ရန်ကုန်မြို့တွင် ရွှေတိဂုံစေတီတော် အပါအဝင် သက်တမ်းအရှည်ဆုံး အမွေအနှစ် အဆောက်အအုံ သုံးခုရှိပြီး တရားဝင်စာရင်းများအရ အမွေအနှစ် အဆောက်အအုံ ၁၈၉ လုံးရှိကြောင်း ရန်ကုန်မြို့ပြ အမွေအနှစ် ထိန်းသိမ်းစောင့်ရှောက်ရေးအဖွဲ့ (YHT) မှသိရသည်။
ရွှေတိဂုံစေတီတော်သည် တည်ဆောက်ပုံအရ သက်တမ်းအရှည်ဆုံးဖြစ်ကာ နှစ်ပေါင်း ၂၆ဝဝ ကျော် သက်တမ်းရှိပြီး ကိုလိုနီခေတ်နှောင်းပိုင်း၊ ၁၉ ရာစုလယ်-နှောင်းပိုင်းကာလ သက်တမ်းအရှည်ဆုံး အဆောက်အအုံတို့မှာ ၁၈၇၇ ခုနှစ် ဆောက်လုပ်ခဲ့သော ယခင်မြန်မာ့မီးရထားကုမ္ပဏီ အဆောက်အအုံနှင့် ၁၈၆၂ တွင် ဆောက်လုပ်ခဲ့သည့် အာမေးနီးယန်း ဘုရားရှိခိုးကျောင်းတို့ဖြစ်ကြောင်း သိရသည်။
ထို့ပြင် ရန်ကုန်မြို့၏ တရားဝင်စာရင်းများအရ အမွေအနှစ် အဆောက်အအုံ စုစုပေါင်း ၁၈၉ လုံးရှိပြီး အဆိုပါ အဆောက်အအုံများမှာ ပြည်သူပိုင်အဆောက်အအုံနှင့် ဘာသာရေးဆိုင်ရာ အထိမ်းအမှတ်များသာ ပါဝင်ကြောင်း သိရသည်။
“ရန်ကုန်မှာရှိတဲ့ ဗိသုကာဆိုင်ရာ အမွေအနှစ် အဆောက်အအုံတွေကို စာရင်းပြည့်အောင် လေ့လာပြီး စာရင်းတွေ ပြန်ကောက်နေပါတယ်။ ဒီအဆောက်အအုံ စာရင်းတွေက သမိုင်းဝင်၊ ဗိသုကာလက်ရာ ကြွယ်ဝတဲ့ ပတ်ဝန်းကျင်ကို အမွေအနှစ်ဇုန်အဖြစ် သတ်မှတ်တဲ့နေရာမှာ အစိုးရကို အထောက်အကူ ပေးနိုင်ပါလိမ့်မယ်။ ဒီအဆောက်အအုံတွေက ရန်ကုန်မြို့ပြရဲ့ လူမှုရေးသမိုင်းကို လေ့လာတဲ့နေရာမှာလည်း အချက်အလက်တွေ ဖြစ်လာနိုင်ပါတယ်” ဟု YHT မှ ဒါရိုက်တာ ဒေါ်မို့မို့လွင်က ပြောကြားသည်။
ရန်ကုန်မြို့တွင် အမွေအနှစ် အဆောက်အအုံများဖြစ်သည့် စေတီပုထိုးများ၊ ဘုရားရှိခိုးကျောင်းများ၊ ကိုလိုနီခေတ်ဗိသုကာ လက်ရာများ ရှိနေပြီး ယင်းတို့ကို ထိန်းသိမ်းစောင့်ရှောက်ရန် လိုအပ်နေကြောင်း သိရသည်။
လက်ရှိတွင် မြို့ပြအမွေအနှစ်များအား ကာကွယ်စောင့်ရှောက်ရန်အတွက် ရန်ကုန်မြို့ပြ အမွေအနှစ် ထိန်းသိမ်းရေးဆိုင်ရာ ဥပဒေကြမ်းရေးဆွဲပြီး တိုင်းဒေသကြီးအစိုးရ ထံတင်ပြထားကြောင်း ရန်ကုန်မြို့ပြ အမွေအနှစ် ထိန်းသိမ်းစောင့်ရှောက်ရေးအဖွဲ့ (YHT) မှ သိရသည်။
ထို့ပြင် ရန်ကုန်မြို့ပြစီမံကိန်း ရေးဆွဲရာတွင် မြို့ပြအမွေအနှစ်များ ကာကွယ်စောင့်ရှောက်ခြင်းကိုပါ ပူးတွဲလုပ်ဆောင်နိုင်ရန် ပြည်ပပညာရှင်များ၏ အကူအညီများ ရယူခြင်း၊ အမွေအနှစ် ထိန်းသိမ်းရေးကို ပြည်ပနိုင်ငံများတွင် သွားရောက်လေ့လာခြင်းနှင့် ရန်ကုန်မြို့ပြ အမွေအနှစ်ကို ကာကွယ်ထိန်းသိမ်းခြင်းနှင့် ပတ်သက်ပြီး အရည်အသွေးမြှင့်တင်ခြင်းဆိုင်ရာ ဆွေးနွေးပွဲများ၊ သင်တန်းများကိုပါ ဆောင်ရွက်သွားမည်ဖြစ်ကြောင်း YHT မှသိရသည်။
Credit: Eleven Media
