ရန်ကုန်တိုင်း၌ ကိုးလအတွင်း အိမ်ခြံမြေအခွန်ကျပ် ၁၇ ဘီလီယံကောက်ခံရရှိ

ယခု ၂၀၁၆-၁၇ဘဏ္ဍာ နှစ်အစ ဧပြီမှ ဒီဇင်ဘာအထိ ကိုး လအတွင်း ရန်ကုန်တိုင်းရှိ အိမ်ခြံမြေရောင်းဝယ်ခြင်းမှ အခွန်ကျပ် ၁၇ ဘီလီယံ ကောက်ခံရရှိထား ကြောင်း ပြည်တွင်းအခွန်များဦးစီး ဌာနမှ သတင်းရရှိသည်။

‘‘နောက်နှစ်မှာ အသစ်ထွက် လာမယ့် အိမ်ခြံမြေအခွန်နှုန်းထား ကို စောင့်နေကြတာနဲ့ အရောင်း အ၀ယ် နည်းတာတွေကြောင့် ဒီ နှစ်မှာ အိမ်ခြံမြေအခွန်ဆောင်တာ နည်းသွားတယ်။ ပြီးတော့ အခွန် နှုန်း ထားတွေ လျှော့တာတွေ ကြောင့်လည်း အိမ်ခြံမြေအခွန် ကောက်ခံရရှိမှု နည်းသွားတယ်’’ ဟု ပြည်တွင်းအခွန်များဦးစီး ဌာန ညွှန်ကြားရေးမှူးကပြော သည်။

အိမ်ခြံမြေအရောင်းအ၀ယ် ဖြစ်ပါကရောင်းဝယ်သည့် ငွေ ကြေးနှင့်ကိုက်ညီသည့်တံဆိပ် ခေါင်း ကပ်ရမည်ဖြစ်ပြီး တံဆိပ် ခေါင်းမကပ်ဘဲ ချုပ်ဆိုထားသည့် စာချုပ်များသည် တရားဥပဒေအ ရ အကျုံးဝင်ခြင်းမရှိပေ။ ယင်းသို့ ရောင်းဝယ်ခြင်းများ စစ်ဆေး တွေ့ရှိပါက သတ်မှတ်တန်ဖိုး၏ ၁၀ ဆကို ဒဏ်ကြေးအဖြစ် ပေး ဆောင်ရမည်ဖြစ်ကြောင်း ပြည်တွင်း အခွန်များဦးစီးဌာနမှ သတင်းရရှိသည်။

၂၀၁၆ တွင် ပြောင်းလဲခဲ့ သည့် ပြည်ထောင်စုအခွန်အ ကောက်ဥပဒေ၌ အိမ်ခြံမြေ ၀ယ် ယူရာတွင် ၀င်ငွေရလမ်းဖော်ပြနိုင် ပါက အခွန်ကင်းလွတ်ခွင့်ပြုထား သည်။

ဝင်ငွေရလမ်းတင်ပြနိုင်ခြင်း မရှိမှသာ အိမ်ခြံမြေအခွန်နှုန်းထား များကို တစ်ကျပ်မှ သိန်းတစ် ထောင်အထိ အခွန် ၃ ရာခိုင်နှုန်း၊ ကျပ်သိန်း တစ်ထောင်ကျော်မှ သိန်းငါးထောင်အထိ ၅ ရာခိုင် နှုန်း၊ ကျပ်သိန်းငါးထောင်ကျော်မှ သိန်းတစ်သောင်းအထိ ၁၀ ရာခိုင်နှုန်း၊ ကျပ်သိန်းတစ်သောင်း ကျော်မှ သိန်းတစ်သောင်းခွဲအထိ ၂၀ ရာခိုင်နှုန်းနှင့် သိန်းတစ် သောင်းခွဲအထက်ကို ၃၀ ရာခိုင် နှုန်းပေးဆောင်ရန် ၂၀၁၆ ပြည် ထောင်စုအခွန်အကောက် ဥပဒေ တွင် ဖော်ပြထားသည်။

လက်ရှိတွင် ၂၀၁၅ ၌ ရေး ဆွဲထားသည့် အိမ်ခြံမြေစံနှုန်းများ ဖြင့် အခွန်စည်းကြပ်လျက်ရှိပြီး အဆိုပါစံနှုန်းသည် ၂၀၁၅ တွင် ဈေးကွက်အတွင်း အရောင်းအ ၀ယ်ဖြစ်နေသည့် နှုန်းထားများကို အခြေခံ ရေးဆွဲထားခြင်း ဖြစ် သည်။

အဆိုပါ နှုန်းထားများသည် တစ်နှစ်တစ်ကြိမ် အပြောင်းအလဲ ရှိပြီး အစိုးရသစ်လက်ထက်တွင် အသစ်ပြင်ဆင်ရေးဆွဲထားသော်လည်း အိမ်ခြံမြေ အရောင်းအ၀ယ်အေးစက်ခြင်းကြောင့် နှုန်းထား ပြောင်းလဲခြင်း မရှိသေးပေ။


Credit: 7DayDaily