပေဒရေးရာအတိုင်ပင်ခံရှေ့နေ)
