ပုဂံဒေသအား မြန်မာ့အမွေအနှစ်မှ ကမ္ဘာ့အမွေအနှစ်ဖြစ်ရေး ကြိုဆိုပွဲပြုလုပ်

ပုဂံဒေသအား မြန်မာ့အမွေအနှစ်မှ ကမ္ဘာ့အမွေအနှစ်ဖြစ်ရေး ကြိုဆိုပွဲကို ဒီဇဘာ ၁၉ ရက် မွန်းလွဲပိုင်းတွင် ဒေသခံများနှင့် အရပ် ဘက်အဖွဲ့အစည်းများမှ လူဦးရေ ၃ဝဝ ခန့်က ဆိုင်းဘုတ်များကိုင်ကာ ပုဂံမြို့အတွင်းလှည့်လည် လမ်းလျှောက်ခဲ့ကြသည်။

စနစ်တကျရှင်း

''အဖွဲ့အစည်းပေါင်းစုံတွေ တက်တယ်။ ဒေသခံလည်းရှိမယ် ယူနက်စကိုနဲ့ ပတ်သက်လို့ ပုဂံဒေသအရေးအတွက် ပူးပေါင်းဆောင် ရွက်နေတဲ့ အဖွဲ့အစည်းတွေတော်တော်များများတက်တယ်။ ဒေသခံ တွေတချို့ နားလည်မှုလွဲနေတဲ့ဟာတွေကို ဖြေရှင်းပေးဖို့နဲ့ လိုအပ်တဲ့ လုပ်ငန်းပိုင်းဆိုင်ရာတွေ ပံ့ပိုးပေးဖို့အတွက်လည်း ဆောင်ရွက်သွား မယ်။ တချို့ပြည်သူကြားမှာ ပညာပေးမှုအားနည်းတဲ့အတွက် ယူနက် စကိုဝင်သွားရင် သူတို့ကျေးရွာတွေ ရွှေ့ပေးရမယ်ဆိုပြီးယူဆနေတယ်။ ဒါမျိုး နားလည်မှုလွဲနေတဲ့အပိုင်းတွေကို စနစ်တကျ ရှင်းပြဖို့ လိုအပ် နေပါတယ်''ဟု ထောက်ခံပွဲတွင် ပါဝင်သည့် မြင်းကမ္ဘာကျေးရွာ အုပ်ချုပ်ရေးမှူး ဦးအောင်စိုးလင်းက ပြောဆိုသည်။

ယူနက်စကို ကမ္ဘာ့ယဉ်ကျေးမှု စာရင်းဝင်ရန်အတွက် ပြည်ထောင်စု အဆင့် လုပ်ငန်းစဉ်များကို ကြိုဆိုသည့်အနေဖြင့် ပြုလုပ်ခြင်းဖြစ်ပြီး ပုဂံဒေသအရေးဆောင်ရွက်နေသည့် အဖွဲ့အစည်းများ၊ ဌာနဆိုင်ရာမှ တာဝန်ရှိသူများ၊ ဒေသခံများတက်ရောက်ခဲ့ကြကြောင်း သိရသည်။

''ပုဂံဒေသကို ကမ္ဘာ့အမွေအနှစ်ဖြစ်ရေးအတွက် ကြိုဆိုတဲ့ပွဲလေး ပါ။ မြန်မာ့အမွေအနှစ်ကနေ ကမ္ဘာ့အမွေအနှစ်ဖြစ်ရေးကို ကြိုဆို တာပါ။ ဒေသခံတွေ၊ အရပ်ဘက်အဖွဲ့အစည်းတွေ ပူးပေါင်းဆောင် ရွက်ကြတာပါ။ ယဉ်ကျေးမှု အမွေအနှစ်ပေါင်း ၄ဝဝဝ နီးပါးရှိတယ် ဆိုတာ ဒီတစ်နေရာပဲရှိတာပါ။ ကမ္ဘာ့အမွေအနှစ်ဖြစ်ရေး ဆောင်ရွက် တာအားလုံက ကြိုဆိုရမယ့်ပွဲပါ အားလုံးမှာ တာဝန်ရှိပါတယ်။ ပူးပေါင်း ဆောင်ရွက်ကြဖို့ မေတ္တာရပ်ခံပါတယ်''ဟု ရှေးဟောင်း သုတေသနနှင့် အမျိုးသားပြတိုက်ဦးစီးဌာန ညွှန်ကြားရေးမှူး ဦးအောင်အောင်ကျော်က ပြောဆိုသည်။

အပြီးသတ်စာတွဲတင်ပို့ရမည်

ပုဂံဒေသကို ယူနက်စကိုဝင်ရန် ၁၉၉၆ ခုနှစ်မှ စတင်ပြုလုပ်နေခဲ့ရာ ၁၉၉၈ ခုနှစ်တွင် ယဉ်ကျေးမှုအမွေအနှစ်ဒေသများ ပထမအဆင့် ကိုတင်ပြခဲ့ရာ ၂ဝ၁၇ ခုနှစ် စက်တင် ဘာလတွင် မူကြမ်းပထမတွဲ တင်ပို့ခဲ့ပြီး ၂ဝ၁၈ ခုနှစ် ဇန်နဝါရီလကုန်တွင် အပြီးသတ်စာတွဲ တင်ပို့ ရမည်ဖြစ်ကြောင်း သိရသည်။

Credit: The Myanmar Times