မုံရွာစက်မှုဇုန်အတွင်း အသေးစား၊ အလတ်စားလုပ်ငန်းရှင်များ ချေးငွေထုတ်ယူနိုင်ရန် မြေဂရန်လျှောက်ထားသူ ပိုမိုများပြားလာကြောင်း မုံရွာစက်မှုဇုန်စီမံခန့်ခွဲမှုကော်မတီမှ သတင်းရရှိသည်။
‘‘မုံရွာစက်မှုဇုန်အတွင်းက လုပ်ငန်းလုပ်ကိုင်နေတဲ့မြေအချို့ က ဂရန်မလျှောက်ရသေးတာများ တယ်။ တချို့က ဂရန်ရှိပေမယ့် ပိုင်ရှင်အမည်ပြောင်းရတာတွေ လည်းရှိတယ်။ အခုအချိန်မှာ အသေးစား၊ အလတ်စားလုပ်ငန်းရှင်တွေ ချေးငွေထုတ်ယူဖို့ ဂရန်က မရှိမဖြစ်လိုအပ်တဲ့အတွက် မြေဂရန်လျှောက်ထားသူ ပိုများလာတာဖြစ်ပါတယ်’’ဟု မုံရွာစက်မှုဇုန်စီမံခန့်ခွဲမှုကော်မတီရုံး တာဝန်ရှိသူတစ်ဦးကပြောကြားသည်။
အသေးစား၊ အလတ်စားစက်မှုလုပ်ငန်းရှင် ၇၄ ဦးက မုံရွာခရိုင်အထွေထွေအုပ်ချုပ်ရေး ဦးစီးဌာနသို့ ယခုလအတွင်း ဂရန်လျှောက်ထားခဲ့ပြီး နောက်ထပ်လျှောက်ထားသူ ၃၀ ဦးခန့်ရှိနေဆဲဖြစ်ကြောင်း ယင်းကော်မတီရုံးမှသိရသည်။
‘‘အသေးစား၊ အလတ်စား လုပ်ငန်းရှင်တွေ ချေးငွေထုတ်ယူ နိုင်တယ်ဆိုလို့ လျှောက်ကြတယ်။ လုပ်ငန်းလည်ပတ်ဖို့ ငွေအခက် အခဲကြောင့် ချေးငွေလျှောက်ထားကြတဲ့အခါ မြေဂရန်ရှိမှဖြစ်မယ်ဆိုလို့ မြေဂရန်လျှောက်ကြတယ်။ မြေစာရင်းကတော့ အခက်အခဲမရှိပေမယ့် အခွန်ရုံးက မြေခွန်သာမက မြေပေါ်အဆောက်အအုံအခွန်ပါစည်းကြပ်လို့ လုပ်ငန်းရှင်တွေ အခက်အခဲဖြစ်နေတယ်။ လုပ်ငန်းရှင်အနေနဲ့ ပေးဆောင်နိုင်မယ့်ငွေပမာဏဆိုရင် အခွန်ရှောင်မယ့်သူလည်း ရှိလာမှာ မဟုတ်ဘူး။ ချေးငွေလျှောက်တဲ့အခါ ရုံးလုပ်ငန်းပိုင်းက လုပ်ထုံးလုပ်နည်းတွေအရ ဌာနတွေစစ်ဆေးတာရော၊ ဘဏ်လုပ်ငန်းအရ စစ်ဆေးတာရောကြောင့် ချေးငွေထုတ်ယူဖို့ အချိန်ကြန့်ကြာမှုတွေလည်းရှိတယ်။ ဒါကြောင့်အချို့အလတ်စားစက်မှုလုပ်ငန်းရှင်တွေက ချေးငွေမထုတ်ကြ တော့ဘူး’’ဟု မုံရွာစက်မှုဇုန်လုပ်ငန်းရှင်တစ်ဦးကပြောသည်။
စစ်ကိုင်းတိုင်းဒေသကြီး အတွင်း အသေးစားအလတ်စား ဖွံ့ဖြိုးတိုးတက်ရေးလုပ်ငန်းမှ ငွေကျပ်၂ ဘီလီယံချေးငွေ ထုတ်ပေးရန် လျာထားသော်လည်း အကြောင်းအမျိုးမျိုးကြောင့် ချေးငွေထုတ်ယူပြီး လုပ်ငန်းရှင်များလက်ဝယ်တွင် အသုံးပြုနေသည့် ငွေပမာဏမှာ ကျပ်သိန်းသုံးထောင်ကျော်သာရှိကြောင်း လုပ်ငန်းရှင်များထံမှသိရှိရသည်။
Credit: 7 day daily
