ကိုယ်ပိုင်လေယာဉ်ကွင်း၊ စတုရန်းပေ ၁၀၀၀၀ ကျော် ကျယ်ဝန်းသည့် ခွေးအိမ်၊ လက်နက်တိုက်၊ ရေကန်ပေါင်း ၂၀ ပါဝင်ကာ ဧကပေါင်း ၆၅၀၀၀ ကျော်ကျယ်ဝန်းသည့် မွေးမြူရေးခြံကြီး အမေရိကန်တွင် အမြင့်မားဆုံးစံချိန်တင်ဈေးဖြင့် အရောင်းဈေးကွက်ဝင်လာ

အမေရိကန်ပြည်ထောင်စု၊ တက္ကဆပ်ပြည်နယ်တွင် ကိုယ်ပိုင်လေယာဉ်ကွင်း၊ စတုရန်းပေ ၁၀၀၀၀ ကျော်ရှိသည့် ခွေးအိမ်၊ လက်နက်တိုက်၊ ရေကန်ပေါင်း ၂၀ ပါဝင်ကာ ဧကပေါင်း ၆၅၀၀၀ ကျော်ကျယ်ဝန်းသည့် မွေးမြူရေးခြံကြီးတစ်ခြံမှာ အမေရိကန်ပြည်ထောင်စုတစ်ဝန်း၌ အမြင့်မားဆုံးစံချိန်တင်ဈေးဖြင့် အရောင်းဈေးကွက်ဝင်လာသည်။

ရောင်းချသူမှာ အိုကလာဟိုးမားတွင် မွေးဖွားသူ စီးပွားရေးလုပ်ငန်းရှင် တီဘွန်းပစ်ကန်းစ်ဖြစ်ပြီး ခြံဝန်းတည်နေရာမှာ ပမ်ပါမြို့၏ မြောက်ဘက် မိုင် ၃၀ ခန့်အကွာ၊ အေမာရီလိုမြို့၏ အရှေ့မြောက်ဘက် ၈၅ မိုင်အကွာတွင် တည်ရှိသည်။
ပမ်ပါသည် တက္ကဆပ်ပြည်နယ်၊ ဂရေးခရိုင်ရှိ မြို့တစ်မြို့ဖြစ်ပြီး ၂၀၁၀ ပြည့်နှစ် သန်းကောင်စာရင်းအရ လူဦးရေ ၁၇၉၉၄ ရှိသည့် မြို့ကလေးဖြစ်သည်။

Hall and Hall နှင့် Chas. S. Middleton and Son ကုမ္ပဏီတို့မှတစ်ဆင့် အရောင်းဈေးကွက်တင်လာခြင်းဖြစ်ပြီး ကန်ဒေါ်လာသန်း ၂၅၀ ဈေးခေါ်ထားရာ အမေရိကန်တစ်နိုင်ငံလုံးတွင် အရောင်းဈေးကွက်ရောက်နေသော အိမ်ခြံမြေများတွင် ဈေးအကြီးဆုံးအဖြစ် စံချိန်တင်သွားသည်။

အဆိုပါကုမ္ပဏီများမှပင် ပြီးခဲ့သော ၂၀၁၆ ခုနှစ်အတွင်းကလည်း တက္ကဆပ်ပြည်နယ်ရှိ ဧကပေါင်း ၅၁၀၀၀၀ ကျယ်ဝန်းသည့် မွေးမြူရေးခြံကြီးတစ်ခုကို ဘီလျံနာလုပ်ငန်းရှင် စတန်း ကရိုယန်ကီက ကန်ဒေါ်လာ ၇၂၅ သန်းဖြင့် ဝယ်ယူသွားခဲ့ဖူးသည်။

ဖော့ဘ်မဂ္ဂဇင်းကြီးက ကရိုယန်ကီ၏ မွေးမြူရေးခြံကို အိမ်ခြံမြေသမိုင်းတစ်လျှောက် ဈေးအကြီးဆုံးအဖြစ် မှတ်တမ်းတင်ထားသည်။
တီဘွန်း ပစ်ကန်းစ်သည် ယခုအခါအသက် ၈၉ နှစ်ရှိပြီ ဖြစ်သည်။
ပစ်ကန်းစ်က ပြောကြားရာတွင် “အိမ်ခြံမြေများ ရောင်းထုတ်ခြင်းသည် အသက် ၈၉ နှစ်အရွယ်ရောက်နေသူတစ်ဦးအတွက် အလုပ်သင့်ဆုံးအလုပ်တစ်ခုဖြစ်ကြောင်း” ပြောကြားခဲ့သည်။

