ပြင်ဦးလွင်တွင် တန်ဖိုးမြင့်အိမ်ခြံမြေ အရောင်းအဝယ် နည်းပါး

ပြင်ဦးလွင်မြို့ရဲ့ လတ်တလော အိမ်ခြံမြေဈေးကွက်မှာ တန်ဖိုးမြင့် အိမ်ခြံမြေတွေ အရောင်းအဝယ်မဖြစ်သလောက် နည်းပါးနေပြီး ကျပ်သိန်း (၅၀၀) နဲ့ ကျပ်သိန်း (၁၀၀၀) ကြား အိမ်ခြံမြေတွေကိုသာ စိတ်ဝင်စားမှုများကြောင်း ပြင်ဦးလွင်က အိမ်ခြံမြေအကျိုးဆောင်တချို့ဆီက သိရပါတယ်။

ငါးနှစ်ကျော် အရောင်းအဝယ်ငြိမ်သက်နေတဲ့ ပြင်ဦးလွင် အိမ်ခြံမြေဈေးကွက်ဟာ မန္တလေးအိမ်ခြံမြေဈေးကွက်နဲ့လည်း ဆက်စပ်မှုရှိပါတယ်။ မန္တလေးမှာ အိမ်မြေအရာင်းအဝယ် လိုက်လာပြီဆိုရင် ပြင်ဦးလွင် ဈေးကွက်လည်း လှုပ်ခတ်လာတတ်ပါတယ်။

လတ်တလောမှာ မန္တလေးမြေဈေးကွက်ကလည်း တန်ဖိုးသင့်တဲ့ အိမ်မြေအကွက်အကွင်းတွေသာ အားထားနေရသလို ပြင်ဦးလွင်မှာလည်း အထူးသဖြင့် ကျပ်သိန်း (၅၀၀၀) အထက်ဆိုရင် သိသိသာသာ အရောင်းအဝယ်အေးနေပါတယ်။

ပြင်ဦးလွင်မြို့မှာ အိမ်ခြံမြေဈေးနှုန်းတွေအနေနဲ့ မြို့တွင်းအဓိကကျတဲ့ မန္တလေး-လားရှိုးလမ်းလို နေရာတွေ၊ ကန်တော်ကြီးတစ်ဝိုက် နေရာကောင်းတွေမှာ မြေအကျယ်အဝန်းကိုလိုက်ပြီး ဈေးနှုန်းတွေက ကျပ်သိန်း (၁၀၀၀၀)ကနေ ကျပ်သိန်း (၂၀၀၀၀)အတွင်း အမျိုးမျိုး ရှိနေပါတယ်။

မြို့တွင်းအပိုင်းကျတဲ့ လမ်းတွေမှာတော့ ကျပ်သိန်း (၁၀၀၀)နဲ့ ကျပ်သိန်း (၃၀၀၀)ကြား ဈေးခေါ်နေပြီး မြို့တွင်းနဲ့လှမ်းတဲ့ မြို့သစ်အပိုင်းတွေမှာ ကျပ်သိန်း (၅၀၀) ဝန်းကျင်ဈေးနှုန်းသာ ရှိပါတယ်။ အရောင်းအဝယ်အေးနေတာကြောင့် ကျပ်သိန်း (၁၀၀၀) ပတ်ချာလည် ဈေးနှုန်းတွေထဲမှာ အရင်လို ဈေးနှုန်းကို တင်းမခံဘဲ အလျှော့အတင်းလုပ် ရောင်းချတာတွေရှိတာမို့ ဝယ်သူတွေအတွက်တော့ အချိန်ကောင်း ဖြစ်နေပါတယ်။

ပြင်ဦးလွင်မှာ ဆောင်းအကုန် နွေအကူး ပွင့်လင်းရာသီမျိုးမှာ အရောင်းအဝယ်ပိုဖြစ်တတ်ပြီး အဝယ်လိုက်လာပြီဆိုရင်လဲ ဆက်တိုက်ဖြစ်နေတတ်တယ်လို့ ပြင်ဦးလွင်မြို့က အိမ်ခြံမြေအကျိုးဆောင် ဒေါ်ခင်စောမြင့်က ပြောပါတယ်။

ပြင်ဦးလွင် ပဒေသာမြို့သစ်လို ဧရိယာထဲမှာ ပေ ၆၀၊ ပေ ၈၀၊ ပေ ၄၀၊ ပေ ၆၀ အကျယ် မြေကွက်မျိုးတွေက ကျပ်သိန်း (၁၅၀၀) ပတ်ချာလည်ခေါ်ဈေးရှိပြီး လတ်တလောအနေအထားမှာ ငွေဖော်ချင်တဲ့ပုံစံမျိုးနဲ့ ဈေးနှုန်းညှိနှိုင်းရောင်းချတာမျိုး တွေ့ရပါတယ်။

အခွန်အနေအထားနဲ့ အိမ်ခြံမြေဈေးကွက်တွင်း ရင်းနှီးမြှုပ်နှံမှု နည်းပါးနေတဲ့ အနေအထားကြောင့် ပြင်ဦးလွင်က ကျပ်သိန်းသောင်းဂဏန်း တန်ကြေးရှိတဲ့ အိမ်ခြံမြေအရာင်းအဝယ်တွေဟာ ဆက်လက်ငြိမ်သက်နေဖို့များတဲ့အပြင် ဘယ်အချိန်မှာ အရာင်းအဝယ် ပြန်သွက်နိုင်မယ်ဆိုတာ မှန်းဆရ ခက်ခဲနေပါတယ်။သေချာတာကတော့ အရာင်းအဝယ်ပြန်သွက်လက်လာရင်လည်း ကျပ်သိန်းထောင်ဂဏန်းကြေးရှိတဲ့ အိမ်ခြံမြေတွေသာ ဈေးကွက်ကို အဓိက ဦးဆောင်သွားမယ်လို့ အကျိုးဆောင်အများစုက သုံးသပ်ကြပါတယ်။

Credit: Myanmar Times