တန်ဖိုးမျှတအိမ်ရာ အခန်းပေါင်း ၈၆၀၀ သုံးနှစ်အတွင်း ထပ်မံဆောက်မည်

တန်ဖိုးမျှတ တိုက်ခန်းပေါင်း ၈၆၀၀ထပ်မံဆောက်လုပ်ပြီး လက်ရှိလျှောက်ထားသူများအား အလှည့်ကျရောင်းချ ပေးမည်ဖြစ်သည်။ မန္တလေးတိုင်းဒေသကြီး မြို့ ပြနှင့် အိမ်ရာဖွံ့ ဖြိုးရေးဦးစီးဌာနက ၂၀၁၇- ၂၀၁၈ ဘဏ္ဍာနှစ်မှစ၍ သုံးနှစ်အတွင်း တန်ဖိုးမျှတအိမ်ရာ တိုက်ခန်းပေါင်း ၈၆၀၀ ဆောက်လုပ်သွားမည်ဖြစ်ပြီး လက်ရှိ မြရည်နန္ဒာတန်ဖိုးမျှတအိမ်ရာ လျှောက်ထားပြီးဖြစ်သူများအား အလှည့် ကျ မဲစနစ်ဖြင့် ရောင်းချပေးမည်ဖြစ် ကြောင်း ယင်းဌာနညွှန်ကြားရေးမှူး ဦးအောင်ကျော်ဦးက ပြောကြားသည်။

လက်ရှိတွင် မြရည်နန္ဒာရပ်ကွက် ၌ တည်ဆောက်ပြီးစီးနေသည့်တန်ဖိုးမျှ တအိမ်ရာ အခန်းပေါင်း ၅၆၀ ကို ရောင်းချရန် နိုဝင်ဘာ ၁ ရက်မှ ၃၀ ရက် အထိ လျှောက်လွှာပေါင်း ၁၃၀၀၀ ကျော် ရောင်းချပေးပြီး ၂၀၁၇ ခုနှစ် ဇန်နဝါရီ ၄ ရက်တွင် မဲစနစ်ဖြင့် ရောင်းချပေးမည် ဖြစ်ရာ ယင်းအိမ်ရာမရရှိခဲ့ပါက ထပ်မံ ဆောက်လုပ်မည့် အိမ်ရာများကို အလှည့်ကျမဲစနစ်ဖြင့် ရောင်းချပေးမည် ဖြစ်ကြောင်း သိရသည်။ “ဒီဇင်ဘာ ၂၈ ရက်အထိ လျှောက်လွှာတင်သူ ၆၀၀၀ ကျော်ရှိတယ်။ နောက်ဆုံးရက်ဖြစ်တဲ့ ဒီဇင်ဘာ ၃၀ ရက်အထိဆိုရင် ၉၀၀၀ ကျော်မယ်လို့ ခန့်မှန်းတယ်။

ဒါကြောင့် လျှောက်ထားသူအားလုံးကို မှတ်ပုံတင် ထားဖို့နဲ့ သုံးနှစ်အတွင်းမှာ သူတို့အားလုံး အိမ်ပိုင်ရပြီလို့ သဘောထားပြီး ကြိုတင် ငွေစုထားကြပါ”ဟု ၎င်းက ပြောသည်။ အသစ်ထပ်မံ ဆောက်လုပ်မည့် တန်ဖိုး မျှတအိမ်ရာ ၈၆၀၀ ကို ၂၀၁၇-၂၀၁၈ မှ စ၍ ဘတ်ဂျက်ချထားမှုပေါ် မူတည်၍ နှစ်စဉ်ဆောက်လုပ်မည်ဖြစ်ရာ ယခု လျှောက်ထားသူအားလုံးကို ရောင်းချ ပေးပြီးမှသာ လျှောက်လွှာသစ်များကို လက်ခံပေးသွားမည်ဖြစ်ကြောင်း သိရ သည်။

Credit : MOI Webportal Myanmar