ပစ်ကန်းစ်သည် ယင်းခြံဝန်းကြီးကို လွန်ခဲ့သော ၄၆ နှစ်က စတင်ဝယ်ယူခဲ့ခြင်းဖြစ်ပြီး ဝယ်ယူခဲ့စဉ်က ဧကပေါင်း ၂၉၀၀ ခန့်သာ ရှိခဲ့သည်။
နောက်ပိုင်းတွင် အခြားကပ်လျက်မြေများကိုလည်း ဆက်လက်ဝယ်ယူကာ တောတောင်သဘာဝကို ထိန်းသိမ်းနိုင်ရန် ကန်ဒေါ်လာ သန်းပေါင်းများစွာ သုံးစွဲခဲ့ရသည်။

အဆိုပါ ယာတောအတွင်း ငုံးလိုက်ခြင်းမှာ တစ်နိုင်ငံလုံးတွင် အကောင်းဆုံးနေရာအဖြစ် သတ်မှတ်ထားခြင်းခံရပြီး နွားကောင်ရေ ၄၀၀ မှ ၅၀၀ ကြား ထိန်းကျောင်းနိုင်သည့် စားကျက်မြေလည်း ပြုလုပ်ထားသည်။

ယခုခြံဝန်းအကျယ်နှင့် နှိုင်းယှဉ်လျှင် အဆိုပါနေရာမှာ အနည်းငယ်သောမြေနေရာအတိုင်းအတာသာရှိသည်။
ယခုခြံကြီးကို ရောင်းချရာမှ ရရှိလာသောငွေများကို ၎င်းတည်ထောင်ထားသည် တီဘွန်းပစ်ကန်းစ်ဖောင်ဒေးရှင်းသို့ လှူဒါန်းသွားမည်ဟုလည်း ပစ်ကန်းစ်က ထုတ်ဖော်ပြောကြားထားသည်။
ခြံဝန်းအတွင်း အဆောက်အအုံ ၆ လုံးပါဝင်ပြီး ဝန်ထမ်းများအတွက် အဆောက်အအုံများလည်း အပါအဝင်ဖြစ်သည်။

ဤမျှကျယ်ဝန်းလှသည့် ခြံဝန်းကြီးကို ဝန်ထမ်းအင်အားအမြောက်အမြားမရှိဘဲ လည်ပတ်နိုင်ရန် မဖြစ်နိုင်ချေ။
ခြံဝန်းကြီးနှင့် စပ်လျဉ်း၍ စိတ်ဝင်စားဖွယ်အကောင်းဆုံး အချက် ၈ ခုမှာ

(၁) လေယာဉ်ကွင်းသွားရန် မလိုအပ်

ခြံဝန်းကြီးအတွင်းတွင် စတုရန်းပေ ၂၅၀၀၀ ရှိ ကိုယ်ပိုင်လေယာဉ်ရုံတစ်ခု၊ အလျား ပေ ၆၀၀ ရှိ ပြေးလမ်းတစ်ခုတို့ ပါဝင်ရာ ပျင်းရိငြီးငွေ့ဖွယ်ရာ လေယာဉ်စောင့်ဆိုင်းရသည့်အလုပ်များ သင့်အတွက်မလိုအပ်တော့ချေ။

(၂) လက်ထပ်မင်္ဂလာခန်းမ ပါဝင်သည်

ပစ်ကန်းစ်သည် သူ၏ ပဉ္စမမြောက်ဇနီး တိုနီဘရင်ကာကို ခြံကြီးအတွင်းရှိ မင်္ဂလာခန်းမတွင် ၂၀၁၄ ခုနှစ်အတွင်း ထိမ်းမြားလက်ထပ်ခဲ့သည်။
ခန်းမအကျယ်အဝန်းမှာ စတုရန်းပေ ၈၀၀ ရှိပြီး မိတ်ဆွေသူငယ်ချင်းများ၊ မိသားစုဝင်များနှင့် နာမည်ကျော်ပုဂ္ဂိုလ်တို့၏ ရှေ့မှောက်တွင် ထိမ်းမြားခဲ့ကြခြင်း ဖြစ်၏။
အကယ်၍ သင့်အနေဖြင့် မင်္ဂလာဆောင်ရန် ရည်မှန်းချက်ရှိသည်ဆိုပါက ဤခြံကြီးကို ဝယ်ယူပြီးလျှင် ခြံဝန်းအတွင်းတွင်ပင် ထိမ်းမြားမင်္ဂလာပြုနိုင်လေသည်။

