တစ်လကျပ်နှစ်သောင်း အငှားအိမ်ရာလျှောက်လွှာခေါ်

စစ်ကိုင်းတိုင်းဒေသကြီး မုံရွာနှင့် ရွှေဘိုမြို့ရှိ တစ်လ ကျပ်နှစ်သောင်း ပေးရမည့် အငှားအိမ်ရာ လျှောက်လွှာများကို ဖေဖော်ဝါရီလ ၁၃ ရက်နေ့မှ စတင် ခေါ်ယူလျက်ရှိပြီး ဖေဖော်ဝါရီလ ၂၄ ရက်နေ့တွင် လျှောက်လွှာခေါ်ယူမှု ပိတ်မည်ဖြစ်ကြောင်း မြို့ပြနှင့်အိမ်ရာ ဖွံ့ဖြိုးရေးဦးစီးဌာနထံမှ သိရသည်။

အဆိုပါ အငှားအိမ်ရာများသည် မုံရွာမြို့ မြို့သစ်ရပ်ကွက်နှင့် ရွှေဘိုမင်းရွာ အုပ်စုတွင် ပြည်ထောင်စု ထောက်ပံ့ရေး ရန်ပုံငွေဖြင့် တည်ဆောက်ထားခြင်းဖြစ်ပြီး ၁၂ ခန်းတွဲ ငါးထပ်တိုက်ခန်းဖြစ်ကာ
မုံရွာမြို့တွင် အခန်းပေါင်း ၁၂၀၊ ရွှေဘိုမြို့တွင် အခန်းပေါင်း ၁၂၀ ကို တစ်လကျပ်နှစ်သောင်းဖြင့် ငှားရမ်းမည်ဖြစ်ကြောင်း အဆိုပါဌာနထံမှ သိရသည်။

ယင်းလျှောက်လွှာများကို ဇန်နဝါရီလ ၃၀ ရက်နေ့မှ ဖေဖော်ဝါရီလ ၁၀ ရက်နေ့အထိ တစ်စောင်လျှင် ကျပ် ၅၀ဝ ဖြင့် ရောင်းချပေးခဲ့ပြီး ယင်းလျှောက်လွှာများကို ဖေဖော်ဝါရီလ ၂၄ ရက်နေ့ နောက်ဆုံး လက်ခံ၍ လျှောက်လွှာ စိစစ်ရေး ကော်မတီက စိစစ်ရွေးချယ်ကာ မဲစနစ်ဖြင့် ရွေးချယ်မည်ဖြစ်ကြောင်း ယင်းဌာန ဒုတိယ ညွှန်ကြားရေးမှူး ဦးကျော်ကျော်လင်းက ပြောကြားသည်။

အဆိုပါ လျှောက်လွှာများကို စစ်ကိုင်းတိုင်းဒေသကြီး လမ်းပန်းဆက်သွယ်ရေး ဝန်ကြီးက ဥက္ကဋ္ဌအဖြစ် ဆောင်ရွက်၍ မုံရွာခရိုင် စီမံခန့်ခွဲရေး ဥက္ကဋ္ဌ၊ လွှတ်တော်ကိုယ်စားလှယ်၊ မြို့နယ်စည်ပင်သာယာရေး အဖွဲ့ဝင်တစ်ဦး၊ တိုင်းအစိုးရ အဖွဲ့ဝင်တစ်ဦး၊ မြို့နယ် ရဲတပ်ဖွဲ့ဝင်တစ်ဦးတို့နှင့် မြို့ပြအိမ်ရာ ဦးစီးဌာန ညွှန်ကြားရေးမှူးက အတွင်းရေးမှူးအဖြစ် ပါဝင်သည့် စိစစ်ရေး ကော်မတီက စိစစ်မည်ဖြစ်ကာ အငြိမ်းစားဝန်ထမ်း၊ အစိုးရဝန်ထမ်းများနှင့် ဝင်ငွေနည်းမိသားစု လွှောက်လွှာဟု အရောင်သုံးရောင် သတ်မှတ်ထားကြောင်း အဆိုပါဌာနထံမှ သိရသည်။

Credit: The Voice