ရှန်ဟိုင်းတွင် ကြိုပွိုင့်အိမ်ရောင်းအား ကျဆင်း

တရုတ်နိုင်ငံ၏ အဓိကအိမ်ခြံမြေဈေးကွက်ဖြစ်သော ရှန်ဟိုင်းတွင် ဇန်န၀ါရီလက ကြိုပွိုင့်အိမ်ရောင်းအားသည် ရှစ်လမြောက်ဆက်တိုက်လအဖြစ် အိမ်ခန်း ၁၁,၀၀၀ ၀န်းကျင်၌သာ ရှိခဲ့ပြီး အတန်အသင့်ကျဆင်းခဲ့သည်။

ပြီးခဲ့သည့်လက ကြိုပွိုင့်အိမ်ခန်း ၁၁,၈၀၀ ခန့် ရောင်းချခဲ့ရပြီး ဒီဇင်ဘာအောက်
၂ ဒသမ ၆ ရာခိုင်နှုန်း ကျဆင်းခဲ့ကြောင်း ရှန်ဟိုင်းအိုးအိမ်ညွှန်းကိန်းရုံးက ထုတ်ပြန်လိုက်သော ယခုနောက်ဆုံးအစီအရင်ခံစာတွင် ဖော်ပြချက်အရ သိရသည်။ သို့သော်လည်း ၎င်းရောင်းချရမှုပမာဏသည် ၂၀၁၇ ခုနှစ် ဇန်န၀ါရီထက်မူ ၃၆ ရာခိုင်နှုန်း မြင့်တက်လာခဲ့ခြင်း ဖြစ်သည်။

ဇန်န၀ါရီသည် အိမ်ခြံမြေရောင်းအား နည်းနေကျကာလဖြစ်သဖြင့် ယင်းသည် ဆိုးရွားသောအခြေအနေ မဟုတ်ကြောင်း၊ ဈေးကွက်သည် အနာဂတ်တွင် ပြန်လည်နာလန်ထူနိုင်ရန်အတွက် အဟုန်အချို့ စုဆောင်းရန် စတင်နေကြောင်း ပြသသော ညွှန်ပြချက်တစ်ရပ် ဖြစ်နိုင်ကြောင်းလည်း အထက်ဖော်ပြပါရုံးက ထုတ်ပြန်ခဲ့သည်။

ထို့အပြင် ရှန်ဟိုင်းမြို့တစ်ဝန်း နယ်မြေ ၁၃၀ တွင် တစ်လနှင့်တစ်လ ဈေးနှုန်းအပြောင်းအလဲများကို စစ်တမ်းကောက်လေ့လာသော ထိုအိုးအိမ်ညွှန်းကိန်းရုံးက ၎င်း ၁၃၀ နေရာအနက် ၂၃ နေရာတွင် ကြိုပွိုင့်အိမ်ဈေးများ မြင့်တက်ခဲ့ပြီး ၈၆ နေရာတွင် ကျဆင်းခဲ့ကာ ၂၁ နေရာတွင် ငြိမ်နေခဲ့ကြောင်းလည်း ထုတ်ပြန်ခဲ့သည်။

ရှန်ဟိုင်းမြို့တစ်ဝန်း မင်ဟန်ခရိုင်ရှိ ဖုကျန့်အရပ်၊ ဖူသုန်နယ်မြေသစ်ရှိ စံလင်းအရပ်နှင့် ချင်ဖူခရိုင်ရှိ ကျောင်ရှန်အရပ်တို့သည် ကြိုပွိုင့်အိမ်အရောင်းရဆုံး နေရာများ ဖြစ်ခဲ့ကြသည်။ ပြီးခဲ့သည့်လက ၎င်းနေရာများ၌ ကြိုပွိုင့်အိမ်ခန်း ၂၉၀၊ ၂၇၈ နှင့် ၂၆၈ ခန်းတို့ အသီးသီး ရောင်းချခဲ့ကြရသည်။

ရောင်းချခဲ့ရသည့် ဈေးနှုန်းအားဖြင့် အကျဆင်းခဲ့ဆုံးနေရာများမှာ ဝေးလံသော မြို့စွန်ရပ်ကွက်များတွင် ဖြစ်ခဲ့ကြောင်း သိရသည်။ ရောင်းလိုအားတွင်မူ ဇန်န၀ါရီလကုန်အထိ ရောင်းချမည့် ကြိုပွိုင့်အိမ်ခန်း ၁၂၀,၈၈၅ ခန့် ရှိခဲ့ပြီး ဒီဇင်ဘာလအောက် ၂ ဒသမ ၉ ရာခိုင်နှုန်း ကျဆင်းခဲ့ကာ ၂၀၁၇ ခုနှစ် ဇန်န၀ါရီအောက် ၂၈ ဒသမ ၅ ရာခိုင်နှုန်း ကျဆင်းခဲ့ကြောင်းလည်း သိရသည်။

"မတ်လမှာ အကြီးအကျယ်ပြန်လည်နာလန်မထူခင် အခုချိန်မှာ ရှန်ဟိုင်းအိမ်ခြံမြေဈေးကွက်က ယေဘုယျအားဖြင့် တည်ငြိမ်နေဆဲဖြစ်ပါတယ်။ တစ်ဦးချင်းပိုင်ရှင်အများစုကတော့ လျှော့ဈေး ၅ ရာခိုင်နှုန်းဝန်းကျင် ပေးချင်နေကြတာကို တွေ့ရပေမဲ့ အဲ့ထက်ဈေးချပေးဖို့တော့ သိပ်မမြင်ပါဘူး" ဟု ရှန်ဟိုင်းအိမ်ခြံမြေအတိုင်ပင်ခံကုမ္ပဏီတစ်ခုဖြစ်သော Shanghai Centaline Property Consultants Co ၏ အကြီးတန်းသုတေသနမန်နေဂျာ လုဝိန်စီက ပြောကြားခဲ့သည်။

ခင်အေးချမ်း မှ iMyanmarHouse.com (အိုင်မြန်မာဟောက်စ်ဒေါ့ကွန်း) အတွက် အထူးဘာသာပြန် ရေးသားဖော်ပြသည်။
Credit: iMyanmarHouse.com