ဗိုလ်တထောင်၊ ကြည့်မြင်တိုင်၊ မြောက်ဥက္ကလာပ၊ ဒဂုံမြောက်၊ ဒဂုံအရှေ့တို့တွင် မြို့ပြအိမ်ရာ၊ တန်ဖိုးမျှတအိမ်ရာ စီမံကိန်းများ ပုဂ္ဂလိကနှင့် အကျိုးတူပူးပေါင်းဆောင်ရွက်ရန် မကြာမီ တင်ဒါရွေးချယ်မည်
ရန်ကုန်မြို့ရှိ ဗိုလ်တထောင်၊ ကြည့်မြင်တိုင်၊ မြောက်ဥက္ကလာပ၊ ဒဂုံမြို့သစ်မြောက်ပိုင်း၊ ဒဂုံမြို့သစ် အရှေ့ပိုင်းတို့တွင် တန်ဖိုးမျှတအိမ်ရာ စီမံကိန်းနှင့် မြို့ပြအိမ်ရာ စီမံကိန်းများအား ပုဂ္ဂလိက ကုမ္ပဏီများနှင့် အကျိုးတူပူးပေါင်းဆောင်ရွက်ရန် မကြာမီ တင်ဒါရွေးချယ်တော့မည်ဖြစ်ကြောင်း ရန်ကုန်မြို့တော် စည်ပင်သာယာရေးကော်မတီမှ သိရသည်။
အဆိုပါ စီမံကိန်းများကို ပုဂ္ဂလိကနှင့် ပူးပေါင်းဆောင်ရွက်ရန်အတွက် မတ်လအတွင်းက တင်ဒါခေါ်ယူခဲ့ခြင်းဖြစ်ပြီး အကျိုးတူပူးပေါင်း ဆောင်ရွက်လိုသည့် ကုမ္ပဏီ ၅၄ ခုက တင်ဒါတင်သွင်းခဲ့သည်ဟု သိရသည်။
ဗိုလ်တထောင်မြို့နယ် သိမ်ဖြူ လမ်းနှင့် ကုန်သည်လမ်းထောင့်ရှိ မြေဧရိယာ ၃ ဒသမ ၀၆၈ ဧကခန့်တွင် မြို့ပြအိမ်ရာစီမံကိန်း ဆောက်လုပ်ရန်အတွက် ကုမ္ပဏီ ၃၁ ခု၊ ကြည့်မြင်တိုင်မြို့နယ် ဈေးကြီးလမ်းရှိ မြေဧရိယာ ၃၆၄ ဧကခန့်တွင် မြို့ပြအိမ်ရာစီမံကိန်း ဆောက်လုပ်ရန် ကုမ္ပဏီခုနစ်ခု၊ မြောက်ဥက္ကလာပမြို့နယ် ရွှေပေါက်ကံ ပုလဲလမ်းနှင့် ဟံသာဝတီလမ်းထောင့်ရှိ မြေဧရိယာ ၁၀ ဒသမ ၉၃ ဧကခန့်တွင် မြို့ပြအိမ်ရာ စီမံကိန်းများ ဆောက်လုပ်ရန်အတွက် ကုမ္ပဏီလေးခု၊ ဒဂုံမြို့သစ် မြောက်ပိုင်းမြို့နယ် ရာဇာဓိရာဇ်လမ်းရှိ မြေဧရိယာ ၄၀ ဒသမ ၄၉၃ ဧကခန့်တွင် မြို့ပြအိမ်ရာစီမံကိန်း ဆောက်လုပ်လုပ်ရန် ကုမ္ပဏီ ၁၀ ခုနှင့် ဒဂုံမြို့သစ် အရှေ့ပိုင်းမြို့နယ် မင်းရဲကျော်စွာလမ်းရှိ မြေဧရိယာ ၁၁ ဧကခန့်တွင် တန်ဖိုးမျှတအိမ်ရာစီမံကိန်း ဆောက်လုပ်ရန် ကုမ္ပဏီနှစ်ခု တင်ဒါတင်သွင်းခဲ့ခြင်းဖြစ်သည်။ တင်ဒါတင်သွင်းထားသည့် ကုမ္ပဏီစာရင်းများကိုမူ အသေးစိတ်ထုတ်ပြန်ခြင်း မပြုပေ။
အဆိုပါ ကုမ္ပဏီများထဲမှ အကျိုးတူပူးပေါင်း ဆောက်လုပ်ခွင့်ရရှိမည့် ကုမ္ပဏီကို ရန်ကုန်တိုင်းဒေသကြီး အစိုးရအဖွဲ့ဝင် ၀န်ကြီးအချို့၊ ရန်ကုန်မြို့တော် စည်ပင်သာယာရေးကော်မတီ တာဝန်ရှိသူများ အပါအ၀င် အဖွဲ့ဝင် ၁၆ ဦးဖြင့် ဖွဲ့စည်းထားသည့် တင်ဒါစိစစ်ရွေးချယ်ရေးအဖွဲ့က ရွေးချယ်သွားမည်ဖြစ်ကြောင်း သိရသည်။
တင်ဒါရွေးချယ်ပြီးသည့်နှင့် လုပ်ငန်းသဘောတူစာချုပ်များ ချုပ်ဆိုကာ လုပ်ငန်းများစတင် ဆောင်ရွက်မည်ဖြစ်ပြီး မြို့ပြအိမ်ရာ လိုအပ်ချက်ကို ဖြည့်ဆည်းနိုင်ရန် ရည်ရွယ်၍ အကောင်အထည်ဖော်ရန် စီစဉ်ခြင်းဖြစ်ကြောင်း သိရသည်။
သို့ရာတွင် လက်ရှိအကောင်အထည်ဖော် ပြီးစီးတော့မည့် ဒဂုံမြို့သစ် မြောက်ပိုင်းမြို့နယ်ရှိ ဗိုလ်ဗထူးနှင့် ဗိုလ်မင်းရောင်တန်ဖိုးမျှတအိမ်ရာ စီမံကိန်းများမှ တိုက်ခန်းဈေးနှုန်းများမှာ အခြေခံလူတန်းစား အများပြည်သူ မ၀ယ်နိုင်သည့် ဈေးနှုန်းများ ဖြစ်နေခဲ့ကြောင်း သိရသည်။
Credit: Eleven media
