အာရှတိုက်ရှိ မုန်တိုင်းဒဏ် ခံနိုင်စွမ်းရှိသည့် အမြင့်မားဆုံး မိုးမျှော်တိုက်များ

ယခုနှစ် သြဂုတ်လအတွင်း တောင်တရုတ်ပင်လယ်မြောက်ပိုင်းတွင် အခြေတည်ကာ ဖွဲ့စည်းဖြစ်ပေါ်ခဲ့သည့် ဟာတို တိုင်ဖုန်းမုန်တိုင်း သည် တရုတ်ပြည်တောင်ပိုင်း ကွမ်တုံပြည်နယ်တွင် ဝင်ရောက်တိုက်ခတ်ခဲ့ရာ ကန်ဒေါ်လာ ၁ ဒသမ ၈၇ ဘီလီယံဖိုးခန့် ပျက်စီးဆုံးရှုံးမှုများ ကြုံတွေ့ခဲ့ရသည်။

လုံးချင်းအိမ်များဖြင့် နေထိုင်သူများအဖို့ အပူတပြင်းတုန်လှုပ်ဖွယ်မရှိသော်လည်း မိုးမျှော်တိုက်များတွင် နေထိုင်သူများအဖို့မူ အဆောက်အအုံ၏ ကြံ့ခိုင်မှု၊ မုန်တိုင်းဒဏ်ခံနိုင်စွမ်းတို့ကို ထည့်သွင်းစဉ်းစားကြရတော့မည် ဖြစ်လေသည်။

အောက်ဖော်ပြပါ အဆောက်အအုံတို့မှာ မုန်တိုင်းဒဏ်ခံနိုင်စွမ်းရှိသည့် မိုးမျှော်တိုက်ကြီးများဖြစ်ပြီး အာရှတွင် တည်ရှိသည့် အဆောက်အအုံများ ဖြစ်သည်။

(၁) ရှန်ဟိုင်းတာဝါ၊ ရှန်ဟိုင်း

(ဆောက်လုပ်ခဲ့သည့်ခုနှစ်- ၂၀၁၄ ခုနှစ်)
(အမြင့်- ၆၃၂ မီတာ -၂၀၇၃ ပေ)
မုန်တိုင်းဒဏ်ခံနိုင်စွမ်း- ရှန်ဟိုင်းမြို့၊ ပူဒေါင်းအရပ်ရှိ ၁၂၈ ထပ်မြင့်မားသော ရှန်ဟိုင်းတာဝါသည် တရုတ်ပြည်တွင် အမြင့်မားဆုံး အဆောက်အအုံဖြစ်သည်။
လက်ရှိအားဖြင့် တစ်ကမ္ဘာလုံးအတိုင်းအတာဖြင့် ဒုတိယမြောက်အမြင့်မားဆုံး အဆောက်အအုံလည်း ဖြစ်သည်။
ကမ္ဘာ့အမြန်ဆုံး ဓာတ်လှေကားများ တပ်ဆင်ထားပြီး တစ်စက္ကန့်လျှင် ၂၀ ဒသမ ၅ မီတာ (တစ်နာရီလျှင် ၄၆ မိုင်) အမြန်နှုန်း ရှိသည်။
အဆောက်အအုံကြီး၏ မှန်မျက်နှာစာများမှတစ်ဆင့် မုန်တိုင်း၏လေပြင်းအားကို ၂၄ ရာခိုင်နှုန်းလျှော့ချနိုင်သည်ဟု ဆိုသည်။

