စီးပွားရေး ဖွံ့ဖြိုးတိုးတက်လာမှုနှင့်အတူ ရေးမြို့နယ်အတွင်း လာရောက် ရင်းနှီးမြှုပ်နှံသူများကြောင့် မွန်ပြည်နယ်၊ ရေးမြို့နယ်အတွင်း အိမ်မြေဈေးကွက်မှာ မြင့်တက်လာလျက် ရှိကြောင်း ဒေသခံ စီးပွားရေးလုပ်ငန်းရှင် အချို့က သုံးသပ် ပြောဆိုသည်။ "လွန်ခဲ့တဲ့ ၃ နှစ်ကနဲ့ နှိုင်းရင် ယခုမြေဈေးကွက်က အတော်မြင့်နေပြီ။ ဘဏ်တွေ လာဖွင့်ကြတယ်။ ပုဂ္ဂလိက ဆေးရုံတွေ ဆောက်လာကြတယ်။ ဒေသတွင်း လုပ်ငန်းရှင်တွေကလည်း မြေဝယ်ပြီး ရင်းနှီးမြှုပ်နှံလာကြတယ်။ ဘာသာခြားတွေကလည်း ပုံမှန်ဈေးနှုန်းထက် ဈေးကြီးပေး ဝယ်ယူမှုတွေလည်း ရှိနေတယ်" ဟု ရေးမြို့နယ် ဆန်ကုန်သည်များအသင်း ဥက္ကဋ္ဌ ဦးစိန်မင်း (လေညင်းသာ) က ပြောသည်။ ရေးမြို့နယ်အတွင်း ဈေးကွက်အရ ရန်ကြီးအောင်ရပ်ကွက်အတွင်းရှိ ဘုရင့်နောင်လမ်း (အများအခေါ် ကမ်းနားလမ်း) ၏ အိမ်မြေပေါက်ဈေးမှာ ပေ ၄၀×၆၀ တစ်ကွက်လျင် သိန်းသုံးထောင်နီးပါးခန့် ရှိပြီး အချို့အိမ်များသည် သိန်းငါးထောင်ခန့်ပင် ဈေးခေါ်ထားသည်ဟု ဒေသခံ စီးပွားရေးလုပ်ငန်းရှင် တစ်ဦးက ပြောသည်။
"တစ်လောက ဇေကမ္ဘာ ဦးခင်ရွှေ ရေးမြို့ကိုလာတုန်းက ပြောသွားတာ ရှိပါတယ်။ လာမယ့် ဆယ်နှစ်မှာ စင်ကာပူလို ဖြစ်လာလိမ့်မယ်လို့၊ ဒါတွေကြောင့်လည်း အိမ်ခြံမြေဈေးကွက်တွေက ပိုပြီး လှုပ်ခတ်လာမယ်လို့ ထင်ပါတယ်။ အခုတောင် အိမ်မြေဈေးတွေက တစ်နှစ်ထက်တစ်နှစ် ထက်ဝက်လောက် တက်နေတာလေ" ဟု ဦးစိန်မင်းက ပြောဆိုသည်။ ရေးမြို့နယ်အတွင်းရှိ အိမ်မြေဈေးများမှာ နေ့ချင်းညချင်း ပြောင်းလဲနေကြောင်းကိုလည်း ဒေသခံတို့က ဆိုသည်။ "တလောက အိမ်တစ်လုံးဝယ်ဖို့ ဈေးပြောထားပြီးပြီ။ တစ်ပတ်ပဲ ကြာတယ်။ ဈေးမြင့်သွားတယ်။ လက်ရှိ လိုအပ်နေတော့ ဝယ်လိုက်ရတာပေါ့" ဟု ရေး၌ လတ်တလော အိမ်ဝယ်ယူခဲ့သူ တစ်ဦးက ပြောသည်။ အိမ်ခြံမြေများ ဈေးမြင့်တက်လာမှုနှင့်အတူ တာဝန်ရှိသူများ အနေဖြင့် စနစ်တကျ မြို့ကွက်ချဲ့ထွင်ပေးမှုများ ပြုလုပ်ပေးသင့်ကြောင်း ဒေသခံ စီးပွားရေးလုပ်ငန်းရှင် အချို့က သုံးသပ်လျက် ရှိသည်။
"အဓိကကတော့ Supply နဲ့ demand မမျှတတာပဲ။ မြို့အနေနဲ့ လက်ရှိ တည်ရှိပုံက တိုးချဲ့စရာ မြေလွတ်ဆိုတာ မရှိတော့ဘူး။ ခြံမြေတွေနဲ့ ဝိုင်းနေတယ်။ လူဦးရေ တိုးလာတယ်။ စီးပွားရေး ထွက်ကုန်နဲ့ လမ်းကြောင်းတွေအရ ကုမ္ပဏီတွေဘက်က ရင်းနှီးမြှုပ်နှံ လာနေကြတယ်။ ဒေသခံတွေက မြို့ထဲမှာပဲ နေချင်တယ်။ အစွန်အဖျား ထွက်မနေချင်ကြဘူး။ လုပ်ငန်းရှင်တွေ့လည်း ဈေးကွက်ရှိတဲ့ မြို့ထဲမှာပဲ နေချင်တယ်။ ပြောချင်တာက လက်ရှိ တာဝန်ရှိသူတွေ အနေနဲ့ စနစ်တကျ မြို့ကွက်ချဲ့ထွင်ပေးသင့်တယ်" ဟု ရွှေဆိုင် လုပ်ငန်းနှင့် ခြံလုပ်ငန်းလုပ်ကိုင်သူ ဦးအောင်နိုင်ဝင်းက ပြောသည်။ ရေးမြို့နယ်သည် ရာဘာ၊ ကွမ်းသီး၊ ဒူးရင်းသီး၊ တညင်းသီး စသည့် ဒေသထွက်ကုန်များ ထွက်ရှိပြီး ပင်လယ်ကမ်းစပ်ရှိ ကျေးရွာများတွင် ငါးဖမ်းလုပ်ငန်းနှင့် အအေးခန်းစက်ရုံများကို လုပ်ကိုင်ကြသည်။
"လက်ရှိအချိန်မှာ အိမ်ရာဆောက်လုပ် နေထိုင်ခွင့် ပုံစံ ၁၀၅/၁၀၆၊ မြေယာအခြားနည်း အသုံးပြုတဲ့ ယခင်အခေါ် လန ၃၉၊ ယခုအခေါ် မြေယာဥပဒေ ပုဒ်မ ၃၀ လျှောက်ထားရတာလည်း အရမ်းကို ခက်ခဲနေတယ်။ ဘာကြောင့်လည်းဆိုတာ စဉ်းစားစရာပါ" ဟု ဦးအောင်နိုင်ဝင်းက ဆက်ပြောသည်။ ဆက်လက် ဖြစ်ပေါ်လာမည့် အာဆီယံ အဝေးပြေးလမ်းမကြီး စီမံကိန်း၊ ကုလားကုတ် ရေနက်ဆိပ်ကမ်း စီမံကိန်း၊ သဘာဝအခြေခံ ခရီးသွားလုပ်ငန်းများ ဖြစ်ပေါ်လာနိုင်ခြင်းတို့ကြောင့် ပြင်ပ စီးပွားရေး လုပ်ငန်းရှင်များ မျက်စိကျလျက်ရှိသော မြို့နယ်တစ်ခုလည်း ဖြစ်သည်။
Credit: Hot News Weekly Journal
