ရန်ကုန်မြို့ရှိ ကန်ထရိုက်နှင့် အင်ဂျင်နီယာ (၁၈၅) ဦးအား စည်းကမ်းနှင့်မညီဘဲ မမှန်မကန် ဆောက်လုပ်မှု များကြောင့် လုပ်ကိုင်ခွင့် လိုင်စင် ပိတ်သိမ်းသည် အထိ အရေးယူ ဆောင်ရွက် ထားကြောင်း ရန်ကုန်မြို့တော် စည်ပင် သာယာရေး ကော်မတီမှ သိရသည်။
၂၀၁၁ ခုနှစ်မှ ၂၀၁၄ ခုနှစ် အတွင်း မမှန်မကန် ဆောက်လုပ်သူ ကန်ထရိုက်တာ (၉၁) ဦးနှင့် လိုင်စင်ရ အင်ဂျင်နီယာ (၉၄)ဦး စုစုပေါင်း (၁၈၅) ဦးကို အရေးယူ နိုင်ခဲ့ကြောင်း သိရသည်။
““သတ်မှတ် စည်းမျဉ်းနဲ့ မညီတဲ့ အဆောက်အအုံ တွေကို မြို့နယ် စစ်ဆေးရေး အဖွဲ့ လိုက်လံ စစ်ဆေးခဲ့တာ ဖြစ်တယ်။ ပြီးတော့ မြေရှင်တွေကိုလည်း တရားဆွဲ ထားတယ်”” ဟု ရန်ကုန်မြို့တော် စည်ပင်သာယာရေး ကော်မတီ (အင်ဂျင်နီယာ အဆောက်အအုံဌာန)မှ လက်ထောက် ဌာနမှူးတစ်ဦးက ပြောသည်။
ထို့ပြင် စိစစ် လက်မှတ်ရေးထိုး သတိပေးခြင်း ခံရသူ (၁၅၂) ဦး၊ လိုင်စင် ပိတ်ခံရသူ၊ အမည်ပျက်စာရင်း အသွင်းခံရသူ (၁၅)ဦးနှင့် ရာသက်ပန် လိုင်စင်ပိတ်သိမ်း ခံရသူ တစ်ဦးတို့ကိုလည်း အရေးယူ ဆောင်ရွက် ထားကြောင်း သိရသည်။
ယင်းကဲ့သို့ မမှန်မကန် ဆောက်လုပ်သည့် ကန်ထရိုက်နှင့် အင်ဂျင်နီယာများ အပြင် တရားမ၀င် ဆောက်လုပ်ထားသည့် မြေရှင် (၂၀၀၀)ကျော် ကိုလည်း အမှုဖွင့်ကာ အရေးယူ ထားကြောင်း ရန်ကုန်မြို့တော် စည်ပင်သာယာရေး ကော်မတီမှ သိရသည်။
““တရားမ၀င် တွေမှာ အဓိက ကန်ထရိုက်သမား တွေပဲ သူတို့ငွေပုံပေးပြီး လုပ်ခိုင်းတော့ အင်ဂျင်နီယာ တွေက တရားဝင်လား မ၀င်လား ဆိုတာမသိဘူး။ ဒါကြောင့် တရားမ၀င် ကန်ထရိုက်တွေ လျော့နည်းဖို့ လုပ်ထုံးလုပ်နည်း တွေကို ထပ်ပြီး ဖြေလျှော့ ပေးသင့်တယ်”” ဟု ဆောက်လုပ်ရေး လိုင်စင်ရ အင်ဂျင်နီယာ ဦးမျိုးသန့်က သုံးသပ်ပြောသည်။
လက်ရှိ ရန်ကုန်မြို့တွင် တရားမ၀င် အဆောက်အအုံများ ထပ်မံ ဆောင်လုပ်လာပါက အဆိုပါ အဆောက်အအုံ များကို ဖြိုဖျက်သည် အထိ အရေးယူ ဆောင်ရွက်သွားမည် ဖြစ်ပြီး၊ ယခုလ အတွင်း တရားမ၀င် အဆောက်အအုံ (၁၅) လုံးအား ဖြိုဖျက်ရန် စီစဉ်ထားကြောင်း ရန်ကုန်မြို့တော် စည်ပင်သာယာရေး ကော်မတီမှ သိရသည်။ ယင်းကဲ့သို့ ရန်ကုန်စည်ပင်မှ အရေးယူ နေသော်လည်း တရားမ၀င် ဆောက်လုပ်မှုများ လျော့ကျသွားခြင်း မရှိသေးပေ။
Credit: The Messenger