(၃) ရေကန်ပေါင်း ၂၀

အကယ်၍ သင့်အနေဖြင့် မိတ်ဆွေများကို ငါးမျှားရန် ခြံဝန်းအတွင်းဖိတ်မန္တကပြုပြီး သင်ကိုယ်တိုင်ကမူ အပျော်စီးလှေသာ စီးလိုသည်ဆိုပါက ယခုခြံဝန်းကြီးတွင် သင်၏ဆန္ဒများအတိုင်း အကောင်အထည်ဖော်နိုင်မည်ဖြစ်ကာ များပြားလှသည့် ရေကန်ကြီးများတွင် မိမိအလိုရှိရာနည်းဖြင့် အပန်းဖြေနိုင်လေသည်။

(၄) ပင်မအိမ်ကြီး ၄ လုံး

ခြံဝန်းကြီးအတွင်း ပင်မနေအိမ်ကြီး ၄ လုံးပါဝင်ပြီး အကြီးဆုံးနေအိမ်ကို The Lodge ဟု အမည်ပေးထားကာ စတုရန်းပေ ၃၃၀၀၀ ကျယ်ဝန်းသည်။
အသေးဆုံးအိမ်မှာ Gate House ဟု အမည်ရကာ စတုရန်းပေ ၁၇၀၀ အကျယ်အဝန်းရှိသည်။
အခြားအိမ် ၂ လုံးမှာ Lake House နှင့် Family House ဟု အမည်များရှိပြီး စတုရန်းပေ ၁၂၀၀၀ နှင့် ၆၀၀၀ အသီးသီး ကျယ်ဝန်းကြသည်။
ဧည့်သည်များ တည်းခိုရန်နေရာတွင် အိပ်ခန်း ၇ ခန်း ပါဝင်ပြီး ထိုင်ခုံ ၃၀ ဆန့် ရုပ်ရှင်ရုံ၊ မီးလင်းဖို ၂ ခုပါသည့် ဧည့်ခန်း၊ ဝိုင်သိုလှောင်ခန်းတို့လည်း ပါဝင်သည်။

(၅) လက်နက်တိုက်

လက်နက်တိုက်မှာ စတုရန်းပေ ၄၀၀ ကျယ်ဝန်းပြီး ကွန်ကရစ်ဖောင်ဒေးရှင်းတွင် သစ်ဖြင့်ဆောက်လုပ်ထားသည့် အဆောက်အအုံဖြစ်သည်။
အဆိုပါလက်နက်တိုက်တွင် ပစ်ကန်းစ်က သူ၏ ရိုင်ဖယ်များ၊ ပြောင်းတိုသေနတ်များနှင့် အမဲလိုက်သေနတ်များ သိုလှောင်ထားရှိသည်။
လက်နက်တိုက်တွင် ရေချိုးခန်းနှင့် မီးဖိုဆောင်တို့လည်း ပါဝင်သည်။

(၆) အိုးမကွာအိမ်မကွာ တင်းနစ်နှင့် ဂေါက်ရိုက်ကစားနိုင်သည်။

(၇) ခွေးအိမ်

လူအများစုမှာ နေအိမ်နောက်ဘက်တွင် ဝန်းခတ်၍သော်လည်းကောင်း၊ ခွေးအိမ်ငယ်တစ်ခု ပြုလုပ်၍သော်လည်းကောင်း ထားရှိကြသည်။
ပစ်ကန်းစ်ကမူ သူ၏ အမဲလိုက်ခွေးများအတွက် ကြီးမားကျယ်ပြန့်သည့်နေရာ ပြုလုပ်ပေးထားသည်။
စတုရန်းပေ ၁၁၀၀၀ ကျယ်ဝန်းသည့် ခွေးအိမ်အတွင်း လှောင်အိမ်ပေါင်း ၄၀ ခန်း ထားရှိထားသည်။

Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)