ဟောလိဝုဒ်ဂန္ထဝင်ကြယ်ပွင့်၊ အလှနတ်ဖုရားမ မာရီလင်မွန်ရိုးနှင့် တတိယမြောက်ခင်ပွန်းတို့ ငှားရမ်းနေထိုင်ခဲ့သည့် စံအိမ်ကြီးကို တစ်လလျှင် ကန်ဒေါ်လာ ၅၅၀၀၀ ဖြင့် ငှားရမ်းမည်
နယူးယောက်မြို့၊ ဆပ်ဖို့ခရိုင် အရှေ့တောင်ပိုင်းတွင် အရှေ့ ဟမ့်ပ်တန်ဟူသည့်အရပ် တည်ရှိသည်။
အဆိုပါဒေသတွင် Deep Lane လမ်း၊ အမှတ် ၆၄ တွင် တမူထူးခြားကာ ဆိတ်ငြိမ်အေးချမ်းသည့် စံအိမ်တစ်လုံး တည်ရှိ၏။
ယင်းစံအိမ်သည် ဟောလိဝုဒ်ဂန္ထဝင်ကြယ်ပွင့်၊ အလှနတ်ဖုရားမ မာရီလင်မွန်ရိုးနှင့် တတိယမြောက်ခင်ပွန်းတို့ ငှားရမ်းနေထိုင်ခဲ့ရာနေရာ ဖြစ်လေသည်။
စံအိမ်ကြီးမှာ မူလက လေအားဖြင့်လည်ပတ်သည့် ဆန်စက်ကြီးတစ်လုံးဖြစ်ပြီး ၁၈၃၀ ပြည့်နှစ်တွင် ဆောက်လုပ်ခဲ့ခြင်းဖြစ်သည်။
၁၉၅၀ ပြည့်လွန်နှစ်များအထိ လည်ပတ်လုပ်ကိုင်ခဲ့ပြီး မာရီလင်မွန်ရိုးက ၁၉၅၇ ခုနှစ်တွင် ငှားရမ်းနေထိုင်ခဲ့ခြင်း ဖြစ်ကာ ယခုအခါ အငှားဈေးကွက်သို့ ဝင်ရောက်လာခြင်း ဖြစ်သည်။
ခြံအကျယ်အဝန်း ၅ ဒသမ ၄၅ ဧကရှိပြီး ၃ ထပ်အဆောက်အအုံဖြစ်ကာ စံအိမ်၏ စုစုပေါင်းအကျယ်အဝန်း စတုရန်းပေ ၁၁၀၀ ရှိပြီး အိပ်ခန်း ၂ ခန်း ပါဝင်သည်။
ယင်းစံအိမ်တွင် မာရီလင်မွန်ရိုးအပြင် အခြားအကျော်အမော်များလည်း နေထိုင်ခဲ့ဖူးရာ စာရေးဆရာ ကာ့ထ် ဗွန်နီဂတ်နှင့် ရုပ်ရှင်သရုပ်ဆောင် တီရန့်စ် စတန့်ပ်တို့လည်း ငှားရမ်းနေထိုင်ခဲ့ဖူးသည်။
ခြံဝန်းအတွင်း စကားစမြည်ပြောကြရန် ထိုင်ခုံများခင်းကျင်းထားသည့်နေရာတစ်ခုပါဝင်သည်။
ငှားရမ်းမည့် နှုန်းထားမှာ တစ်လလျှင် ကန်ဒေါ်လာ ၅၅၀၀၀ ဖြစ်သည်။
မာရီလင်မွန်ရိုး၏ အမည်ရင်းမှာ နော်မာ ယန်း မော်တန်ဆန်ဖြစ်ပြီး ၁၉၂၆ ခုနှစ်၊ ဇွန်လ ၁ ရက်တွင် မွေးဖွားကာ ၁၉၆၂ ခုနှစ်၊ သြဂုတ်လ ၅ ရက်တွင် ကွယ်လွန်ခဲ့သည်။
အမေရိကန် ရုပ်ရှင်သရုပ်ဆောင်၊ မော်ဒယ်လ်၊ အဆိုတော်အဖြစ် ကျော်ကြားခဲ့သည်။
ဆယ်စုနှစ်တစ်ခုခန့်သာ အနုပညာလောကတွင် ကျင်လည်ခဲ့ရကာ ငယ်ငယ်ရွယ်ရွယ်ဖြင့် ဆုံးပါးခဲ့ရသော်လည်း ထိပ်တန်းဝင်ငွေ အရှာဖွေနိုင်ဆုံး သရုပ်ဆောင်မင်းသမီးများတွင် ပါဝင်ခဲ့ပြီး သူ၏ရုပ်ရှင်များမှ ထိုခေတ် ငွေတန်ဖိုးအရပင် ကန်ဒေါ်လာ သန်း ၂၀၀ ခန့် ရှာဖွေနိုင်ခဲ့သည်။
အိမ်ထောင် ၃ ကြိမ်ကျခဲ့ပြီး နောက်ဆုံးခင်ပွန်းဖြစ်သူမှာ အာသာမေလာဖြစ်ကာ ၁၉၅၆ ခုနှစ်တွင် လက်ထပ်ခဲ့ပြီး ၁၉၆၁ ခုနှစ်တွင် ကွာရှင်းပြတ်စဲခဲ့သည်။
ခင်ပွန်းဖြစ်သူနှင့် ကွာရှင်းပြီး ၁၉၆၂ ခုနှစ်၊ သြဂုတ်လ ၅ ရက်တွင် မူးယစ်ဆေးအလွန်အကျွံသုံးကာ သေဆုံးသွားခဲ့ရသည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
