အမေရိကန်ပြည် ဖလော်ရီဒါပြည်နယ်၊ Palm Beach ရှိ ဘီလျံနာတန်းမှ မြေကွက်တစ်ခု ကန်ဒေါ်လာ သန်း ၂၀၀ အထိ အံ့ဖွယ် ဈေးခေါ်ကာ အရောင်းဈေးကွက်ဝင်လာ

အမေရိကန်ပြည် ဖလော်ရီဒါပြည်နယ်၊ Palm Beach ရှိ ဘီလျံနာတန်း (Billionaire’s Row)မှ မြေကွက်တစ်ခု ကန်ဒေါ်လာ သန်း ၂၀၀ အထိ အံ့ဖွယ် ဈေးခေါ်ကာ အရောင်းဈေးကွက်ဝင်လာသည်။

ဘီလျံနာ Estee Lauder ၏ အမွေဆက်ခံသူ William Lauder က အနီးရှိအဆိုပါ မြေကွက်မျိုးကို ကန်ဒေါ်လာ ၁၇၈ သန်းဖြင့် ရောင်းထုတ်ခဲ့ပြီး ရက်ပိုင်းအကြာတွင် ယခုမြေကွက် အရောင်းဈေးကွက်ဝင်လာခြင်းလည်း ဖြစ်သည်။

South Ocean Boulevard လမ်း အမှတ် ၁၉၈၀ တွင် တည်ရှိပြီး အကျယ်အဝန်း ၂ ဧကရှိကာ မည်သည့်အဆောက်အအုံမျှ မရှိသော မြေလွတ်မြေကွက်တစ်ခု ဖြစ်သည်။

ထို့ကြောင့် ဝယ်ယူမည့် ပိုင်ရှင်သစ်အနေဖြင့် မိမိ၏ စိတ်ကြိုက် နေအိမ်ကို လိုသလို ပုံဖော် ဆောက်လုပ်နိုင်မည် ဖြစ်သည်။

ရှိရင်းစွဲ နေအိမ်ကို မနှစ်သက်သောကြောင့် ဖြိုချ ရှင်းလင်းရမည့် အလုပ်မျိုး လိုအပ်မည်မဟုတ်ချေ။

ဘီလျံနာတန်းတွင် ယခုကဲ့သို့ ရနိုင်သည့် နောက်ဆုံး မြေကွက်ဖြစ်ကြောင်း အရောင်းဈေးကွက်တင်ပေးသည့် Corcoran Group မှ အကျိုးဆောင် Shelly Newman က ပြောသည်။

ဈေးကွက်တင် ကြော်ငြာတွင် ဖော်ပြချက်အရ ပင်လယ်ကမ်းခြေနှင့် Intracoastal သီးသန့်ကမ်းခြေ ၂ ခုလုံး ပိုင်ဆိုင်ထားသည့် အရောင်းဈေးကွက်ဝင် တစ်ခုတည်းသော မြေကွက်ဖြစ်ကြောင်း ဖော်ပြသည်။

(ရှားရှားပါးပါး ရနိုင်သည့် မြေကွက်ဖြစ်ပြီး ပင်လယ်ကမ်းခြေမှသည် Intracoastal Waterway အထိ ဖြန့်ကျက်တည်ရှိသည်။ ဓာတ်ပုံ-Living Proof Photography)

(Palm Beach တွင် ပင်လယ်မှ ရေကန်အထိ ဖြန့်ကျက်တည်ရှိသော မြေကွက် ၂၀ မျှသာ ရှိသည်။ ဓာတ်ပုံ-Living Proof Photography)

ယခုမြေကွက်သည် ယခင်ကလည်း အရောင်းဈေးကွက်ဝင်ခဲ့ဖူးသည်။

၂၀၂၂ ခုနှစ်အတွင်းက ကန်ဒေါ်လာ သန်း ၁၅၀ ဖြင့် ဈေးကွက်တင်ခဲ့ခြင်း ဖြစ်သည်။

အိမ်ခြံမြေ ရင်းနှီးမြှပ်နှံသူ Nathan Royce Silverstein က ၁၉၆၀ ပြည့်လွန်ကာလများကတည်းက ပိုင်ဆိုင်ထားခဲ့ခြင်း ဖြစ်သည်။

ပြီးခဲ့သော ၂၀၂၃ ခုနှစ်တွင် အရောင်းဈေးကွက်မှ ပြန်လည် ရုပ်သိမ်းသွားခဲ့ပြီး ယခုအခါ ပိုမိုမြင့်မားသော ဈေးနှုန်းဖြင့် ဈေးကွက် ပြန်တင်လာခြင်း ဖြစ်သည်။

(ယခုမြေကွက်တွင် မည်သို့ ဆောက်လုပ်၍ ရနိုင်ကြောင်း ဒီဇိုင်းရေးဆွဲထားသည့် ဗိသုကာပုံစံ။ ဓာတ်ပုံ-Fairfax & Sammons)

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Vacant Lot on Palm Beach’s ‘Billionaire’s Row’ Hits the Market for a Jaw-Dropping $200 Million Photo Credit- Fairfax & Sammons, Living Proof Photography