စုပေါင်းပိုင် အဆောက်အအုံနှင့် စပ်လျဉ်း၍ လိုက်နာရမည့် အချက်အလက်များ ဥပဒေဗဟုသုတအအနေဖြင့် ရေးသားဖော်ပြပေးလိုက်ပါသည်။

စုပေါင်းပိုင်အဆောက်အဦအား လူနေအိမ်ရာအဖြစ် ဆောက်လုပ်ခွင့်ရှိသည့် ဂရန်မြေ၊ မြေပိုင်မြေ ပိုင်ဆိုင်ခွင့် လွှဲပြောင်းနိုင်သော မြေအမျိုးအစားအပေါ်တွင် ဆောက်လုပ်ရပါမည်။ ပြည်ထောင်စုအစိုးရက ခွင့်ပြုပါက နိုင်ငံပိုင်မြေ၊ စည်ပင်သာယာရေးပိုင် မြေပေါ်တွင်လဲ ပုဒ်မ - ၁၅ (ဂ) အရ စုပေါင်းပိုင်အဆောက်အဦ ဆောက်လုပ်ခြင်း ပြုနိုင်ပါသည်။ စုပေါင်းပိုင် အဆောက်အဦ ဆောက်လုပ်ရန်မှာ လုပ်ငန်းလိုင်စင်လဲရှိရန် လိုပါသည်။ စုပေါင်း ပိုင် အဆောက်အအုံ၏ မြေမှာ အနည်းဆုံး စတုရန်းပေ - ၂၀၀၀၀ ရှိရမည်။

မြေပိုင်ရှင် အမည်ပေါက်မှ စုပေါင်းပိုင်မြေအဖြစ် စာချုပ်စာတမ်း မှတ်ပုံတင်ရုံးတွင် ပိုင်ဆိုင်ခွင့် လွှဲပြောင်းပေးပြီး မြေဖြစ်ရမည်။ စုပေါင်းပိုင်မြေအဖြစ် မှတ်ပုံတင်ပြီးဖြစ်ပါက အဆိုပါမြေမှာ စုပေါင်းပိုင်သူများ အားလုံးနှင့်သာ သက်ဆိုင်သော မြေဖြစ်သွားပါသည်။

စုပေါင်းပိုင်အခန်းများ မှတ်ပုံတင်အုံနာဘုတ်အားလဲ တည်ထောင်သူမှ တဆင့် အခန်းပိုင်ဆိုင်သူများအား ထုတ်ယူရမည်ဖြစ်ပါသည်။

အဆိုပါ စုပေါင်းပိုင်မြေပေါ်တွင် စုပေါင်းပိုင်ကွန်ဒို ဆောက်လုပ်ပြီး (သို့) ဆောက်လုပ်ဆဲတွင် အဆောက်အအုံ မှတ်ပုံတင်ခြင်းပြုရန်အတွက် သက်ဆိုင်ရာ စီမံခန့်ခွဲမှုကော်မတီသို့ လျှောက်ထားရမည်။ စုပေါင်းပိုင်အဆောက်အအုံဖြစ်ပါက အခန်း (၄၀%)ထက်မပိုဘဲ နိုင်ငံခြားသားများအား ရောင်းချခြင်း ပြုနိုင်ပါသည်။

စုပေါင်းပိုင်အခန်းများအား ပေးကမ်းခြင်း၊ စွန့်လွှတ်ခြင်း၊ လဲလှယ်ခြင်း၊ ရောင်းချခြင်း၊ တရားရုံးအမိန့် တစ်ရပ်ရပ်အရ လွှဲပြောင်းသည့်အခါတိုင်း ရက်ပေါင်း - ( ၃၀ )အတွင်း မှတ်ပုံတင်ခနှင့် တံဆိပ်ခေါင်းခွန် ထမ်းဆောင်ကာ မှတ်ပုံတင်ခြင်း ဆောင်ရွက်ရမည်။ စုပေါင်းပိုင်အဆောက်အအုံတွင် ပိုင်ဆိုင်နေထိုင်သူသည် စီမံခန့်ခွဲရေးနှင့် ထိန်းသိမ်းစောင့်ရှောက်ရေးအတွက် မူလအချိုးသင့် ပိုင်ဆိုင်မှု အချိုးကျသတ်မှတ် ရန်ပုံငွေအား ထည့်ဝင် ခြင်းပြုရမည်။

အမှုဆောင်အဖွဲ့ ဖွဲ့စည်းသည့်အခါတွင်လဲ ရွေးချယ်တင်မြောက်ခြင်းဖြင့်ဆောင်ရွက်ခြင်းပြုရမည်။အစည်းအဝေးအား တစ်လလျှင် တစ်ကြိမ်နှင့် နှစ်ပတ်လည် သင်းလုံးကျွတ် အစည်းအဝေးပွဲအားလဲ ကျင်းပပြုလုပ်ရမည်။ စုပေါင်းပိုင် အဆောက်အအုံ ပြိုပျက်ခြင်း၊ ဖြိုဖျက်ခြင်းဖြစ်ပါကလဲ အသင်းဝင် (၇၅%) သဘောတူညီ ချက်ဖြင့် အဆောက်အဦတစ်ခုလုံးကိုဖြစ်စေ၊ အစိတ်အပိုင်းတစ်ခုလုံးကိုဖြစ်စေ ပြုပြင်တည်ဆောက်ခြင်းပြုနိုင် ကြောင်း ဥပဒေဗဟုသုတအနေဖြင့် ရေးသားဖော်ပြပေးလိုက်ပါသည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com