(၂) ပီထရိုနာ့စ် အမြွှာမျှော်စင်၊ မလေးရှား

(ဆောက်လုပ်ခဲ့သည့်ခုနှစ်၊ ၁၉၉၂ ခုနှစ်)
(အမြင့်- ၄၅၂ မီတာ -၁၄၈၃ ပေ)
မုန်တိုင်းဒဏ်ခံနိုင်စွမ်း- ကွာလာလမ်ပူရှိ ၈၈ ထပ်မြင့်မားသော အမြွှာမျှော်စင်နှစ်ခုသည် ကမ္ဘာပေါ်တွင် အမြင့်မားဆုံး အဆောက်အအုံ များတွင် တစ်ခုအပါအဝင် ဖြစ်ပြီး တစ်နာရီလျှင် ၁၀၅ ကီလိုမီတာနှုန်းတိုက်ခတ်သည့် မုန်တိုင်းဒဏ်ခံနိုင်စွမ်းရှိသည်။

(၃) တိုင်ပေ ၁၀၁ ၊ ထိုင်ဝမ်

(ဆောက်လုပ်ခဲ့သည့်ခုနှစ်- ၂၀၀၄ ခုနှစ်)
(အမြင့်- ၄၄၉ မီတာ -၁၆၆၇ ပေ)
မုန်တိုင်းဒဏ်ခံနိုင်စွမ်း- တိုင်ပေ ၁၀၁ သည် လက်ရှိအားဖြင့် ကမ္ဘာပေါ်တွင် အဌမမြောက် အမြင့်မားဆုံး အဆောက်အအုံ ဖြစ်သည်။
ထူးခြားသည့် ဒီဇိုင်းပုံစံကြောင့် ၂၀၁၄ ခုနှစ်တွင် Emporis Skyscraper ဆု ရရှိခဲ့သည်။
တစ်နာရီလျှင် ၂၁၆ ကီလိုမီတာနှုန်းတိုက်ခတ်သည့် မုန်တိုင်းဒဏ်ကို ခံနိုင်စွမ်းရှိသည်ဟု ဆိုသည်။

(၄) နိုင်ငံတကာ ကူးသန်းရောင်းဝယ်ရေးဗဟို (ICC) ၊ ဟောင်ကောင်

(ဆောက်လုပ်ခဲ့သည့်ခုနှစ်- ၂၀၁၀)
(အမြင့်- ၄၈၄ မီတာ -၁၅၈၈ ပေ)
တိုင်ဖွန်းမုန်တိုင်းဒဏ်ခံနိုင်စွမ်း- ဟောင်ကောင်၊ အနောက်ကောင်လွန်းအရပ်ရှိ ICC အဆောက်အအုံသည် လက်ရှိအားဖြင့် ကမ္ဘာပေါ်တွင် ဒသမမြောက် အမြင့်မားဆုံး အဆောက်အအုံဖြစ်သည်။
ကြံ့ခိုင်သည့် ဒီဇိုင်း၊ ဖွဲ့စည်းပုံတို့ဖြင့် ဆောက်လုပ်ထားပြီး တိုင်ဖွန်းမုန်တိုင်းများ တိုက်ခတ်လာပါက အဆောက်အအုံကို ရှေ့နောက် ယိမ်းထိုးရွေ့လျားနိုင်ရန် ဒီဇိုင်းဆွဲဆောက်လုပ်ထားသည်။

(၅)မက္ကာအိုတာဝါ၊ မက္ကာအို

(ဆောက်လုပ်ခဲ့သည့်ခုနှစ်- ၁၉၉၈ ခုနှစ်)
(အမြင့်- ၃၃၈ မီတာ -၁၁၀၉ ပေ)
မုန်တိုင်းဒဏ်ခံနိုင်စွမ်းရှိ- မက္ကာအိုတာဝါသည် ကွန်ဗန်းရှင်းနှင့် ဖျော်ဖြေရေးစင်တာအဖြစ် ရည်ရွယ်ဆောက်လုပ်ထားခြင်းဖြစ်ပြီး တစ်နာရီလျှင် ၃၀၀ ကီလိုမီတာနှုန်းတိုက်ခတ်သည့် မုန်တိုင်းဒဏ်ကို ခံနိုင်ရန် ဒီဇိုင်းရေးဆွဲဆောက်လုပ်ထားသည်။

Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)