မြန်မာနိုင်ငံ အင်ဂျင်နီ ယာအသင်းသည် ၂ နှစ်အတွင်း မြန်မာနိုင်ငံ ရင်းနှီးမြှုပ်နှံမှုကော် မရှင်မှပေးပို့သည့် စီမံကိန်း ၁၅၀ ကျော် စစ်ဆေးပေးခဲ့ရကြောင်း အင်ဂျင်နီယာအသင်း ဥက္ကဋ္ဌ ဦးဝင်းခိုင်ကပြောသည်။
စီမံကိန်းပေါင်း ၁၅၂ ခုတွင် ရန်ကုန်မြို့လယ်မှ ရှေးဟောင်း အဆောက်အအုံများ၊ ရင်းနှီးမြှုပ် နှံမှု ကြီးမားသည့် အထပ်မြင့် အဆောက်အအုံများ၊ စက်မှုဇုန် များ၊ ဟိုတယ်များ၊ လေဆိပ်စီမံ ကိန်းသစ်များ၊ သင်္ဘောဆိပ်ကမ်း များ အများဆုံးပါဝင်သည်ဟု ဦးဝင်းခိုင်ကပြောသည်။
စီမံကိန်းများကို ခွင့်ပြုရန် မြန်မာနိုင်ငံ ရင်းနှီးမြှုပ်နှံမှုကော် မရှင် အင်ဂျင်နီယာအသင်းသို့ နည်းပညာ သဘောတရားအရ စစ်ဆေးမှုများပြုလုပ်ပေးရန် ပေး ပို့ခဲ့ခြင်းဖြစ်ပြီး နိုင်ငံ၏ မြေထု၊ လေထုအမျိုးသားအကျိုးစီးပွား အတွက်သာကြည့်၍ အဓိကစစ် ဆေးပေးခဲ့သည်ဟု ဦးဝင်းခိုင်က ပြောသည်။
‘‘တချို့ ရန်ကုန်မြို့လယ်က ရှေးဟောင်းအဆောက်အအုံတွေ ဆိုရင် ရွရွလေးပဲသုံးလို့ရတာတွေ ရှိတယ်။ ဒါတွေကိုတော့ ဟိုတယ် အဖြစ်လုပ်ဖို့ခွင့်မပြုခဲ့ဘူး’’ဟု ဦးဝင်းခိုင်ကပြောသည်။
၂၀၁၅ အတွက် ထပ်မံ စစ်ဆေးရန် စီမံကိန်းအချို့လည်း မြန်မာနိုင်ငံ အင်ဂျင်နီယာ အသင်းသို့ ရောက်ရှိနေပြီဟု သိရသည်။
အဆင့်ဆင့်ထောက်ခံချက် များဖြင့်လုပ်ကိုင်ရန် တင်ပြလာ သည့် စီမံကိန်းများကို မြန်မာနိုင်ငံ ရင်းနှီးမြှုပ်နှံမှုကော်မရှင်မှ အဖွဲ့ ဝင် ၁၃ ဦးပါဝင်သော ကိုယ်စား လှယ်များက စီမံကိန်းများအပေါ် နောက်ဆုံးအဆင့် ရွေးချယ်ပေး ခြင်းဖြစ်သည်။
လက်ရှိတွင် နိုင်ငံတစ်ဝန်းရှိ စီမံကိန်းများကို မြန်မာနိုင်ငံ ရင်းနှီးမြှုပ်နှံမှု ကော်မရှင်မပါဝင်ဘဲ ခွင့်ပြုပေးနိုင်ရန် လာမည့်ဘဏ္ဍာနှစ်၌ ရင်းနှီးမြှုပ်နှံမှုစိစစ်ခွင့်ပြုရေးကော်မတီတစ်ရပ် ဖွဲ့စည်းရန် စီစဉ်နေကြောင်းသိရသည်။
မြန်မာနိုင်ငံ ရင်းနှီးမြှုပ်နှံမှု ကော်မရှင်က ၂၀၁၄ အတွင်း ရင်းနှီးမြှုပ်နှံမှုဆိုင်ရာ လုပ်ငန်း ပေါင်း ၁၅၀ ကျော် လုပ်ကိုင်ခွင့် ချထားပေးခဲ့ပြီးဖြစ်ကြောင်း သိရသည်။
Credit: 7 day daily
