ဘောလိဝုဒ်ကို ရုပ်ရှင်တစ်ကားတည်းဖြင့် ထာဝရ သိမ်းပိုက်ထားသူ ရုပ်ရှင်မင်းသား မီသွန်း၏ မွမ်ဘိုင်းစံအိမ်

မီသွန်းဟု လူသိများထင်ရှားခဲ့သော ရုပ်ရှင်မင်းသား မီသွန်း ချာကရာဘော်တီသည် ဘောလိဝုဒ်နှင့် အိန္ဒိယ၏ မီးရှုးတန်ဆောင်သဖွယ် တချိန်က လျှမ်းလျှမ်းတောက်ခဲ့သူ ဖြစ်သည်။

သူ၏ 'Disco Dancer' ရုပ်ရှင်နှင့် ဇာတ်ဝင်တေးမှာ မြန်မာနိုင်ငံတွင် မကြားဖူးသူ မရှိသလောက် ပျံ့နှံ့ခဲ့ဖူးသည်။

ဆိုဗီယက်ပြည်ထောင်စုကြီး မပြိုကွဲမီက ဆိုဗီယက်အထိ ပျံ့နှံ့ကျော်ကြားခဲ့သော ဘောလိဝုဒ်သရုပ်ဆောင် အနည်းငယ်သာရှိရာ မီသွန်းလည်း တစ်ဦးအပါအဝင်ဖြစ်သည်။ မီသွန်းသည် ၁၉၈၀ ပြည့်လွန်ကာလများက ဆိုဗီယက်သို့ သွားရောက်ကာ သူ၏ အမာခံပရိသတ်များနှင့် တွေ့ဆုံခဲ့ရာ ဆိုဗီယက်ပြည်သူတို့က အုံးအုံးကြွက်ကြွက် ကြိုဆိုခဲ့ကြသည်။

မီသွန်း၏ ပုဂ္ဂလိကဘဝနှင့် ရုပ်ရှင်လောက ဖြတ်သန်းမှု ၂ ရပ်လုံးမှာ စိတ်ဝင်စားဖွယ်များ အပြည့်ရှိနေသည်။

((အစောပိုင်းဘဝနှင့် ပညာရေး))

မီသွန်း ချာကရာဘော်တီသည် ၁၉၅၀ ပြည့်နှစ်၊ ဇွန်လ ၁၆ ရက်တွင် မွေးဖွားသည်။

ကိုလ်ကာတားမြို့၊ Scottish Church College မှ ဓာတုဗေဒဖြင့် B.Sc ဘွဲ့ရခဲ့သည်။

မီသွန်းသည် သရုပ်ဆောင် အလွန်ဝါသနာကြီးသူဖြစ်ရာ သရုပ်ဆောင်ပညာဘက်သို့ လိုက်စားရင်း ပြွန်းမြို့ရှိ အိန္ဒိယရုပ်ရှင်နှင့် ရုပ်သံသိပ္ပံကျောင်းမှ ဘွဲ့ရခဲ့ပြန်သည်။

((မီသွန်း၏ မိသားစု))

မီသွန်းသည် ၁၉၇၉ ခုနှစ်တွင် ရုပ်ရှင်မင်းသမီး ယိုးဂီတ ဘာလီနှင့် လက်ထပ်ခဲ့ပြီး သမီး ၁ ဦး၊ သား ၃ ဦး ထွန်းကားသည်။

လျှမ်းလျှမ်းတောက် ကျော်ကြားသော မီသွန်းသည် သူ၏ ပုဂ္ဂလိက ဘဝကိုမူ သိုသိုသိပ်သိပ်သာ ထားသည်။

((မီသွန်း၏ မွမ်ဘိုင်းစံအိမ်))

မီသွန်းသည် တိုးပွားကြီးထွားလာသော သူ့မိသားစုအတွက် မွမ်ဘိုင်းမှ Madh Island တွင် ခမ်းနားထည်ဝါသော ဘန်ဂလိုအိမ်တစ်လုံး ဆောက်လုပ်ခဲ့သည်။

သူ၏ ကျော်ကြားမှု အထွတ်အထိပ်သို့ ရောက်ရှိနေစဉ်ကာလများအတွင်း ဝယ်ယူခဲ့သော မြေနေရာဖြစ်သည်။

ခြံအကျယ် ၁ ဒသမ ၅ ဧကရှိသော မြေနေရာတွင် မီသွန်းက ခမ်းနားသောစံအိမ်ကြီး ဆောက်လုပ်ခဲ့သည်။

မီသွန်းက သဘာဝတရားနှင့် တိရ စ္ဆာန်များကို ချစ်သည်။

((တန်ဖိုးကြီး ခွေးလှောင်အိမ်ကြီးများ))

မီသွန်းက ခွေးချစ်တတ်သူဖြစ်သည်။ သူ၏ စံအိမ်တွင် ခွေးလှောင်အိမ် များစွာရှိသည်။ သတင်းများအရ မီသွန်းသည် ခွေး ၆၆ ကောင်မှ ၇၆ ကောင်ကြား မွေးမြူထားသည်ဟု ဆိုသည်။

((ငှက်အိမ်များ)) ခွေးများအပြင် မီသွန်းသည် ငှက်များကိုလည်း စောင့်ရှောက်ပေးသည်။ ငှက်များအတွက် ကွန်းခိုရာနေရာများ စီစဉ်ပေးထားသည်။

သူ၏ စံအိမ်ခြံဝန်းကြီးမှာ စိမ်းစိုအုပ်ဆိုင်းလျက်ရှိကာ သီးပင်စားပင်ကြီးများ၊ သစ်ကြီးဝါးကြီးများဖြင့် အံ့မခန်း စိမ်းစိုသာယာသည်။

((ပန်းဥယျာဉ်များ)) မီသွန်း၏ ခြံဝန်းတနေရာတွင် အဖြူရောင်ပန်းများဖြင့် ဝေဆာနေပြီး အခြားတနေရာတွင်မူ အနီရောင်၊ ခရမ်းရောင်ပန်းများ ပွင့်ဖူးနေရာ ပန်းမန်စိုက်ပျိုးမှု ဝါသနာကြီးပုံကိုလည်း ပြသနေသည်။

((အိမ်မွေး တိရ စ္ဆာန်များအတွက် Facilities များ))

စံအိမ်နှင့် ကပ်လျက်ခြံကိုလည်း မီသွန်းပိုင်ဆိုင်ထားသည်။

ထိုခြံမှာ သူ၏ အိမ်မွေး တိရ စ္ဆာန်များအတွက် ဝယ်ပေးထားသောခြံဖြစ်သည်။

ခြံဝန်းထဲတွင် လေအေးပေးစက်တပ်ဆင်ပေးထားသောနေရာများ၊ အိမ်မွေးတိရ စ္ဆာန်လေးများ ဆော့ကစားရန် ဖန်တီးပေးထားသောနေရာများစွာ ရှိသည်။

မီသွန်း၏ စံအိမ်တည်ရှိသော ခြံဝန်းအကျယ်မှာ စတုရန်းပေ ၆၅၃၄၀ ခန့်ရှိပြီး တန်ကြေးအားဖြင့် ရူပီး ၄၅ ကုဋေခန့်ရှိသည်ဟု ခန့်မှန်းရသည်။

(မီသွန်း၏ စံအိမ်လိပ်စာ))

Basanta Chakraborty, Mimoh Cottage, Madh Marve Road, Erangel Bhati Village, Madh Island, Mumbai, Vesava Maharashtra 400061

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Mithun Chakraborty Mumbai House: Family, Price, Address, An Inside Peek