မြေနီကုန်းလမ်းဆုံ ခုံးကျော်တံတားသည် တည်ဆောက်ချိန်ကာလ ရှစ်လကြာမြင့်မည် ဖြစ်ပြီး ၂ဝ၁၅ ခုနှစ်၊ မေလ ၆ ရက်တွင် ပြီးစီးမည်ဖြစ်ကြောင်း သိရသည်။
အဆိုပါတံတားအား Capital Diamond Star Group ၏ ကုမ္ပဏီခွဲတစ်ခုဖြစ်သည့် Capital Construction မှ ဆောက်လုပ်လျက်ရှိရာတံတားပန္နက်တင် အခမ်းအနားကိုစက်တင်ဘာလ ၆ ရက်က ပြုလုပ်ခဲ့ သည်။
တံတားသည် ပြည်လမ်း ဟံသာဝတီ ဘတ်စ်ကားမှတ်တိုင်မှ ပြည်သူ့ရင်ပြင်ရှေ့ ဘတ်စ်ကားမှတ်တိုင် ဖြစ်ပြီး မြေနီကုန်းလမ်းဆုံ မီးပွိုင့်၊ ရှင်စောပုလမ်းနှင့် ပြည်လမ်းမီးပွိုင့်နှစ်ခုကို ဖြတ်ပြီး ဆောက်လုပ်မည် ဖြစ်သည်။
တံတားဆောက်လုပ်စဉ်ကာလအတွင်းတွင် ယာဉ်ကျပ်မှုကို ဖြေလျှော့နိုင်ရန်အတွက် တံတားဘိုးပိုင် မတူးမီ လမ်းဘေးဝဲယာ လမ်းချဲ့ခြင်း၊ မထသနှင့် ညှိနှိုင်းပြီး အချို့သောဘတ်စ်ကားလိုင်းများအား လမ်းလွှဲမှ သွားစေခြင်းတို့ကို ဆောင်ရွက်သွားမည်ဟု Capital Construction မှစီမံကိန်းဒါရိုက်တာ ဦးသက်လင်းက ပြောသည်။
တံတားဒီဇိုင်းကို ဂျပန်နိုင်ငံ JFE Engineering Corporation မှရေးဆွဲပေးထားပြီး သံကူကွန်ကရစ် တံတားအမျိုးအစားဖြစ်၍ တံတားအရှည်သည် ၂၃၁ဝ ဒသမ ၅ ပေ၊ ယာဉ်ခံနိုင်ဝန် ၇၅ တန်ဖြစ်သည်။ တံတားအကျယ်သည် လေးလမ်းသွားဖြစ်ပြီး ၄၈ ပေ ကျယ်၍တံတား ကင်းလွတ်အမြင့် ၁၃ ဒသမ ၁၂ ပေနှင့် တံတားပေါ်တွင် တစ်နာရီ ၆ဝ ကီလိုမီတာနှုန်းဖြင့် မောင်းနိုင်သည်ဟု သိရသည်။
၎င်းတံတားတည်ဆောက်ရန်ရန်ကုန်တိုင်းဒေသကြီး အစိုးရကတင်ဒါစနစ်ဖြင့် ခေါ်ယူခဲ့ရာ ပဏာမ ငါးဦးထဲမှ Capital Construction ကို ရွေးချယ်ခဲ့သည်။
တံတားဆောက်လုပ်ခြင်းနှင့်ပတ်သက်၍ အတွေ့အကြုံရှိသောကုမ္ပဏီဖြစ်သည့်အတွက် နည်းပညာ ပိုင်း အားသာချက်ကြောင့် ရွေးချယ်ခံခဲ့ရခြင်း ဖြစ်သည်ဟု ဦးသက်လင်းက ပြောသည်။
”တည်ဆောက်ရေးမှာ လမ်းအောက်မှာရှိတဲ့ ရေပိုက်လိုင်း၊ ဆက်သွယ်ရေးကြိုးတွေ မြေအောက်မှာ ရှိနေတယ်။ အုတ်မြစ်လုပ်ဖို့အတွက်ရွှေ့ရတယ်။ ဆောက်လုပ်ရင်းနဲ့မမျှော်လင့်ဘဲ တွေ့လာနိုင်တဲ့ အခက် အခဲတွေလည်း ရှိတယ်။ ပြည်လမ်းက ကားအသွားအလာ များတယ်။ သံချောင်းသယ်တဲ့ကားတွေ ဝင်ဖို့က ညဘက်မှ လုပ်ရတာတွေလည်းရှိတယ်”ဟု ၎င်းက ပြောသည်။
ယခုအခါ ယာဉ်မောင်းနှင်သူများနှင့် လမ်းအသုံးပြုသူများ အဆင်ပြေ ချောမွေ့စွာ အသုံးပြုနေပြီဖြစ် သော ရွှေဂုံတိုင်ခုံးကျော်တံတားကိုလည်း Capital Construction ကပင် တာဝန်ယူဆောက်လုပ်ခဲ့ခြင်းဖြစ်ပြီး ၂ဝ၁၂ ခုနှစ်၊ ဒီဇင်ဘာလ ၁၂ ရက်တွင် စတင်တည်ဆောက်ခဲ့ကာ တည်ဆောက်ချိန် စုစုပေါင်း ၁၁ လ ကြာမြင့်ခဲ့သည်။
Credit : The Trade Times
