ဒေါ်လာသန်းပေါင်းတစ်သန်းခွဲကုန်ကျခံမည့် အခြေခံအဆောက်အအုံ တည်ဆောက်ရေးစီမံကိန်းများ သမ္မတဒေါ်နယ်ထရမ့် အဆိုပြုမည်

အမေရိကန်သမ္မတ ဒေါ်နယ်ထရမ့်သည် ကာလကြာရှည်စောင့်စားခဲ့ရသည့် အမေရိကန် ပြည်ထောင်စုတွင် ဒေါ်လာ ၁ ဒသမ ၅ ထရီလီယံ(သန်းပေါင်း ၁ သန်းခွဲ)ကုန်ကျမည့် အခြေခံအဆောက်အအုံတည်ဆောက်ရေး စီမံကိန်းများကို မကြာမီတင်ပြမည်ဖြစ်ကြောင်း သိရသည်။

ကုစား

ထရမ့်၏စီမံကိန်းအရ ပြည်ထောင်စု ရန်ပုံငွေ ဘီလီယံ ၂၀ဝ ကို အခြေခံအသုံးပြု၍ ဒေသများနှင့် ပြည်နယ်များမှ အခွန်ငွေများဖြင့် မြို့တွင်းလမ်းများ၊ အဝေးပြေးလမ်းများ၊ ဆိပ်ကမ်းများနှင့် လေဆိပ်များကဲ့သို့ အခြေခံ အဆောက်အအုံများကို ပြုပြင်သွားမည်ဖြစ် သည်။ ထို့ပြင် ပုဂ္ဂလိက ရင်းနှီးမြှုပ်နှံမှုများကို လည်း ဖိတ်ခေါ်၍ အခြေခံအဆောက်အအုံ ယိုယွင်းမှုကို ကုစားသွားမည်ဖြစ်သည်။

ဦးစားပေးကိုင်တွယ်

အခြေခံအဆောက်အအုံများယိုင်နဲ့နေ ခြင်းကြောင့် အမေရိကန်စီးပွားရေးတိုးတက် မှုအလားအလာ အပြည့်အဝမရရှိနိုင်ဟု ထရမ့်က အပြစ်ဖို့ထားသည်။ ထရမ့်သမ္မတ ဖြစ်လာပြီးပြီးချင်း အခြေခံအဆောက်အအုံ ကဏ္ဍကို ဦးစွာတွန်းအားပေးလိမ့်မည်ဟု ဝါရှင်တန်အသိုင်းအဝိုင်းက မျှော်လင့်ခဲ့သော် လည်း ထရမ့်သည် ကျန်းမာရေးစောင့်ရှောက်မှု ကဏ္ဍကို ဦးစားပေးကိုင်တွယ်ခဲ့သည်။

အကုန်ကျများပြားလွန်းမည့် အစီအစဉ် တင်ပြချိန်သည် ထရမ့်၏ လက်ထောက်နှစ်ဦးက အမျိုးသမီးများအပေါ် အနိုင်ကျင့်မှုစွဲချက်များ ကြောင့် နုတ်ထွက်ခဲ့ရပြီးချိန်လည်း ဖြစ်သည်။

ထရမ့်၏အဆိုပြုချက်အပေါ် ကနဦး သုံးသပ်ချက်နှင့် ရှုမြင်မှုများမှာလည်း ကွဲပြား သည်။ ကုန်ပစ္စည်းထုတ်လုပ်သူများ အမျိုးသား အစည်းအရုံးဥက္ကဋ္ဌ ဂျေးတင်မွန်စ်က ထရမ့်ကို ထောက်ခံသည်။ အခြေခံအဆောက်အအုံများ တိုးတက်ခေတ်မီရေးအရေးပါပြီး စစ်မှန်သည့် ၂၁ ရာစုအခြေခံအဆောက်အအုံရရှိရေး အတွက် ထရမ့်သည် ကမ္ဘာလုံးဆိုင်ရာ ခေါင်း ဆောင်ဖြစ်ထိုက်သည်ဟူ၍ပင် ချီးမွမ်းသည်။

ဒီမိုကရက်အမတ်အချို့နှင့် အမေရိကန် ကုန်သည်ကြီးများအသင်းကမူ ပြည်ထောင်စု ရန်ပုံငွေများ ပိုမိုရရှိရန် အခွန်များတိုးကောက် ရမည်ဖြစ်၍ အခွန်ကင်းလွတ်ခွင့်ပင် ရှိတော့မည် မဟုတ်ဟု ဝေဖန်သည်။ ပတ်ဝန်းကျင်ရေးရာ အုပ်စုများကလည်း ဆိုးကျိုးသက်ရောက်နိုင်မှုကို စိုးရိမ်ကြကြောင်း သိရသည်။

Credit: The Myanmar Times