တရုတ်ပြည် အကြီးမားဆုံးဘဏ်က ကွမ်ကျိုးအငှားအိမ်ရာဈေးကွက်ဖွံ့ဖြိုးရန် ကန်ဒေါ်လာ ၇၅ ဘီလီယံကျော် ထုတ်ချေးသွားမည်

တရုတ်နိုင်ငံ၏ ငွေကြေးအင်အားအတောင့်တင်းဆုံးဘဏ်ကြီးဖြစ်သော စက်မှုနှင့်ကူးသန်းရောင်းဝယ်ရေးဘဏ် (ICBC) သည် တရုတ်ပြည်၊ ကွမ်ကျိုးမြို့ အိမ်ငှားဈေးကွက်ကို အကူအညီပေးနိုင်ရန်အတွက် ယွမ်ငွေ ၅၀၀ ဘီလီယံ (ကန်ဒေါ်လာ ၇၅ ဒသမ ၄ ဘီလီယံ) ထုတ်ချေးရန် ကမ်းလှမ်းလိုက်ကြောင်း ဟောင်ကောင်အခြေစိုက် သတင်းဝက်ဘ်ဆိုက်တစ်ခုတွင် ဖော်ပြသည်။

ကွမ်ကျိုးတွင် နိုင်ငံပိုင် လူနေခန်းအငှားချထားရေးကုမ္ပဏီတစ်ရပ် တည်ထောင်ရန်အတွက် ICBC က ကမ်းလှမ်းလိုက်ခြင်းလည်း ဖြစ်သည်။

ICBC သည် ပေကျင်းအခြေစိုက်ဖြစ်ပြီး ကွမ်ကျိုးအခြေစိုက် ကုမ္ပဏီ ၂ ခုဖြစ်သည့် Yuexiu Group ၊ Pearl River Enterprises Group တို့နှင့်လက်တွဲကာ တရုတ်ပြည်တောင်ပိုင်း ကွမ်တုံပြည်နယ်၏ လူနေအိမ်ခန်း အငှားဈေးကွက်ကို ဖွံ့ဖြိုးစေရန် အကောင်အထည် ဖော်သွားရန် မဟာဗျူဟာမြောက် ပူးပေါင်းဆောင်ရွက်ရေးသဘောတူစာချုပ် ချုပ်ဆိုထားခဲ့ပြီး ဖြစ်သည်။

ယခုအခါအဆိုပါဘဏ်က ကုမ္ပဏီ ၂ ခုတို့သို့ လူနေအိမ်ရာစီမံကိန်းများ အကောင်အထည်ဖော်ရန် ချေးငွေချထားပေးရေး ကမ်းလှမ်းခြင်းလည်း ဖြစ်သည်။
လူနေအိမ်ရာများတွင် နေထိုင်မည့်သူများကိုလည်း ဘဏ္ဍာရေးအထောက်အပံ့များ ပေးအပ်သွားမည်ဖြစ်ကြောင်းလည်း ICBC က ထုတ်ပြန်ထားသည်။

ယခုလအစောပိုင်းတွင် တရုတ်ဆောက်လုပ်ရေးဘဏ် (CCB) (တရုတ်ပြည်၏ ဒုတိယအကြီးမားဆုံးဘဏ်) သည်လည်း အငှားလူနေအိမ်ဈေးကွက်အတွက် ငွေထုတ်ချေးမှုများ ပြုလုပ်လာခဲ့သည်။

တရုတ်ပြည်တွင် ဒေသတွင်း အုပ်ချုပ်ရေးအဖွဲ့များသည် အငှားအိမ်ရာဈေးကွက်ဖွံ့ဖြိုးစေရန် စီမံကိန်းများကို ထုတ်ဖော်ကြေညာလာကြလျက်ရှိသည်။

Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)