ဒါးလက်စ်မြို့လယ်တွင် ပစ်ခတ်လုပ်ကြံခြင်းခံခဲ့ရသော အမေရိကန်သမ္မတ ဂျွန်အက်ဖ်ကနေဒီ ကလေးဘဝက နေထိုင်ခဲ့သောအိမ် ကန်ဒေါ်လာ ၆ ဒသမ ၄ သန်းဖြင့် အရောင်းဈေးကွက်ဝင်လာ

ပစ်ခတ်လုပ်ကြံခြင်းခံခဲ့ရသော အမေရိကန်သမ္မတ ဂျွန်အက်ဖ်ကနေဒီ ကလေးဘဝက နေထိုင်ခဲ့သော နေအိမ်တစ်လုံး ကန်ဒေါ်လာ ၆ ဒသမ ၄ သန်းဖြင့် အရောင်းဈေးကွက်ဝင်လာသည်။

အမေရိကန်ပြည်၊ နယူးယောက်ပြည်နယ်၊ Bronx ခရိုင်၊ Independence Ave လမ်း၊ အမှတ် ၅၀၄၀ တွင် တည်ရှိသော စံအိမ်ဖြစ်ပြီး ခြံဝန်းအတွင် အိမ် ၂ လုံး ပါဝင်သည်။ ဧည့်ဂေဟာအိမ်တွင် အိပ်ခန်း ၃ ခန်းနှင့် ရေချိုးခန်း ၂ ခန်းပါဝင်ကာ အကျယ်အဝန်း စတုရန်းပေ ၂၀၀၀ နီးပါးရှိပြီး ကား ၂ စင်းဆန့် ကားဂိုဒေါင်တစ်ခုလည်းတွဲလျက် ပါဝင်သည်။

ပင်မစံအိမ်တွင် အိပ်ခန်း ၉ ခန်းနှင့် ရေချိုးခန်း ၉ ခန်းပါဝင်ကာ အကျယ်အဝန်း ၁၇၆၂၀ စတုရန်းပေရှိပြီး ကား ၁၀ စင်းဆန့် ကားဂိုဒေါင်တစ်လုံး ပါသည်။

ပင်မစံအိမ်အဝင်ပေါက်မှာ နယူးယောက်မှ နာမည်ကျော် ပန်းချီပြတိုက်တစ်ခုဖြစ်သော Guggenheim ကို မြင်ယောင်လာစေသည်။

“အိမ်ထဲကို ဝင်လိုက်တဲ့အချိန်မှာ အထူးခြားဆုံးကတော့ အထပ် ၃ ထပ်အထိ ဖြန့်ကျက်ထားတဲ့ ခန်းမကြီး (atrium) ဖြစ်ပါတယ်” ဟု အရောင်းဈေးကွက်တင်ပေးသော Douglas Elliman အိမ်ခြံမြေကုမ္ပဏီမှ အကျိုးဆောင် Dustin Crouse က ပြောသည်။

(တတိယထပ်မြင်ကွင်း။ ဓာတ်ပုံ-Rinze van Brug)

(ဗဟိုခန်းမကြီး မြင်ကွင်း။ ဓာတ်ပုံ-Rinze van Brug)

ဗဟိုခန်းမကြီးမှာ ယခုစံအိမ်၏ ထူးခြားသော feature တစ်ခုဖြစ်သည်။

သို့သော် အဓိက ထူးခြားချက်မှာ ဂျွန်အက်ဖ်ကနေဒီ၏ ကလေးဘဝနေအိမ်ဖြစ်နေသည့်အချက်ဖြစ်ကြောင်း Crouse က ပြောသည်။

ဂျွန်အက်ဖ်ကနေဒီသည် မက်ဆာချူးဆက်ပြည်နယ်တွင် မွေးဖွားပြီး ကလေးဘဝအစောပိုင်းကာလများကို နယူးအင်္ဂလန်ဒေသတွင် ဖြတ်သန်းခဲ့သည်။

ဂျွန်အက်ဖ်ကနေဒီ ကလေးဘဝတွင် Riverdale Country School သို့ ကျောင်းပြောင်းချိန် ၁၉၂၇ ခုနှစ်တွင် သူ၏ မိသားစုမှာ ယခုစံအိမ်သို့ ပြောင်းရွှေ့အခြေချခဲ့ခြင်း ဖြစ်သည်။ ယင်းနောက် ၁၉၂၉ ခုနှစ်တွင် ဂျွန်အက်ဖ်ကနေဒီတို့ မိသားစုက ယခုအိမ်ကို ပြန်လည်ရောင်းထုတ်ခဲ့သည်။

(ဂျွန်အက်ဖ်ကနေဒီတက်ခဲ့သော Riverdale Country School မှာ ၁၉၀၇ ခုနှစ်တွင် စတင်ဖွင့်လှစ်ခဲ့ခြင်း ဖြစ်သည်။ ဓာတ်ပုံ-Deawell Adair/CoStar)

ယင်းနောက်ပိုင်း အခြားပိုင်ရှင်အမျိုးမျိုး လက်ဆင့်ကမ်းပိုင်ဆိုင်ခဲ့ကြပြီး နှစ်ပေါင်းများစွာကာလအတွင်း ပြုပြင်မွမ်းမံမှုများလည်း ပြုလုပ်ခဲ့ကြသည်။

သို့သော် ကာလကြာရှည် လူသူမနေထိုင်သည့်အချိန်များလည်း ရှိခဲ့ပြီး ထိုကာလများတွင် အိမ်ရှေ့တံခါးကို ကွန်ကရစ်ဖြင့် ပိတ်ဆို့ထားခဲ့ကြောင်း နယူးယောက်တိုင်းမ်သတင်းစာကြီးက ၂၀၁၃ ခုနှစ်အတွင်း ဖော်ပြခဲ့ဖူးသည်။

(Wave Hill ပြည်သူ့ဥယျာဉ်။ ဓာတ်ပုံ- Deawell Adair)

(ဧည့်ခန်း။ ဓာတ်ပုံ- Rinze van Brug)

(မီးဖိုဆောင်။ ဓာတ်ပုံ-Rinze van Brug)

(ဆက်စပ်သတင်း)

လုပ်ကြံခံခဲ့ရသော အမေရိကန်သမ္မတ ဂျွန်အက်ဖ် ကနေဒီ စီးခဲ့သော မော်တော်ကားနှင့် ပရလောက ဖြစ်ရပ်ဆန်း

https://www.iMyanmarHouse.com/news/read/1083794

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com 

Ref: The Bronx estate where JFK lived as a child seeks $6.4 million